ಕೊಡಕ್ಕಾಡ್ ನಿವಾಸಿ ಸೂರಂಬೈಲಿನ ಪತ್ನಿ ಮನೆಯಲ್ಲಿ ನೇಣಿಗೆ ಶರಣು

ಕುಂಬಳೆ: ಕರಿವೆಳ್ಳೂರು ಕೊಡಕ್ಕಾಡಿನ ಓಲಾಟ್ ನಿವಾಸಿ ಎಂ.ವಿಜೇಶ್(35)ಅವರ ಮೃತದೇಹ ಕುಂಬಳೆ ಸೂರಂಬೈಲಿನ ಪತ್ನಿ ಮನೆಯ ಸ್ನಾನಗೃಹದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ವಾರದ ಹಿಂದೆ ವಿಜೇಶ್ ಅವರು ಪತ್ನಿ, ಇಬ್ಬರು ಮಕ್ಕಳೊಂದಿಗೆ ಸೂರಂಬೈಲಿನಲ್ಲಿರುವ ಪತ್ನಿ ಮನೆಗೆ ಆಗಮಿಸಿದ್ದರು. ಶುಕ್ರವಾರ ಮಧ್ಯಾಹ್ನ ಸ್ನಾನಗೃಹಕ್ಕೆ ತೆರಳಿದವರು ಬಹಳ ಹೊತ್ತಿನ ವರೆಗೂ ವಾಪಸಾಗದ ಹಿನ್ನೆಲೆಯಲ್ಲಿ ನೋಡಿದಾಗ ನೇಣಿಗೆ ಶರಣಾಗಿರುವುದು ಕಂಡುಬಂದಿತ್ತು. ಕುಂಬಳೆ ಠಾಣೆ ಪೊಲೀಸರು ಕೇಸು ದಾಖಲಿಸಿಕೊಮಡಿದ್ದಾರೆ.