ಡಿಜಿಟಲ್ ಭೂ ಸಮೀಕ್ಷೆ-ದೂರು ಸ್ವೀಕಾರಕ್ಕಾಗಿ ಅಭಿಯಾನ

ಕಾಸರಗೋಡು: ಡಿಜಿಟಲ್ ಭೂ ಸಮೀಕ್ಷೆಯಲ್ಲಿ ನೂರಕ್ಕೆ ನೂರರಷ್ಟು ಸಾರ್ವಜನಿಕರ ಪಾಲ್ಗೊಳ್ಳುವಿಕೆ ಹಾಗೂ ದೂರು ರಹಿತ ದಾಖಲೆ ಸಿದ್ಧಪಡಿಸಲು ಜಿಲ್ಲಾಧಿಕಾರಿ ಕೆ. ಇಂಪಾಶೇಖರ್ ನೇತೃತ್ವದಲ್ಲಿ ಸರ್ವೆ-ಕಂದಾಯ ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ನೇರವಾಗಿ ಗ್ರಾಮಗಳಿಗೆ ತಲುಪಲಿದ್ದಾರೆ. "ನನ್ನ ಭೂಮಿ-ನನ್ನ ಹಕ್ಕು" ಅಭಿಯಾನದ ಅಂಗವಾಗಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.  

ಡಿಜಿಟಲ್ ಸಮೀಕ್ಷೆ ಪೂರ್ಣಗೊಂಡು ಕಂದಾಯ ಇಲಾಖೆಗೆ ವರ್ಗಾವಣೆಗೊಂಡ ಗ್ರಾಮಗಳಲ್ಲಿ ಸಮೀಕ್ಷೆ-ಕಂದಾಯ ಮತ್ತು ನೋಂದಣಿ ಇಲಾಖೆಗಳ ಸೇವೆಗಳು ಡಿಜಿಟಲ್ ಸರ್ವೆ ದಾಖಲೆಯನ್ನು ಆಧರಿಸಿ ನಡೆಯಲಿದೆ. ಭೂಮಿ, ಸಾಲ ಮತ್ತು ತೆರಿಗೆ ಪಾವತಿಯ ವಹಿವಾಟುಗಳು ಡಿಜಿಟಲ್ ಸರ್ವೆ ದಾಖಲೆಗಳ ಆಧಾರದ ಮೇಲೆ ಮಾತ್ರ ಲಭ್ಯವಿರಲಿದೆ.

ಜಿಲ್ಲೆಯಲ್ಲಿ ಪ್ರಥಮ ಬಾರಿಗೆ ಡಿಜಿಟಲ್ ಸಮೀಕ್ಷೆ ನಡೆದ 18 ಗ್ರಾಮಗಳಲ್ಲೂ ಸರ್ವೆ ದಾಖಲೆ ಪರಿಶೀಲಿಸಿ ದೂರು ಸಲ್ಲಿಸಲು ಜಿಲ್ಲಾಡಳಿತ ಅವಕಾಶ ಕಲ್ಪಿಸಿದೆ.    ರಾಜ್ಯವು ರೂಪುನೀಡಿದ ಮತ್ತು ಜಾರಿಗೆ ತಂದ ಮೊದಲ ಜನಪ್ರಿಯ ಅಭಿಯಾನವಾಗಿದೆ

ಅಕ್ಟೋಬರ್ 7, 2024 ರಂದು ಸಂಜೆ 5.30ಕ್ಕೆ ತಳಂಗರೆ ಸರ್ಕಾರಿ ಮುಸ್ಲಿಂ ವೊಕೇಶನಲ್ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಅಭಿಯಾನ ಆರಂಭಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಕೆ. ಇಂಪಾಶೇಖರ್ ಮಾಹಿತಿ ನೀಡಿದರು. ಡಿಜಿಟಲ್ ಭೂಮಾಪನಕ್ಕೆ ಸಂಬಂಧಿಸಿದಂತೆ ತಳಂಗರ ಗ್ರಾಮದ ದೂರುಗಳನ್ನು ಸಾರ್ವಜನಿಕರಿಗೆ ತಿಳಿಸಬಹುದಾಗಿದೆ.