ತಿರುವಾಂಕೂರು ದೇವಸ್ವಂ ಮಂಡಳಿಯು ದೇವಾಲಯದ ಸಲಹಾ ಸಮಿತಿಗಳ ಅಧಿಕಾರಾವಧಿ ಎರಡು ವರ್ಷ ವಿಸ್ತರಣೆ

ತಿರುವನಂತಪುರಂ: ತಿರುವಾಂಕೂರು ದೇವಸ್ವಂ ಮಂಡಳಿಯು ದೇವಸ್ಥಾನದ ಸಲಹಾ ಸಮಿತಿಗಳಲ್ಲಿನ ಪದಾಧಿಕಾರಿಗಳನ್ನು ಎರಡು ವರ್ಷಗಳ ಕಾಲ ನಿಗದಿಪಡಿಸಿದೆ.

ಅಭಿವೃದ್ಧಿ ಕಾಮಗಾರಿ ಮುಂದುವರಿಸಲು ತುರ್ತು ಪರಿಸ್ಥಿತಿ ಇದ್ದಾಗ ಮಾತ್ರ ಸತತ ಎರಡು ವಷರ್Àಕ್ಕಿಂತ ಹೆಚ್ಚು ಕಾಲ ಮುಂದುವರಿಸಲು ಅವಕಾಶ ನೀಡಲಾಗುವುದು ಎಂಬ ಷರತ್ತು ವಿಧಿಸಲಾಗಿದೆ. ಈ ರೀತಿ ಇನ್ನೂ ಒಂದು ವರ್ಷ ಮಾತ್ರ ವಿಸ್ತರಿಸಬಹುದು. ಇದು ಸೇರಿದಂತೆ ದೇವಸ್ಥಾನ ಸಲಹಾ ಸಮಿತಿಗಳನ್ನು ನಿಯಂತ್ರಿಸಲು ದೇವಸ್ವಂ ಮಂಡಳಿ ಹಲವು ನಿರ್ದೇಶನಗಳನ್ನು ಪ್ರಕಟಿಸಿದೆ. ವಾರ್ಷಿಕ ಲೆಕ್ಕಪತ್ರಗಳನ್ನು ಲೆಕ್ಕಪರಿಶೋಧನೆ ಮಾಡಿ ಏಪ್ರಿಲ್ 30ರ ಮೊದಲು ಮಂಡಳಿಗೆ ಹಸ್ತಾಂತರಿಸಬೇಕು. ಸಲಹಾ ಸಮಿತಿಯು ನಡೆಸುವ ಕಾರ್ಯಗಳಲ್ಲಿ ವಿಶೇಷ ಪ್ಲೋಟ್‍ಗಳನ್ನು ನಿರ್ಮಿಸಬಾರದು. ದೇವಸ್ವಂ ಮಂಡಳಿಯ ಅನುಮೋದನೆಯೊಂದಿಗೆ ನೀಡಲಾದ ಸಂಗ್ರಹ ಕೂಪನ್‍ಗಳು ದಿನದಂದು ದೇವಸ್ವಂ ಮಂಡಳಿ ಮತ್ತು ಸಹಾಯಕ ಆಯುಕ್ತರ ಮುದ್ರೆಯನ್ನು ಹೊಂದಿರಬೇಕು. ಮಂಡಳಿಯ ಲೆಟರ್ ಪ್ಯಾಡ್‍ಗಳನ್ನು ಸಲಹಾ ಸಮಿತಿ ಬಳಸಬಾರದು ಮತ್ತು ಸ್ವತಃ ಮುದ್ರಿಸಿದ ಪ್ಯಾಡ್‍ಗಳನ್ನು ತಿರುವಾಂಕೂರು ದೇವಸ್ವಂ ಮಂಡಳಿಯ ಮಾಲೀಕತ್ವ ಮತ್ತು ನಿಯಂತ್ರಣದಲ್ಲಿರುವ ದೇವಸ್ಥಾನ ಎಂದು ನಿರ್ದಿಷ್ಟವಾಗಿ ಗುರುತಿಸಬೇಕು ಎಂದು ಸೂಚಿಸಲಾಗಿದೆ.

ತಿರುವಾಂಕೂರು ದೇವಸ್ವಂ ಮಂಡಳಿಯು 1250 ದೇವಾಲಯಗಳನ್ನು ಹೊಂದಿದೆ. ಕೆಲ ಸಲಹಾ ಸಮಿತಿಗಳಲ್ಲಿ ಅನಧಿಕೃತ ಹಣಕಾಸು ಚಟುವಟಿಕೆ ಹಾಗೂ ಅಧಿಕಾರ ದುರುಪಯೋಗ ನಡೆಯುತ್ತಿರುವುದು ಕಂಡು ಬಂದ ಹಿನ್ನಲೆಯಲ್ಲಿ ನಿಯಮಾವಳಿಗಳನ್ನು ಅಳವಡಿಸಿ ಹೈಕೋರ್ಟ್ ಆದೇಶ ನೀಡಿದೆ.