ಸೈಬರ್ ದಾಳಿ; ತನಿಖೆಗೆ ಆಗ್ರಹಿಸಿ ದೂರು ದಾಖಲಿಸಿದ ಅರ್ಜುನ್ ಕುಟುಂಬ

ಕೋಝಿಕ್ಕೋಡ್: ಸೈಬರ್ ದಾಳಿ ಪ್ರಕರಣದ ತನಿಖೆಗೆ ಆಗ್ರಹಿಸಿ ಅರ್ಜುನ್ ಕುಟುಂಬದವರು ಕೋಝಿಕ್ಕೋಡ್ ಕಮಿಷನರ್‍ಗೆ ದೂರು ಸಲ್ಲಿಸಿದ್ದಾರೆ.

ಸೈಬರ್ ದಾಳಿ ಸಹಿಸಲಾರದ ರೀತಿಯಲ್ಲಿ ನಡೆಯುತ್ತಿದೆ ಎಂದು ದೂರಿನಲ್ಲಿ ಕುಟುಂಬದವರು ತಿಳಿಸಿದ್ದಾರೆ. ಕೋಮುವಾದವನ್ನು ಹರಡುವ ಸೈಬರ್ ದಾಳಿಯೂ ನಡೆದಿದೆ.

ಮೊನ್ನೆ ಅರ್ಜುನ್ ಕುಟುಂಬದವರು ಲಾರಿ ಮಾಲೀಕ ಮನಾಫ್ ವಿರುದ್ಧ ಗಂಭೀರ ಆರೋಪ ಮಾಡಿದ್ದರು. ಮಾಧ್ಯಮಗಳಲ್ಲಿ ಮನಾಫ್ ಹೇಳಿದ ಕೆಲವು ವಿಷಯಗಳು ತೀವ್ರ ಸೈಬರ್ ದಾಳಿಗೆ ಕಾರಣವಾಗಿವೆ ಎಂದು ಅರ್ಜುನ್ ಸಹೋದರಿಯ ಪತಿ ಜಿತಿನ್ ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ಇದೇ ವೇಳೆ ಅರ್ಜುನ್‍ನ ಪತ್ತೆಗೆ ಸಹಕರಿಸಿದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸುವುದಾಗಿ ಕುಟುಂಬಸ್ಥರು ತಿಳಿಸಿದ್ದಾರೆ.

ಪತ್ರಿಕಾಗೋಷ್ಠಿಯಲ್ಲಿ ಜೀತ್ ಅವರೊಂದಿಗೆ ಅರ್ಜುನ್ ತಂದೆ ಪ್ರೇಮನ್, ತಾಯಿ ಶೀಲಾ, ಸಹೋದರಿ ಅಂಜು, ಅಭಿರಾಮಿ ಮತ್ತು ಸಹೋದರ ಕೂಡ ಉಪಸ್ಥಿತರಿದ್ದರು. ಲಾರಿ ಮಾಲೀಕ ಮನಾಫ್ ಕುಟುಂಬದವರ ಭಾವನೆಗಳನ್ನು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ ಎಂದು ಕುಟುಂಬದವರು ಆರೋಪಿಸಿದ್ದಾರೆ.