ತಿರುವನಂತಪುರಂ: ಗಂಭೀರ ಸಮಸ್ಯೆಗಳೊಂದಿಗೆ ಶಿಶು ಜನಿಸಿರುವುದಕ್ಕೆ ಸಂಬಂಧಪಟ್ಟಂತೆ ಕೇರಳ ಅಲಪ್ಪಳದ ನಾಲ್ವರು ವೈದ್ಯರ ಮೇಲೆ ಪ್ರಕರಣ ದಾಖಲಿಸಲಾಗಿದ್ದು, ಸರ್ಕಾರ ತನಿಖೆಗೆ ಆದೇಶಿಸಿದೆ.
ನವೆಂಬರ್ 2ರಂದು ಜನಿಸಿದ ಮಗುವಿಗೆ ಹಲವು ರೀತಿಯ ಗಂಭೀರ ಸಮಸ್ಯೆಗಳಿವೆ. ಇದಕ್ಕೆ ಕಾರಣ ಸರ್ಕಾರಿ ವೈದ್ಯರು ಮತ್ತು ಎರಡು ಸ್ಕ್ಯಾನಿಂಗ್ ಸೆಂಟರ್‌ಗಳ ನಿರ್ಲಕ್ಷ್ಯ ಎಂದು ಮಗುವಿನ ಪೋಷಕರಾದ ಸುರುಮಿ ಮತ್ತು ಅನೀಶ್ ದಂಪತಿ ಆರೋಪಿಸಿದ್ದಾರೆ.
ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿರುವ ಸರ್ಕಾರ, ಆರೋಗ್ಯ ಇಲಾಖೆಯ ಹೆಚ್ಚುವರಿ ನಿರ್ದೇಶಕರಿಂದ ವರದಿ ಕೇಳಿದೆ. ಪ್ರಕರಣ ಕುರಿತು ಆಲಪ್ಪುಝ ದಕ್ಷಿಣ ಪೊಲೀಸ್ ಠಾಣೆಯ ಅಧಿಕಾರಿ ಕೆ ಶ್ರೀಜಿತ್ ನೇತೃತ್ವದಲ್ಲಿ ತನಿಖೆ ನಡೆಯಲಿದೆ. ಪೊಲೀಸ್ ವರಿಷ್ಠಾಧಿಕಾರಿ ಎಂ ಆರ್ ಮಧುಬಾಬು ತನಿಖೆಯ ಮೇಲ್ವಿಚಾರಣೆ ನಡೆಸಲಿದ್ದಾರೆ.
ನವೆಂಬರ್ 2 ರಂದು ಮಗು ಜನಿಸಿದಾಗ, ಅದರ ಮುಖದಲ್ಲಿ ಅಸಹಜತೆಗಳು, ಹೃದಯ ದೋಷ, ಕಾರ್ಯನಿರ್ವಹಿಸದ ಹಾಗೂ ತಪ್ಪಾಗಿ ಜೋಡಿಸಲಾದ ಕಣ್ಣುಗಳು ಮತ್ತು ಕಿವಿಗಳು, ಅಂಗ ವಿರೂಪಗಳು ಮತ್ತು ಬಾಯಿ ತೆರೆಯಲು ಆಗದಿರುವುದು ಸೇರಿದಂತೆ ಗಂಭೀರ ಸಮಸ್ಯೆಗಳು ಕಂಡು ಬಂದಿವೆ.
“ಭ್ರೂಣ ಸಮಸ್ಯೆಯಿಂದ ಕೂಡಿರುವುದು ಸ್ಕ್ಯಾನಿಂಗ್ ವೇಳೆ ಪತ್ತೆ ಮಾಡಿದ್ದರೆ, ಗರ್ಭಧಾರಣೆಯನ್ನು ಕೊನೆಗೊಳಿಸುವ ಒಂದು ಆಯ್ಕೆ ಇತ್ತು. ನನ್ನ ನಿಗದಿತ ಸ್ಕ್ಯಾನಿಂಗ್ ಸಮಯಗಳಲ್ಲಿ ವೈದ್ಯರು ಯಾವಾಗಲೂ ಇರುತ್ತಿರಲಿಲ್ಲ” ಎಂದು ಸುರುಮಿ ಆರೋಪಿಸಿದ್ದಾರೆ.
DOCTYPE html>
.jpg)
.jpg)
