ನವೀನ್ ಬಾಬು ಸಾವು: ಈವರೆಗೂ ಕುಟುಂಬದ ಹೇಳಿಕೆ ದಾಖಲಿಸದ ವಿಶೇಷ ತನಿಖಾ ತಂಡ

ಪತ್ತನಂತಿಟ್ಟ: ಕೇರಳ ಪೋಲೀಸರ ವಿಶೇಷ ತನಿಖಾ ತಂಡವು ಎಡಿಎಂ ನವೀನ್ ಬಾಬು ಸಾವಿನ ಪ್ರಕರಣ ಸಂಬಂಧ ಅವರ ಕುಟುಂಬದ ಹೇಳಿಕೆಯನ್ನು ಇನ್ನೂ ತೆಗೆದುಕೊಂಡಿಲ್ಲ ಎಂದು ದೂರಲಾಗಿದೆ.

ಕಣ್ಣೂರು ರೇಂಜ್ ಐಜಿ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದಾರೆ. ನವೀನ್ ಬಾಬು ಅವರ ಸಹೋದರ ನೀಡಿರುವ ದೂರಿನಲ್ಲಿ ಷಡ್ಯಂತ್ರ ಸೇರಿದಂತೆ ಪ್ರಕರಣಗಳ ಕುರಿತು ತನಿಖೆ ನಡೆಸಬೇಕಿದೆ. ನಗರ ಪೋಲೀಸ್ ಕಮಿಷನರ್ ಅಜಿತ್ ಕುಮಾರ್ ನೇತೃತ್ವದ ವಿಶೇಷ ತನಿಖಾ ತಂಡದಲ್ಲಿ ಕಣ್ಣೂರು ಎಸ್ಪಿ ರತ್ನಕುಮಾರ್, ಎಸ್‍ಎಚ್‍ಒಗಳಾದ ಶ್ರೀಜಿತ್ ಕೊಡೇರಿ, ಸನಿಲ್‍ಕುಮಾರ್, ಎಸ್‍ಐಗಳಾದ ಶ್ರೀಜಿತ್ (ಸೈಬರ್ ಸೆಲ್) ಮತ್ತು ರೇಷ್ಮಾ ಇದ್ದಾರೆ. ನವೀನ್ ಸಾವಿನ ಮರುದಿನವೇ ನವೀನ್ ಸಹೋದರ ಕಣ್ಣೂರು ಟೌನ್ ಪೋಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಇದೇ ವೇಳೆ ಪ್ರಶಾಂತ್ ನೀಡಿರುವ ದೂರಿನಲ್ಲಿ ಲಂಚದ ಆರೋಪವಾಗಲೀ, ವೈರುಧ್ಯವಾಗಲೀ, ಪ್ರಶಾಂತ್ ಅವರ ಹಣಕಾಸಿನ ಮೂಲವನ್ನಾಗಲೀ ತನಿಖೆ ನಡೆಸಿಲ್ಲ ಎಂದು ನವೀನ್ ಬಾಬು ಕುಟುಂಬದವರು ನ್ಯಾಯಾಲಯದ ಗಮನಕ್ಕೆ ತಂದರು. ಜಿಲ್ಲಾಧಿಕಾರಿ, ದಿವ್ಯಾ ಹಾಗೂ ಪ್ರಶಾಂತ್ ಅವರ ದೂರವಾಣಿ ದಾಖಲೆ ಸಂಗ್ರಹಿಸಿಲ್ಲ. ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪ ಹೊರಿಸಲಾಗಿದ್ದರೂ, ಲಂಚ ಪಡೆದಿರುವಂತೆ ತೋರುವ ರೀತಿಯಲ್ಲಿ ಹೇಳಿಕೆ ನೀಡಲಾಗುತ್ತಿದೆ ಎಂದು ಕುಟುಂಬದ ವಕೀಲ ಜಾನ್ ಎಸ್ ರಾಲ್ಫ್ ನ್ಯಾಯಾಲಯದಲ್ಲಿ ತಿಳಿಸಿದ್ದಾರೆ.