ಚೇಲಕ್ಕರ ಮತ್ತು ವಯನಾಡಿನಲ್ಲಿ ಮತದಾನ ಶಾಂತಿಯುತ-ವಯನಾಡಿನಲ್ಲಿ ಮತದಾನ ಪ್ರಮಾಣ ಗಣನೀಯ ಕುಸಿತ

ತ್ರಿಶೂರ್/ವಯನಾಡ್: ಚೇಲಕ್ಕರ ಮತ್ತು ವಯನಾಡ್ ಉಪಚುನಾವಣೆಯಲ್ಲಿ ಮತದಾರರು ತಮ್ಮ ತೀರ್ಪು ನೀಡಿದ್ದಾರೆ. ಈ ಬಾರಿ ವಯನಾಡಿನಲ್ಲಿ ಮತದಾನದ ಅವಧಿ ಮುಗಿದಾಗ ಶೇಕಡವಾರು ಪ್ರಮಾಣ ಗಣನೀಯವಾಗಿ ಕುಸಿದಿದೆ. ಆದರೆ ಚೇಲಕ್ಕರದಲ್ಲಿ ದಾಖಲೆಯ ಮತದಾನ ದಾಖಲಾಗಿದೆ.

ವಯನಾಡಿನಲ್ಲಿ ಶೇ.64.53 ಮತ್ತು ಚೇಲಕ್ಕರದಲ್ಲಿ ಶೇ.72.42 ಮತದಾನವಾಗಿದೆ. ಚೇಲಕ್ಕರ ಬೂತ್‍ಗಳಲ್ಲಿ ಸಮಯ ಮುಗಿದರೂ ಮತದಾರರ ಉದ್ದನೆಯ ಸರತಿ ಸಾಲು ಕಂಡುಬಂತು. ಸರತಿ ಸಾಲಿನಲ್ಲಿ ನಿಂತವರಿಗೆ ಮತದಾನ ಮಾಡಲು ಸಮಯಾವಕಾಶ ಕಲ್ಪಿಸಲಾಗಿತ್ತು. ಆದರೆ ತಡವಾಗಿ ಬಂದವರಿಗೆ ಮತದಾನ ಮಾಡಲು ಅವಕಾಶ ನಿರಾಕರಿಸಲಾಯಿತು. 

ವಯನಾಡಿನ ಮತಗಟ್ಟೆಗಳಲ್ಲಿ ವ್ಯತಿರಿಕ್ತ ನೋಟ ಕಂಡುಬಂದಿದೆ. ಸಂಜೆಯಾದರೂ ಮತಗಟ್ಟೆಗಳಲ್ಲಿ ಜನಸಂದಣಿ ಕಡಿಮೆ ಇತ್ತು. ಕಳೆದ ಲೋಕಸಭೆ ಚುನಾವಣೆಗಿಂತ ಈ ಬಾರಿ ಶೇ.ಕುಸಿದಿದೆ. ಇದೇ ವೇಳೆ ಸುಲ್ತಾನ್ ಬತ್ತೇರಿ ವಾಕೇರಿ ಎಚ್‍ಎಸ್‍ನಲ್ಲಿ ವಿವಿಪ್ಯಾಟ್ ಯಂತ್ರ ಕೆಟ್ಟಿದ್ದು, ಸಮಸ್ಯೆ ಬಗೆಹರಿದಿದ್ದು, ಮತದಾನ ಮುಂದುವರಿಯಿತು.