ಓಟ್ಟಂತುಳ್ಳಲ್ ಗೆ ವಿದೇಶಿ ವಿಶ್ವವಿದ್ಯಾಲಯದ ಮಾನ್ಯತೆ; ಮಣಲೂರು ಗೋಪಿನಾಥ್ ಸಾಧನೆಗೆ ಮನ್ನಣೆ

ಕಂಜನಿ: ಕೇರಳದ ವಿಶಿಷ್ಟ ಕಲಾ ಪ್ರಕಾರವಾದ ಓಟ್ಟಂತುಳ್ಳಲ್ ಅನ್ನು ಸ್ಕಾಟ್ಲೆಂಡ್‍ನ ಗ್ಲಾಸ್ಗೋ ವಿಶ್ವವಿದ್ಯಾಲಯ ಗುರುತಿಸಿದೆ.

ವಿಶ್ವವಿದ್ಯಾನಿಲಯವು ತ್ರಿಶೂರ್‍ನ ಮಣಲೂರ್ ಗೋಪಿನಾಥ್ ಅವರ 'ತುಳ್ಳಲ್ ಕಳೆಯ ಸಾಧ್ಯತೆಗಳು' ಎಂಬ ಮಹಾ ಪ್ರಬಂಧಕ್ಕೆ ಮನ್ನಣೆ ನೀಡಿ  ಈ ಬಾರಿಯ ಗ್ರೀಸ್‍ನ ಅಥೆನ್ಸ್‍ನಲ್ಲಿ ನಡೆಯುವ ವಲ್ರ್ಡ್ ಅಲೈಯನ್ಸ್ ಆಫ್ ಆಟ್ರ್ಸ್ ಶೃಂಗಸಭೆಯಲ್ಲಿ ಓಟ್ಟಂತುಳ್ಳಲ್ ಕಲಾ ಪ್ರಕಾರವನ್ನು ಪರಿಚಯಿಸಲಾಗುತ್ತದೆ.

ಮೂರೂವರೆ ದಶಕಗಳಿಂದ ನಿರಂತರ ಈ ಕಲಾ ಪ್ರಕಾರವನ್ನು ಪ್ರದರ್ಶಿಸುತ್ತಿರುವ ಕಲಾವಿದ ಆರ್.ಗೋಪಿನಾಥ್ ಕಳೆದ ತಿಂಗಳ 2ರಂದು ಸ್ಕಾಟ್ಲೆಂಡ್‍ನ ಗ್ಲಾಸ್ಗೋ ವಿಶ್ವವಿದ್ಯಾಲಯದಲ್ಲಿ ಓಟ್ಟಂತುಳ್ಳಲ್ ಕುರಿತ ಪ್ರಬಂಧ ಮಂಡಿಸಿದ್ದರು. ಸೆನೆಟ್ ಸದಸ್ಯರು ಮತ್ತು ಸಂಶೋಧನಾ ವಿದ್ಯಾರ್ಥಿಗಳ ಸಮ್ಮುಖದಲ್ಲಿ ಓಟ್ಟಂತುಳ್ಳಲ್ ಅನ್ನು ಕೂಡಾ ಪ್ರಸ್ತುತಪಡಿಸಲಾಗಿತ್ತು.  ವಿಶ್ವವಿದ್ಯಾನಿಲಯವು ಒಟ್ಟಂತುಳ್ಳಲ್ ನ್ನು ಅಂಗೀಕರಿಸಿ ಪ್ರಮಾಣಪತ್ರವನ್ನು ಸಹ ನೀಡಿದೆ.

ನಂತರ, ಇಂದು ಗ್ರೀಸ್‍ನ ಅಥೆನ್ಸ್‍ನಲ್ಲಿ ನಡೆದ ವಿಶ್ವ ಕಲಾ ಒಕ್ಕೂಟದ ಶೃಂಗಸಭೆಯಲ್ಲಿ, ಸ್ಕಾಟ್‍ಲ್ಯಾಂಡ್‍ನ ಗ್ಲಾಸ್ಗೋ ವಿಶ್ವವಿದ್ಯಾಲಯವು ಕೇರಳದ ವಿಶಿಷ್ಟ ಕಲಾ ಪ್ರಕಾರವಾದ ಓಟ್ಟಂತುಳ್ಳಲ್ ನ್ನು ದೃಶ್ಯ ಪ್ರಾತಿನಿಧ್ಯಗಳನ್ನು ಹೊಂದಿರುವ ಪ್ರಬಂಧವಾಗಿ ಪ್ರಸ್ತುತಪಡಿಸಲು ಹೊರಟಿರುವುದು ಯಾವುದೇ ಕೇರಳೀಯರಿಗೆ ಹೆಮ್ಮೆಯ ವಿಷಯವಾಗಿದೆ.

ಮಣಲೂರು ಗೋಪಿನಾಥ್ ಅವರು ತಮ್ಮ ಮನೆಯ ಸಮೀಪ ಕೊತ್ತಂಬಲವನ್ನು ನಿರ್ಮಿಸಿ ವಿದ್ಯಾರ್ಥಿಗಳಿಗೆ ಓಟ್ಟಂತುಳ್ಳಲ್ ಕಲಾ ಪ್ರಕಾರವನ್ನು ತಮ್ಮದೇ ಆದ ಹೆಮ್ಮೆಯಿಂದ ಮುಂದಿನ ಪೀಳಿಗೆಗೆ ಕಲಿಸುವ ಕೈಂಕರ್ಯ ಮುನ್ನಡೆಸುತ್ತಿದ್ದಾರೆ. 

ಕೇರಳ ಕಲಾಮಂಡಲಂ ಉಪಕುಲಪತಿ ಡಾ.ಬಿ.ಅನಂತಕೃಷ್ಣನ್ ಮಾತನಾಡಿ, ಮಣಲೂರು ಗೋಪಿನಾಥ್ ಅವರು ಓಟ್ಟಂತುಳ್ಳಲ್ ಅನ್ನು ಇತರ ದೇಶಗಳ ಜನರಿಗೆ ಪರಿಚಯಿಸಲು ಸಾಧ್ಯವಾಗಿರುವುದು ಹೆಮ್ಮೆ ತಮದಿದೆ ಎಂದಿರುವರು.