ಡಿಸೆಂಬರ್ 10 ರಂದು ಹನ್ನೊಂದು ಜಿಲ್ಲೆಗಳ 31 ಸ್ಥಳೀಯ ವಾರ್ಡ್‍ಗಳಿಗೆ ಉಪಚುನಾವಣೆ

ತಿರುವನಂತಪುರ: ರಾಜ್ಯದ 31 ಸ್ಥಳೀಯ ವಾರ್ಡ್‍ಗಳಿಗೆ ಡಿ.10ರಂದು ಉಪಚುನಾವಣೆ ನಡೆಯಲಿದೆ ಎಂದು ರಾಜ್ಯ ಚುನಾವಣಾ ಆಯುಕ್ತ ಎ.ಷಹಜಹಾನ್ ಮಾಹಿತಿ ನೀಡಿದರು. ಮಲಪ್ಪುರಂ ಜಿಲ್ಲಾ ಪಂಚಾಯತ್‍ನ ತ್ರಿಕಲಂಗೋಡ್ ವಾರ್ಡ್ ಸೇರಿದಂತೆ ಹನ್ನೊಂದು ಜಿಲ್ಲೆಗಳಲ್ಲಿ (ಎರ್ನಾಕುಳಂ, ವಯನಾಡು ಮತ್ತು ಕಾಸರಗೋಡು ಹೊರತುಪಡಿಸಿ) ನಾಲ್ಕು ಬ್ಲಾಕ್ ಪಂಚಾಯತ್ ವಾರ್ಡ್‍ಗಳು, ಮೂರು ಮುನ್ಸಿಪಾಲಿಟಿ ವಾರ್ಡ್‍ಗಳು ಮತ್ತು 23 ಗ್ರಾಮ ಪಂಚಾಯತ್ ವಾರ್ಡ್‍ಗಳಲ್ಲಿ ಉಪಚುನಾವಣೆ ನಡೆಯಲಿದೆ.

ನವೆಂಬರ್ 15 ರಂದು ಅಧಿಸೂಚನೆ ಹೊರಡಿಸಲಾಗುವುದು. 22ರವರೆಗೆ ನಾಮಪತ್ರ ಸಲ್ಲಿಸಬಹುದು. 23ರಂದು ವಿವಿಧ ಕೇಂದ್ರಗಳಲ್ಲಿ ಪರಿಶೀಲನೆ ನಡೆಸಲಾಗುವುದು. 25ರವರೆಗೆ ನಾಮಪತ್ರ ಹಿಂಪಡೆಯಬಹುದು. ಡಿಸೆಂಬರ್ 11 ರಂದು ಬೆಳಗ್ಗೆ 10 ಗಂಟೆಗೆ ಮತ ಎಣಿಕೆ ನಡೆಯಲಿದೆ. ಮತದಾನಕ್ಕಾಗಿ 192 ಮತಗಟ್ಟೆಗಳನ್ನು ಸ್ಥಾಪಿಸಲಾಗುವುದು.

ಮಾದರಿ ನೀತಿ ಸಂಹಿತೆ ಜಾರಿಗೆ ಬಂದಿದೆ. ನೀತಿ ಸಂಹಿತೆಯು ನಗರಸಭೆಗಳಲ್ಲಿ ಆಯಾ ವಾರ್ಡ್‍ಗಳಿಗೆ ಮತ್ತು ಗ್ರಾಮ ಪಂಚಾಯಿತಿಗಳಲ್ಲಿ ಇಡೀ ಪ್ರದೇಶಕ್ಕೆ ಅನ್ವಯಿಸುತ್ತದೆ. ಬ್ಲಾಕ್ ಮತ್ತು ಜಿಲ್ಲಾ ಪಂಚಾಯಿತಿಗಳಲ್ಲಿ ಉಪಚುನಾವಣೆ ಇರುವ ವಾರ್ಡ್‍ಗಳನ್ನು ಒಳಗೊಂಡಿರುವ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ನೀತಿ ಸಂಹಿತೆ ಜಾರಿಯಲ್ಲಿರಲಿದೆ.