ಇರಿಯನ್ಣಿಯಲ್ಲಿ ರಾಜ್ಯ ರೋಡ್ ಸೈಕ್ಲಿಂಗ್ ಚಾಂಪಿಯನ್‍ಶಿಪ್

ಕಾಸರಗೋಡು: 29ನೇ ರಾಜ್ಯ ರೋಡ್ 'ಸೈಕ್ಲಿಂಗ್ ಚಾಂಪಿಯನ್‍ಶಿಪ್-2024' ಬೋವಿಕ್ಕಾನದ ಇರಿಯಣ್ಣಿ ರಸ್ತೆಯಲ್ಲಿ ನಡೆಯಿತು.  ಸ್ಪರ್ಧೆಯಲ್ಲಿ 14 ಜಿಲ್ಲೆಗಳ ಮತ್ತು ಭಾರತೀಯ ಕ್ರೀಡಾ ಪ್ರಾಧಿಕಾರದಿಂದ ಸುಮಾರು 300 ಆಟಗಾರರು ಭಾಗವಹಿಸಿದ್ದರು. ಒಂಬತ್ತು ವಿಭಾಗಗಳಲ್ಲಾಗಿ ಸ್ಪರ್ಧೆ ನಡೆದಿದ್ದು,  ಎಲೈಟ್ ಪುರುಷರು 40ಕಿಮೀ, ಎಲೈಟ್ ಮಹಿಳೆಯರು 32ಕಿಮೀ, 23 ವರ್ಷದೊಳಗಿನ ಬಾಲಕರು 40ಕಿಮೀ, 18 ವರ್ಷದೊಳಗಿನ ಬಾಲಕರು 32ಕಿಮೀ, 18 ವರ್ಷದೊಳಗಿನ ಬಾಲಕಿಯರ 24ಕಿಮೀ, 16 ವರ್ಷದೊಳಗಿನ ಬಾಲಕರ 16ಕಿಮೀ, 16ರ ಬಾಲಕಿಯರಿಗೆ 8 ಕಿ.ಮೀ, 14 ವರ್ಷದೊಳಗಿನ ಬಾಲಕರಿಗೆ 8 ಕಿ.ಮೀ ಮತ್ತು 14 ವರ್ಷದೊಳಗಿನ ಬಾಲಕಿಯರಿಗೆ 8 ಕಿ.ಮೀ. ಸ್ಪರ್ಧೆ ಆಯೋಜಿಸಲಾಗಿತ್ತು.

ಬೋವಿಕ್ಕಾನದಿಂದ ಅರ್ಧ ಕಿಲೋಮೀಟರ್ ದೂರದಲ್ಲಿರುವ ಬಾವಿಕ್ಕರಯಡ್ಕದಿಂದ ಇರಿಯಣ್ಣಿ ವರೆಗಿನ ನಾಲ್ಕು ಕಿ.ಮೀ ವರೆಗಿನ ರಸ್ತೆ ಸ್ಪರ್ಧಾ ಟ್ರ್ಯಾಕ್ ಆಗಿ ಪರಿಗಣಿಸಲಾಗಿತ್ತು.  ಜಿಲ್ಲಾ ಸೈಕ್ಲಿಂಗ್ ಸಂಸ್ಥೆಯ ಅಧ್ಯಕ್ಷ ಕೆ.ವಿ. ವಿಜಯಕುಮಾರ್ ಧ್ವಜಾರೋಹಣ ನಡೆಸಿದರು.   ಸ್ಯಾಂಟಿ ಆಗಸ್ಟಿನ್ (ಎಂಡಿ) 916 ಕೋಕೋಬ್ರಾಂಡ್ ಸ್ಪರ್ಧೆಗೆ ಚಾಲನೆ ನೀಡಿದರು.