ಅಸಹಜ ಕಾರಣ | ನಾಲ್ಕು ವರ್ಷದಲ್ಲಿ 71 ಹುಲಿಗಳ ಸಾವು: ಪರಿಸರ ಸಚಿವಾಲಯ​

ನವದೆಹಲಿ: ಕಳ್ಳಬೇಟೆ ಹಾಗೂ ಅನಾರೋಗ್ಯ ಸೇರಿದಂತೆ ಅಸಹಜ ಕಾರಣಗಳಿಂದ ದೇಶದಲ್ಲಿ ನಾಲ್ಕು ವರ್ಷಗಳಲ್ಲಿ (2021ರಿಂದ ಈಚೆಗೆ) 71 ಹುಲಿಗಳು ಸಾವಿಗೀಡಾಗಿವೆ ಎಂದು ಪರಿಸರ ಸಚಿವಾಲಯ ಸೋಮವಾರ ತಿಳಿಸಿದೆ.

ಲೋಕಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಪರಿಸರ ಖಾತೆ ರಾಜ್ಯ ಸಚಿವ ಕೀರ್ತಿ ವರ್ಧನ್ ಸಿಂಗ್, 2021 ರಿಂದ ಈಚೆಗೆ ಮಧ್ಯಪ್ರದೇಶದಲ್ಲಿ ಅತಿ ಹೆಚ್ಚು (20) ಹುಲಿಗಳು ಸಾವಿಗೀಡಾಗಿವೆ.

ನಂತರದಲ್ಲಿ ಮಹಾರಾಷ್ಟ್ರ (15) ಮತ್ತು ಕರ್ನಾಟಕ (4) ಹುಲಿಗಳು ಮೃತಪಟ್ಟಿವೆ ಎಂದು ತಿಳಿಸಿದ್ದಾರೆ.

2021ರ ಈಚೆಗೆ ಮೃತಪಟ್ಟ ಹುಲಿಗಳ ಸಂಖ್ಯೆ

• 2021- 20

• 2022-25

• 2023 - 25

• 2024-1

ಅಲ್ಲದೇ ದೇಶದಲ್ಲಿ ಹುಲಿಗಳ ಸಂಖ್ಯೆ ವಾರ್ಷಿಕ ಶೇ 6ರ ದರದಲ್ಲಿ ಹೆಚ್ಚುತ್ತಿದೆ ಎಂದೂ ಸಚಿವರು ಹೇಳಿದ್ದಾರೆ.