ಚಿತ್ರಮಂದಿರದಲ್ಲಿ ನೀರಿನ ಟ್ಯಾಂಕ್ ಕುಸಿದು ಇಬ್ಬರಿಗೆ ಗಾಯ- ಚಿತ್ರ ಪ್ರದರ್ಶನಕ್ಕೆ ಅಡ್ಡಿ

ಕಣ್ಣೂರು: ಸಿನಿಮಾ ನೋಡುತ್ತಿದ್ದ ವೇಳೆ ಥಿಯೇಟರ್‍ನಲ್ಲಿದ್ದ ನೀರಿನ ಟ್ಯಾಂಕ್ ಕುಸಿದು ಬಿದ್ದು ಇಬ್ಬರು ಗಾಯಗೊಂಡಿದ್ದಾರೆ. ಕಣ್ಣೂರಿನ ಮಟ್ಟನ್ನೂರಿನಲ್ಲಿರುವ ಸಹಿನಾ ಚಿತ್ರಮಂದಿರದ ನೀರಿನ ಟ್ಯಾಂಕ್ ಕುಸಿದು ಬಿದ್ದು ಅವಾಂತರ ಸೃಷ್ಟಿಯಾಯಿತು. 

ನೀರಿನ ಟ್ಯಾಂಕ್ ಇರುವ ಕಟ್ಟಡದ ಒಂದು ಭಾಗವೂ ಕುಸಿದಿದೆ. ನೀರಿನ ಟ್ಯಾಂಕ್ ಒಡೆದು ಮೇಲಿಂದ ಥಿಯೇಟರ್ ಗೆ ನೀರು ನುಗ್ಗಿದೆ. ಕಟ್ಟಡದ ಸಿಮೆಂಟ್ ಬ್ಲಾಕ್‍ಗಳು ಮತ್ತು ಸೀಲಿಂಗ್‍ಗಳು ನೀರಿನ ಟ್ಯಾಂಕ್‍ನ ಜೊತೆಗೆ ಆಸನಗಳ ಮೇಲೆ ಬಿದ್ದಿದ್ದರಿಂದ ಚಲನಚಿತ್ರ ವೀಕ್ಷಿಸಲು ಬಂದ ಇಬ್ಬರು ಗಾಯಗೊಂಡಿದ್ದಾರೆ.

ಗಾಯಾಳುಗಳನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಘಟನೆಯ ನಂತರ ಸಿನಿಮಾ ಪ್ರದರ್ಶನವನ್ನು ಸ್ಥಗಿತಗೊಳಿಸಲಾಯಿತು.  ಸೀಲಿಂಗ್ ಅಡಿಯಲ್ಲಿ ಸಿಲುಕಿದ್ದ ಒಬ್ಬರಿಗೂ ಗಾಯಗಳಾಗಿವೆ ಎಂದು ಸಿನಿಮಾ ನೋಡಲು ಬಂದವರು ತಿಳಿಸಿದ್ದಾರೆ. ಲಕ್ಕಿ ಭಾಸ್ಕರ್ ಸಿನಿಮಾ ಪ್ರದರ್ಶನದ ವೇಳೆ ನೀರಿನ ಟ್ಯಾಂಕ್ ಕುಸಿದ ಘಟನೆ ನಡೆದಿದೆ.