ಸದನದಲ್ಲಿ ಪ್ರತಿಪಕ್ಷಗಳ ಗದ್ದಲ; ನಕ್ಷತ್ರ ಹಾಕಿದ ಪ್ರಶ್ನೆಗಳನ್ನು ಪಟ್ಟಿಯಿಂದ ತೆಗೆದುಹಾಕಿದ್ದಕ್ಕೆ ಪ್ರಶ್ನೆಗಳ ಸುರಿಮಳೆ: ಮೈಕ್ ಆಫ್: ಸದನ ಮುಂದೂಡಿಕೆ

ತಿರುವನಂತಪುರಂ: ಸರ್ಕಾರದ ವಿರುದ್ಧ ಪ್ರತಿಪಕ್ಷಗಳು ಪ್ರತಿಭಟನೆಯನ್ನು ತೀವ್ರಗೊಳಿಸಿವೆ.  ಪಟ್ಟಿಯಿಂದ ನಕ್ಷತ್ರ ಹಾಕಿದ ಪ್ರಶ್ನೆಗಳನ್ನು ತೆಗೆದುಹಾಕಿದ್ದರಿಂ ಕುಪಿತಗೊಂಡು ತೀವ್ರ ವಾಗ್ದಾಳಿ ನಡೆಸಿದೆ. 

ಪ್ರತಿಪಕ್ಷಗಳು ಸ್ಪೀಕರ್ ಡಯಾಸ್ ಎದುರು ಬ್ಯಾನರ್ ಹಿಡಿದು ಪ್ರತಿಭಟನೆ ನಡೆಸಿದರು. ಮ್ಯಾಥ್ಯೂ ಕುಜಲನಾಡನ್ ಮತ್ತು ಅನ್ವರ್ ಸಾದತ್, ಐ.ಸಿ. ಬಾಲಕೃಷ್ಣನ್ ಅವರು ಸ್ಪೀಕರ್ ಡಯಾಸ್ ಪ್ರವೇಶಿಸಿದರು. ಗದ್ದಲದ ಹಿನ್ನೆಲೆಯಲ್ಲಿ ಸದನವನ್ನು ಇಂದಿಗೆ ಮುಂದೂಡಲಾಯಿತು.

ಸದನದಲ್ಲಿ ಪ್ರಶ್ನೆ ಕೇಳುವ ಪ್ರತಿಪಕ್ಷದ ಹಕ್ಕನ್ನು ಕಸಿದುಕೊಳ್ಳಲಾಗಿದೆ ಎಂದು ಪ್ರತಿಪಕ್ಷದ ನಾಯಕ ವಿ.ಡಿ.ಸತೀಶನ್ ಹೇಳಿದರು. ಸಭಾಧ್ಯಕ್ಷರು ನೀಡಿದ ಉತ್ತರ ಪ್ರತಿಪಕ್ಷಗಳ ಪ್ರತಿಭಟನೆಗೆ ಕಾರಣವಾಯಿತು. ಭಾಷಣದ ವೇಳೆ ವಿರೋಧ ಪಕ್ಷದ ನಾಯಕರ ಮೈಕ್ ಆಫ್ ಮಾಡಲಾಯಿತು. 

ವಿಪಕ್ಷ ನಾಯಕರ ಆರೋಪಗಳು ಸ್ಥಳೀಯ ಮಹತ್ವದ ವಿಚಾರಗಳಲ್ಲ  ಎಂದು ಸ್ಪೀಕರ್ ಎಎನ್ ಶಂಸೀರ್ ಹೇಳಿದ್ದಾರೆ. ಅದನ್ನು ಆಧರಿಸಿ ನಕ್ಷತ್ರ ಹಾಕಿದ ಪ್ರಶ್ನೆಗಳ ಪಟ್ಟಿಯಿಂದ ತೆಗೆದುಹಾಕಲಾಗಿದೆ ಎಂದು ಸ್ಪೀಕರ್ ಹೇಳಿದರು. ಈ ನಿಟ್ಟಿನಲ್ಲಿ ಯಾವುದೇ ವೈಫಲ್ಯ ಸಂಭವಿಸಿಲ್ಲ. ಸದನದಲ್ಲಿ ಉತ್ತರವನ್ನು ನೀಡುವವರೆಗೆ ಪ್ರಶ್ನೆಯ ಸೂಚನೆಗೆ ಯಾವುದೇ ಪ್ರತಿಕ್ರಿಯೆ ಅಥವಾ ಪ್ರಚಾರವನ್ನು ಮಾಡಬಾರದು ಎಂದು ವಿಧಾನಸಭೆಯ ನಿಯಮಗಳು ಹೇಳುತ್ತವೆ. ಆದರೆ ಪ್ರತಿಪಕ್ಷಗಳು ಅದನ್ನು ಪಾಲಿಸಲಿಲ್ಲ ಎಂದು ಸ್ಪೀಕರ್ ಹೇಳಿದರು. ಇದಾದ ಬಳಿಕ ಪ್ರತಿಪಕ್ಷಗಳು ಸಭಾಪತಿ ವಿರುದ್ಧ ಬ್ಯಾನರ್‍ಗಳನ್ನು ಎತ್ತಿ ಪ್ರತಿಭಟಿಸಿದವು. ಪ್ರತಿಪಕ್ಷಗಳು ಈ ಸಂದರ್ಭ ಸ್ಪೀಕರ್ ರಾಜೀನಾಮೆಗೆ ಒತ್ತಾಯಿಸಿದವು.

ಚುರಮಲ-ಮುಂಡಕೈ ಅನಾಹುತಕ್ಕೆ ಸಂಬಂಧಿಸಿದಂತೆ ಪ್ರತಿಪಕ್ಷಗಳು ಕೇಳಿದ ಪ್ರಶ್ನೆಗಳಿಗೆ ಮುಖ್ಯಮಂತ್ರಿ ಉತ್ತರ ನೀಡುತ್ತಿದ್ದಂತೆಯೇ ಪ್ರತಿಭಟನೆಗಳು ಭುಗಿಲೆದ್ದವು. ಪ್ರತಿಪಕ್ಷಗಳು ಸದನದ ಮಧ್ಯದಲ್ಲಿ ಘೋಷಣೆಗಳನ್ನು ಕೂಗುತ್ತಾ, ಫಲಕಗಳು ಮತ್ತು ಬ್ಯಾನರ್‍ಗಳನ್ನು ಎತ್ತುವ ಮೂಲಕ ಪ್ರತಿಭಟನೆ ನಡೆಸಿದರು. ಪ್ರತಿಪಕ್ಷಗಳ ಪ್ರತಿಭಟನೆಗೆ ಮಹತ್ವ ನೀಡದೆ ಮುಖ್ಯಮಂತ್ರಿ ಉತ್ತರ ಮುಂದುವರಿಸಿದರು. ಸ್ಪೀಕರ್ ವಿರುದ್ಧ ಪ್ರತಿಪಕ್ಷಗಳ ಪ್ರತಿಭಟನೆಯನ್ನು ಮುಖ್ಯಮಂತ್ರಿ ಟೀಕಿಸಿದರು. ಸರ್ಕಾರದ ವಿರುದ್ಧ ಪ್ರತಿಭಟನೆ ನಡೆಸಬಹುದು. ಆದರೆ ಸ್ಪೀಕರ್ ವಿರುದ್ಧದ ವಿರೋಧಿ ಧೋರಣೆ ಸರಿಯಲ್ಲ ಎಂದು ಮುಖ್ಯಮಂತ್ರಿ ತಿಳಿಸಿದರು. 

ಕೇಂದ್ರದಲ್ಲಿ ಪ್ರತಿಭಟನೆ ನಡೆಸಿದ ಪ್ರತಿಪಕ್ಷಗಳಿಗೆ ವಿಪಕ್ಷ ನಾಯಕ ಯಾರು ಎಂದು ಸ್ಪೀಕರ್ ಕೇಳಿದರು. ಇದನ್ನು ವಿರೋಧಿಸಿ ವಿ.ಡಿ.ಸತೀಶನ್ ಪ್ರತಿಭಟನೆ ನಡೆಸಿದರು. ಸರ್ಕಾರದ ಹಿತಾಸಕ್ತಿ ಕಾಪಾಡುವ ಭರದಲ್ಲಿ ಸಭಾಧ್ಯಕ್ಷರ ಪೀಠದ ಮೇಲೆ ಕುಳಿತ ತಪ್ಪಿನಿಂದಲೇ ಸಭಾಧ್ಯಕ್ಷರು ಆ ಪ್ರಶ್ನೆ ಕೇಳಿದ್ದಾರೆ ಎಂದು ವಿ.ಡಿ.ಸತೀಶನ್ ಹೇಳಿದ್ದಾರೆ. ಸ್ಪೀಕರ್ ವರ್ತನೆ ಅಪಕ್ವವಾಗಿದೆ. ಈ ಹಿಂದೆ ಯಾವೊಬ್ಬ ಸ್ಪೀಕರ್ ಇಂತಹ ಪ್ರಶ್ನೆ ಎತ್ತಿರಲಿಲ್ಲ. ಶಂಸೀರ್ ಅವರು ಸ್ಪೀಕರ್ ಸ್ಥಾನಕ್ಕೆ ಅವಮಾನವಾಗುವಂಥ ಪ್ರಶ್ನೆ ಎತ್ತಿದ್ದಾರೆ ಎಂದು ವಿ.ಡಿ.ಸತೀಶನ್ ಬಹಿರಂಗವಾಗಿ ಹೇಳಿದರು. ಇದಾದ ಬಳಿಕ ಪ್ರತಿಪಕ್ಷಗಳು ಪ್ರಶ್ನೋತ್ತರ ಕಲಾಪವನ್ನು ಬಹಿಷ್ಕರಿಸುವುದಾಗಿ ಘೋಷಿಸಿದವು. ಸಚಿವ ಎಂ.ಬಿ.ರಾಜೇಶ್ ಅವರು ಮಾತನಾಡಿ, ವಿ.ಡಿ.ಸತೀಶನ್ ಅವರು ಕುರ್ಚಿಗೆ ಅವಮಾನ ಮಾಡಿದ್ದಾರೆ ಎಂದು ಹೇಳಿದರು. ವಿರೋಧ ಪಕ್ಷದ ನಾಯಕರ ವರ್ತನೆ ಅಪಕ್ವವಾಗಿದೆ. ವಿರೋಧ ಪಕ್ಷದ ನಾಯಕರ ದುರಹಂಕಾರದಿಂದ ಸದನದ ಘನತೆಗೆ ಧಕ್ಕೆ ಉಂಟಾಗುತ್ತಿದೆ ಎಂದು ಎಂ.ಬಿ.ರಾಜೇಶ್ ಹೇಳಿದ್ದಾರೆ.

ಇದೇ ವೇಳೆ ಮುಖ್ಯಮಂತ್ರಿಯವರ ಮಲಪ್ಪುರಂ ಟೀಕೆ, ವಿವಾದಾತ್ಮಕ ಸಂದರ್ಶನ ಮತ್ತು ಮುಖ್ಯಮಂತ್ರಿಯವರ ಸಂದರ್ಶನÀ ವಿವಾದದ ಬಗ್ಗೆ ಚರ್ಚೆ ನಡೆಸುವಂತೆ ಒತ್ತಾಯಿಸಿ ಪ್ರತಿಪಕ್ಷಗಳು ತುರ್ತು ನಿರ್ಣಯದ ನೋಟಿಸ್ ನೀಡಿವೆ.