ಬಿಜೆಪಿ ಜೊತೆ ಮೈತ್ರಿ ಇಲ್ಲ: ಅಬ್ದುಲ್ಲಾ ಸ್ಪಷ್ಟನೆ

 

       ಶ್ರೀನಗರ (PTI): ಜಮ್ಮು ಮತ್ತು ಕಾಶ್ಮೀರದಲ್ಲಿ ನ್ಯಾಷನಲ್ ಕಾನ್ಫರೆನ್ಸ್‌ ಪಕ್ಷವು ಬಿಜೆಪಿಯೊಂದಿಗೆ ಚುನಾವಣೋತ್ತರ ಮೈತ್ರಿ ಮಾಡಿಕೊಳ್ಳುವುದಿಲ್ಲ ಎಂದು ಪಕ್ಷದ ಅಧ್ಯಕ್ಷ ಫಾರೂಕ್‌ ಅಬ್ದುಲ್ಲಾ ಶನಿವಾರ ಸ್ಪಷ್ಟಪಡಿಸಿದರು.            ಬಿಜೆಪಿ ವಿರೋಧಿ ಮತಗಳು ನಮಗೆ ಬಂದಿವೆ.

             ಹೀಗಾಗಿ ಬಿಜೆಪಿ ಜೊತೆ ಸೇರುವುದಿಲ್ಲ. ಅವರು ಮುಸ್ಲಿಮರ ಮಳಿಗೆಗಳು ಮನೆಗಳು ಮಸೀದಿ ಮತ್ತು ಶಾಲೆಗಳ ಮೇಲೆ 'ಬುಲ್ಡೋಜರ್‌ ಕಾರ್ಯಾಚರಣೆ' ನಡೆಸಿದ್ದಾರೆ. ನಾವು ಅವರೊಂದಿಗೆ ಹೋಗುತ್ತೇವೆ ಎಂದು ನೀವು ಭಾವಿಸುತ್ತೀರಾ ಎಂದು ಅವರು ಪ್ರಶ್ನಿಸಿದರು. ಸರ್ಕಾರ ರಚನೆಗೆ ಬಿಜೆಪಿ ಜೊತೆ ಎನ್‌ಸಿ ಕೈಜೋಡಿಸಲಿದೆ ಎಂಬ ವದಂತಿ ಬೆನ್ನಲ್ಲೇ ಅಬ್ದುಲ್ಲಾ ಅವರು ಸ್ಪಷ್ಟನೆ ನೀಡಿದರು.