ಸಹಕಾರಿ ಸಂಸ್ಥೆಗಳ ವಾಹನಗಳ ಮೇಲೆ ಹಾಕಿರುವ ಬೋರ್ಡ್‍ಗಳನ್ನು ತೆಗೆಸಲು ಹೈಕೋರ್ಟ್ ಕಠಿಣ ನಿರ್ದೇಶನ

ತಿರುವನಂತಪುರಂ: ಕೇರಳ ಬ್ಯಾಂಕ್ ಸೇರಿದಂತೆ ಸಹಕಾರಿ ಸಂಸ್ಥೆಗಳ ವಾಹನಗಳ ಮೇಲೆ ಹಾಕಿರುವ ಬೋರ್ಡ್ ಗಳನ್ನು ತೆಗೆಯಲು ಆರಂಭಿಸಲಾಗಿದೆ.

ಸಹಕಾರಿ ಸಂಸ್ಥೆಗಳು ಬಳಸುವ ವಾಹನಗಳ ಮೇಲೆ ಸ್ಥಾನಮಾನ ಇತ್ಯಾದಿ ಫಲಕಗಳನ್ನು ಹಾಕಬಾರದು ಎಂದು ಹೈಕೋರ್ಟ್ ಪುನರಾವರ್ತಿತ ಆದೇಶದ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. 

ಕೇರಳ ಮೋಟಾರು ವಾಹನ ಕಾಯ್ದೆ, 1989 ರ ನಿಯಮ 92 ರ ಪ್ರಕಾರ, ಸರ್ಕಾರದ ನೇರ ನಿಯಂತ್ರಣದಲ್ಲಿಲ್ಲದ ವಾಹನಗಳ ಮೇಲೆ ಯಾವುದೇ ಬೋರ್ಡ್‍ಗಳನ್ನು ಪ್ರದರ್ಶಿಸಲು ಅನುಮತಿಸಲಾಗುವುದಿಲ್ಲ. ಈ ನಿಯಮ ಇದ್ದಾಗಲೂ ಕೆಂಪು ಫಲಕದೊಳಗೆ ಬಿಳಿ ಅಕ್ಷರಗಳಲ್ಲಿ ಕಂಪನಿಯ ಹೆಸರನ್ನು ಬರೆದು ವಾಹನಗಳನ್ನು ರಸ್ತೆಗಿಳಿಸಲಾಗುತ್ತಿತ್ತು. ಹೈಕೋರ್ಟ್ ಸೂಚನೆಯಂತೆ ಇದನ್ನು ತೆಗೆದುಹಾಕಲಾಗಿದ್ದರೂ, ನಂತರ ನೀಲಿ ಬೋರ್ಡ್‍ಗಳನ್ನು ಅಳವಡಿಸಲು ಪ್ರಾರಂಭಿಸಲಾಯಿತು. ಆದರೆ ಇದೀಗ ಸಹಕಾರಿ ಸಂಘಗಳ ವಾಹನಗಳ ಮೇಲೆ ಯಾವುದೇ ರೀತಿಯ ಬೋರ್ಡ್ ಗಳನ್ನು ಹಾಕಬಾರದು ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಲಾಗಿದೆ.