ಅತ್ಯಾಚಾರ ಪ್ರಕರಣದಲ್ಲಿ ಸಿದ್ದಿಕ್ ಮಧ್ಯಂತರ ನಿರೀಕ್ಷಣಾ ಜಾಮೀನು ವಿಸ್ತರಣೆ; ತನಿಖೆಗೆ ಸಹಕರಿಸಲು ಸಿದ್ದವೆಂದ ನಟ

ಕೊಚ್ಚಿ: ತಿರುವನಂತಪುರಂ ಮ್ಯೂಸಿಯಂ ಪೋಲೀಸರು ದಾಖಲಿಸಿರುವ ಅತ್ಯಾಚಾರ ಪ್ರಕರಣದಲ್ಲಿ ನಟ ಸಿದ್ದಿಕ್‍ಗೆ ಸಲ್ಲಿಸಿದ್ದ ಮಧ್ಯಂತರ ನಿರೀಕ್ಷಣಾ ಜಾಮೀನನ್ನು ಸುಪ್ರೀಂ ಕೋರ್ಟ್ ವಿಸ್ತರಿಸಿದೆ.

ಸಿದ್ದಿಕ್ ತನಿಖೆಗೆ ಸಹಕರಿಸುತ್ತಿಲ್ಲ ಎಂದು ರಾಜ್ಯ ಸರ್ಕಾರ ನ್ಯಾಯಾಲಯದ ಗಮನಕ್ಕೆ ತಂದರೂ ಜಾಮೀನು ವಿಸ್ತರಿಸಲು ನ್ಯಾಯಾಲಯ ನಿರ್ಧರಿಸಿದೆ. ಎರಡು ವಾರಗಳ ನಂತರ ವಿಸ್ತೃತ ವಿಚಾರಣೆಗಾಗಿ ಸುಪ್ರೀಂ ಕೋರ್ಟ್ ಪ್ರಕರಣವನ್ನು ಮುಂದೂಡಿದೆ.

ಸಿದ್ದಿಕ್ ವಿಚಾರಣೆಗೆ ಹಾಜರಾಗಿದ್ದಾರಾ ಎಂದು ಸುಪ್ರೀಂ ಕೋರ್ಟ್ ಎಸ್ ಐಟಿಗೆ ಕೇಳಿತ್ತು. ಆ ಬಳಿಕ ಸಿದ್ದಿಕ್ ಸಹಕಾರ ನೀಡುತ್ತಿಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ. ಆದರೆ ತನಿಖೆಗೆ ಸಹಕರಿಸಲು ಸಿದ್ಧ ಎಂದಿರುವ ಸಿದ್ದಿಕ್ ಪರ ವಕೀಲರು, ದೂರುದಾರರನ್ನು ಆಕೆಯ ಪೋಷಕರೊಂದಿಗೆ ಮಾತ್ರ ಥಿಯೇಟರ್ ನಲ್ಲಿ ನೋಡಿದ್ದೇನೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಧೈರ್ಯದ ಕೊರತೆಯಿಂದ ದೂರು ದಾಖಲಿಸಲು ಎಂಟೂವರೆ ವರ್ಷ ವಿಳಂಬವಾಗಿದೆ ಎಂಬುದು ಸಂತ್ರಸ್ಥೆಯ ವಾದ. ಸಿದ್ದಿಕ್ ತನ್ನ ವೃತ್ತಿಜೀವನವನ್ನು ಕೊನೆಗೊಳಿಸುವುದಾಗಿ ಬೆದರಿಕೆ ಹಾಕಿದ್ದನ್ನು ಸಂತ್ರಸ್ಥೆ ಬಹಿರಂಗಪಡಿಸಿದ್ದರು. ಹೇಮಾ ಸಮಿತಿ ವರದಿ ಬಿಡುಗಡೆಯಾದ ನಂತರ ಸಂತ್ರಸ್ಥೆಗೆ ದೂರು ನೀಡುವ ಧೈರ್ಯ ಬಂತು ಎನ್ನಲಾಗಿದೆ.

ನ್ಯಾಯಮೂರ್ತಿಗಳಾದ ಬೇಲಾ ಎಂ ತ್ರಿವೇದಿ ಮತ್ತು ಸತೀಶ್ ಚಂದ್ರ ಶರ್ಮಾ ಅವರನ್ನೊಳಗೊಂಡ ಪೀಠವು ಸಿದ್ದಿಕ್ ಅವರ ನಿರೀಕ್ಷಣಾ ಜಾಮೀನು ಅರ್ಜಿಯನ್ನು ಆಲಿಸಿತು. ತಿರುವನಂತಪುರಂ ಮ್ಯೂಸಿಯಂ ಪೋಲೀಸರು ದಾಖಲಿಸಿಕೊಂಡಿರುವ ಪ್ರಕರಣದಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ.