ಲಾರಿ ಡಿಕ್ಕಿಯಾಗಿಸಿ, ಸ್ಕೂಟರ್ ಸವಾರನ ಕೊಲೆಗೆ ಯತ್ನ-ಆರೋಪಿ ಬಂಧನ

ಕಾಸರಗೋಡು: ಎಡನೀರು ಚಾಪಾಡಿ ನಿವಾಸಿ ಅಬ್ದುಲ್ ರಹಮಾನ್ ಎಂಬವರ ಸ್ಕೂಟರ್‍ಗೆ ಲಾರಿ ಡಿಕ್ಕಿಯಾಗಿಸಿ ಅವರ ಕೊಲೆಗೆ ಯತ್ನಿಸಿದ ಪ್ರಕರಣಕ್ಕೆ ಸಂಬಂಧಿಸಿ ಚಾಪಾಡಿ ನಿವಾಸಿ ಅಬ್ದುಲ್ಲಕುಞÂ ಎಂಬಾತನನ್ನು ವಿದ್ಯಾನಗರ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಮೇಲಿನ ಎಡನೀರಿನಲ್ಲಿ ಅಬ್ದುಲ್ಲಕುಞÂ ತಾನು ಚಲಾಯಿಸುತ್ತಿದ್ದ ಲಾರಿಯನ್ನು ಸ್ಕೂಟರಿಗೆ ಡಿಕ್ಕಿಯಾಗಿಸಿದ ಪರಿಣಾಮ ಸ್ಕೂಟರ್ ಸವಾರ ಅಬ್ದುಲ್ ರಹಮಾನ್ ಗಾಯಗೊಂಡಿದ್ದರು. ಗಾಯಾಳುವನ್ನು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಕೂಟರ್‍ಗೆ ಡಿಕ್ಕಿಯಾಗಿಸಿ ಹಿಂದಕ್ಕೆ ತೆಗೆಯುವ ಭರದಲ್ಲಿ ಲಾರಿ ಧರೆಗೆ ಡಿಕ್ಕಿಯಾಗಿ ಮಹಮ್ಮದ್‍ಕುಞÂ ಎಂಬವರ ಆವರಣಗೋಡೆಯೂ ಕುಸಿದು ಬಿದ್ದಿದೆ. ಅಲ್ಲಿಂದ ಲಾರಿಯೊಂದಿಗೆ ಉಡುಪಿ ಭಾಗಕ್ಕೆ ಪರಾರಿಯಾಗಲೆತ್ನಿಸಿದ ಅಬ್ದುಲ್ಲಕುಞÂಯನ್ನು ಸುರತ್ಕಲ್‍ನಿಂದ ಬಂಧಿಸಲಾಗಿದ್ದು, ಲಾರಿಯನ್ನೂ ವಶಕ್ಕೆ ತೆಗೆಯಲಾಗಿದೆ. ಅಬ್ದುಲ್ಲಕುಞÂ ಹಾಗೂ ಅಬ್ದುಲ್ ರಹಮಾನ್ ನಡುವಿನ ಆಸ್ತಿ ತರ್ಕ ಹಾಗೂ ದಾರಿ ವಿವಾದ ಹಲ್ಲೆಗೆ ಕಾರಣವೆನ್ನಲಾಗಿದೆ. ವಿದ್ಯಾನಗರ ಠಾಣೆ ಇನ್ಸ್‍ಪೆಕ್ಟರ್ ಯು.ಪಿ ವಿಪಿನ್ ನೇತೃತ್ವದ ಪೊಲೀಸರ ತಂಡ ಕಾರ್ಯಾಚರಣೆ ನಡೆಸಿದೆ. ಅಬ್ದುಲ್ಲಕುಞÂ ವಿರುದ್ಧ ಆದೂರು ಠಾಣೆಯಲ್ಲಿಯೂ ಮೂರು ಕೆಸುಗಳಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.