ಶಬರಿಮಲೆಯಲ್ಲಿ ಗಂಭೀರ ಭದ್ರತಾ ಲೋಪ; ಗಂಟೆಗಟ್ಟಲೆ ವಿದ್ಯುತ್ ಸ್ಥಗಿತ: ಮೊಬೈಲ್ ಬೆಳಕಿನಲ್ಲಿ ಬೆಟ್ಟ ಹತ್ತಿಳಿದ ಭಕ್ತರು

ಸನ್ನಿಧಾನಂ: ಶಬರಿಮಲೆಯಲ್ಲಿ ಹಲವು ಗಂಟೆಗಳ ಕಾಲ ವಿದ್ಯುತ್ ವ್ಯತ್ಯಯ ಉಂಟಾಗಿ ಭಕ್ತರು ಪರದಾಡುವಂತಾಯಿತು. ನೀಲಿಮಲದಿಂದ ಅಪಾಚೆಮೇಡುವರೆಗೆ ವಿದ್ಯುತ್ ಸ್ಥಗಿತಗೊಳಿಸಲಾಗಿತ್ತು.

ಜೋರು ಮಳೆಯಲ್ಲೇ ಮೊಬೈಲ್ ಲೈಟ್ ಹಾಕಿಕೊಂಡು ಯಾತ್ರಾರ್ಥಿಗಳು ಪರ್ವತ ಏರಿದರು. ಶನಿವಾರ ಸಂಜೆ 7ರಿಂದ ಮಧ್ಯರಾತ್ರಿ 12.30ರವರೆಗೆ ವಿದ್ಯುತ್ ಕಡಿತಗೊಳಿಸಲಾಗಿತ್ತು.

ಪಂಪ್‍ನಲ್ಲಿನ ಟ್ರಾನ್ಸ್‍ಫಾರ್ಮರ್‍ನಲ್ಲಿನ ದೋಷವು ವಿದ್ಯುತ್ ಕಡಿತಕ್ಕೆ ಕಾರಣವಾಯಿತು. ದೇವಸ್ವಂ ಮಂಡಳಿಯ ಕೇಬಲ್ ವ್ಯವಸ್ಥೆಯೂ ಹಾಳಾಗಿದ್ದು, ಬದಲಿ ವ್ಯವಸ್ಥೆಗಳು ಕಾರ್ಯನಿರ್ವಹಿಸಲು ಸಾಧ್ಯವಾಗಿಲ್ಲ. ಅದು ತೀವ್ರ ಬಿಕ್ಕಟ್ಟನ್ನು ಸೃಷ್ಟಿಸಿತು. ಕೂರಿರುತ್‍ನಲ್ಲಿ ಭಕ್ತರು ನಾಲ್ಕು ಕಡಿದಾದ ಏರುಗಳನ್ನು ಹತ್ತಿದರು. ಶೆಡ್ ನಂಬರ್ 1 ರಿಂದ ಹದಿನಾಲ್ಕು ಶೆಡ್ ವರೆಗೆ ವಿದ್ಯುತ್ ಇರಲಿಲ್ಲ. ಜೋರು ಮಳೆಯಿಂದಾಗಿ ಜಾರುವ ಹಾದಿಯಲ್ಲಿ ಪುಟ್ಟ ಮಕ್ಕಳೊಂದಿಗೆ ಬೆಟ್ಟ ಏರಿದವರಿಗೆ ತುಂಬಾ ಕಷ್ಟವಾಗಿತ್ತು.

ಹಲವು ಗಂಟೆಗಳ ಕಾಲ ಕತ್ತಲೆಯಲ್ಲಿಯೇ ಕಾಡುಪ್ರಾಣಿಗಳು, ಹಾವುಗಳ ಕಾಟವಿದ್ದರೂ ದೇವಸ್ವಂ ಮಂಡಳಿ ಹಾಗೂ ಕೆಎಸ್ ಇಬಿ ಅಧಿಕಾರಿಗಳು ಮಧ್ಯಪ್ರವೇಶಿಸಲಿಲ್ಲ. ದೇವಸ್ವಂ ಮಂಡಳಿಯ ವಿದ್ಯುತ್ ಮಾರ್ಗದ ಕೇಬಲ್ ದೋಷಪೂರಿತವಾಗಿದೆ ಎಂದು ಕೆಎಸ್ ಇಬಿ ಕೈಬಿಟ್ಟಿತು. ತುಲಾಮಾಸ ಪೂಜೆ ನಿಮಿತ್ತ ಶಬರಿಮಲೆಯಲ್ಲಿ ಭಕ್ತರ ದಂಡೇ ನೆರೆದಿತ್ತು. ಶನಿವಾರ ಮತ್ತು ಭಾನುವಾರ ಹೆಚ್ಚಿನ ಭಕ್ತರು ಬಂದಿದ್ದರು. 

ಕಳೆದ ಮಂಡಲ-ಮಕರ ಬೆಳಕು ಯಾತ್ರೆಯ ಸಂದರ್ಭದಲ್ಲೂ ಇದೇ ರೀತಿ ವಿದ್ಯುತ್ ವ್ಯತ್ಯಯ ಉಂಟಾಗಿತ್ತು. ಇದು ಗಂಭೀರ ಭದ್ರತಾ ಲೋಪ ಎಂದು ಪೋಲೀಸರು ಮತ್ತು ಗುಪ್ತಚರ ಸಂಸ್ಥೆಗಳು ಸರ್ಕಾರಕ್ಕೆ ವರದಿ ಸಲ್ಲಿಸಿದ್ದರೂ ಯಾವುದೇ ಕ್ರಮ ಕೈಗೊಂಡಿಲ್ಲ. ಆದರೆ ದೇವಸ್ವಂ ಮಂಡಳಿ ಅಧ್ಯಕ್ಷರು ಕೇವಲ 40 ನಿಮಿಷ ಮಾತ್ರ ವಿದ್ಯುತ್ ಕಡಿತಗೊಳಿಸಲಾಗಿದೆ ಎಂದು ಹೇಳಿದ್ದಾರೆ.  ಶಬರಿಮಲೆಗೆ ಆಗಮಿಸುವ ಭಕ್ತರಿಗೆ ಅಗತ್ಯ ವ್ಯವಸ್ಥೆ ಕಲ್ಪಿಸಲು ಪ್ರಯತ್ನಿಸಲಾಗುತ್ತಿದ್ದು, ಸಣ್ಣಪುಟ್ಟ ತಪ್ಪುಗಳು ಸಹಜ ಎಂಬುದು ದೇವಸ್ವಂ ಅಧ್ಯಕ್ಷರು ಸಮಜಾಯಿಷಿ ನೀಡಿರುವರು. 

ಸಿಡಿಲಿನ ಹೊಡೆತಕ್ಕೆ ವಿದ್ಯುತ್ ವ್ಯತ್ಯಯ ಉಂಟಾಗಿದೆ. ಆದರೆ 40 ನಿಮಿಷದಲ್ಲಿ ಪರಿಹಾರವಾಯಿತು ಎಂದು ಅಧ್ಯಕ್ಷ ಪಿ. ಪ್ರಶಾಂತ್ ಹೇಳಿರುವರು.