ಶಾಲಾ ಕ್ರೀಡೋತ್ಸವದಲ್ಲಿ ಮನಮೋಹಕ ಸ್ಪರ್ಧೆ: ಮಕ್ಕಳಿಂದ 100 ಮೀ.ಓಟದಲ್ಲಿ ಅದ್ಭುತ ಪ್ರದರ್ಶನ-ಕಾಸರಗೋಡಿಗೊಲಿದ ಚಿನ್ನ

ಕೊಚ್ಚಿ: ಶಾಲಾ ಕ್ರೀಡಾ ಮೇಳದ ಗ್ಲಾಮರ್ ಸ್ಪರ್ಧೆಯ 100 ಮೀಟರ್ ಓಟದಲ್ಲಿ ಆಟಗಾರರು ಪ್ರೇಕ್ಷಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. 

ಸೀನಿಯರ್ ಬಾಲಕರ ವಿಭಾಗದಲ್ಲಿ ಎರ್ನಾಕುಳಂನ ಅನ್ಸ್ವಾಫ್ ಕ್ರೀಡಾಕೂಟದ ವೇಗಿಯಾಗಿ ಹೊರಹೊಮ್ಮಿದರು. ಹಿರಿಯ ಬಾಲಕಿಯರ ಪೈಕಿ ತಿರುವನಂತಪುರದ ರಹನಾ ಪ್ರಥಮ ಸ್ಥಾನ ಪಡೆದರು.

ಅನ್ಸಾಫ್ 10.80 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿದರು. ರಹಾನಾ 12.62 ಸೆಕೆಂಡ್‍ಗಳಲ್ಲಿ ಗುರಿ ತಲುಪಿದರು. ಸಬ್ ಜೂನಿಯರ್ ವಿಭಾಗದ ಫೈನಲ್ ನಲ್ಲಿ ಬಾಲಕರ ವಿಭಾಗದಲ್ಲಿ ಕಾಸರಗೋಡು ಅಂಗಡಿಮೊಗರು ಶಾಲೆಯ ನಿಯಾಝ್ ಅಹಮದ್ ಚಿನ್ನ ಮುಡಿಗೇರಿಸಿಕೊಂಡರು. ಅವರು 12.40 ಸೆಕೆಂಡುಗಳಲ್ಲಿ ಗುರಿಮುಟ್ಟಿದರು.  ಬಾಲಕಿಯರ ಪೈಕಿ ಇಡುಕ್ಕಿಯ ದೇವಪ್ರಿಯಾ 13.17 ಸೆಕೆಂಡುಗಳಲ್ಲಿ ಗುರಿ ತಲುಪಿ ಪ್ರಥಮ ಸ್ಥಾನ ಪಡೆದರು.

ಜೂನಿಯರ್ ಬಾಲಕಿಯರ 100 ಮೀಟರ್ ವಿಭಾಗದಲ್ಲಿ ಚಿನ್ನ ಮತ್ತು ಬೆಳ್ಳಿ ಗೆದ್ದ ಶ್ರೇಯಾ ಮತ್ತು ಅನನ್ಯಾ ಸೀನಿಯರ್ ವಿಭಾಗಕ್ಕಿಂತ ಉತ್ತಮ ಸಮಯವನ್ನು ಗಳಿಸಿದರು. ಶ್ರೇಯಾ 12.54 ಸೆಕೆಂಡ್‍ಗಳಲ್ಲಿ ಹಾಗೂ ಅನನ್ಯಾ 12.58 ಸೆಕೆಂಡ್‍ಗಳಲ್ಲಿ ಗುರಿ ಮುಟ್ಟಿದರು.

ಜೂನಿಯರ್ ಬಾಲಕರ ವಿಭಾಗದಲ್ಲಿ ಪಾಲಕ್ಕಾಡ್‍ನ ನಿವೇದ್ ಕೃಷ್ಣ 10.98 ಸೆಕೆಂಡುಗಳಲ್ಲಿ ಗುರಿ ತಲುಪಿ ಚಿನ್ನ ಗೆದ್ದರು.