ಕೇರಳ | ಕಾಂಗ್ರೆಸ್‌ ನಾಯಕರಿದ್ದ ಕೊಠಡಿ ಮೇಲೆ ದಾಳಿ: ವರದಿ ಕೇಳಿದ ಚುನಾವಣಾ ಆಯೋಗ

 ತಿರುವನಂತಪುರ: ಕೇರಳದ ಪಾಲಕ್ಕಾಡ್‌ನಲ್ಲಿ ಕಾಂಗ್ರೆಸ್ ಪಕ್ಷದ ನಾಯಕರಿದ್ದ ಹೋಟೆಲ್‌ ಕೊಠಡಿಗಳ ಮೇಲೆ, ಚುನಾವಣೆಗಾಗಿ ಅಕ್ರಮವಾಗಿ ಹಣ ಇಟ್ಟಿರುವ ಶಂಕೆಯಡಿ ಪೊಲೀಸರು ದಾಳಿ ನಡೆಸಿದ್ದ ಘಟನೆಗೆ ಸಂಬಂಧಿಸಿದಂತೆ ಚುನಾವಣಾ ಆಯೋಗವು ವರದಿ ಕೇಳಿದೆ.

ಕಾಂಗ್ರೆಸ್‌ ನಾಯಕ ವಿ.ಡಿ.ಸತೀಶನ್, ಈ ಬಗ್ಗೆ ಚುನಾವಣಾ ಆಯೋಗಕ್ಕೆ ದೂರು ನೀಡಿದ್ದರು.

'ನಿಯಮ ಉಲ್ಲಂಘಿಸಿ , ಪಕ್ಷದ ಮಹಿಳಾ ನಾಯಕಿಯರಿದ್ದ ಕೊಠಡಿಗಳ ಮೆಲೆ ದಾಳಿ ನಡೆಸಲು ಸಿಪಿಎಂ ಸರ್ಕಾರ ಪೊಲೀಸರನ್ನು ದುರ್ಬಳಕೆ ಮಾಡಿಕೊಂಡಿದೆ' ಎಂದು ಆರೋಪಿಸಿದ್ದರು.

ಹೀಗಾಗಿ, ಆಯೋಗವು ಜಿಲ್ಲಾ ಚುನಾವಣಾಧಿಕಾರಿಗಳಿಂದ ವರದಿಯನ್ನು ಕೇಳಿದೆ. ತಡರಾತ್ರಿ ಪೊಲೀಸರು ದಾಳಿ ನಡೆಸಲು ಸ್ಥಳೀಯ ಪಾಲಕ್ಕಾಡ್‌ ಕ್ಷೇತ್ರದ ಶಾಸಕರು ಆದ ಸಚಿವ ಎಂ.ಬಿ.ರಾಜೇಶ್ ಅವರ ಕುಮ್ಮಕ್ಕಿದೆ ಎಂದೂ ಸತೀಶನ್‌ ಆರೋಪಿಸಿದ್ದಾರೆ.