ಆರ್‍ಎಸ್‍ಎಸ್ ಕಾಞಂಗಾಡ್ ಜಿಲ್ಲಾ ಕಛೇರಿ ಉದ್ಘಾಟನೆ

ಕಾಸರಗೋಡು: ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಕಾಞಂಗಾಡ್ ಜಿಲ್ಲಾ ಕಚೇರಿಯನ್ನು ಭಾನುವಾರ ಉದ್ಘಾಟಿಸಲಾಯಿತು. ಬೆಳಗ್ಗೆ 8.30ರಿಂದ 9.20ರ ನಡುವಿನ ಶುಭ ಮುಹೂರ್ತದಲ್ಲಿ ಗೃಹಪ್ರವೇಶ ನಡೆಯಿತು.

ಆರೆಸ್ಸೆಸ್ ಶತಮಾನೋತ್ಸವ ವರ್ಷ ಸಮೀಪಿಸುತ್ತಿರುವ ಸಂದರ್ಭದಲ್ಲಿ ನೂತನ ಕಚೇರಿ ಉದ್ಘಾಟನೆ ರಾಷ್ಟ್ರದ ಆಶಾಕಿರಣವಾಗಿದೆ. ಹಾಲುಕ್ಕಿಸುವ ಕಾರ್ಯಕ್ರಮದ ನಂತರ ನಡೆದ ಉದ್ಘಾಟನಾ ಸಮಾರಂಭದಲ್ಲಿ ವಿಶೇಷ ಆಹ್ವಾನಿತರಾದ ಆರ್ ಎಸ್ ಎಸ್ ಅಖಿಲ ಭಾರತೀಯ ಕಾರ್ಯಕರ್ತ ಕಜಂಪಾಡಿ ಸುಬ್ರಹ್ಮಣ್ಯ ಭಟ್ ಪ್ರಧಾನ ಬೌದ್ಧಿಕ್ ನೀಡಿದರು. ಸಾಮಾನ್ಯ ಸಮಾಜದಲ್ಲಿ ಕಚೇರಿಯ ಔಚಿತ್ಯವೇನು ಎಂದು ನೆನಪಿಸಿದರು.

ಉತ್ತರ ಕೇರಳ ಪ್ರಾಂತ ಸಂಯೋಜಕ ಪಿ.ಪಿ.ಸುರೇಶ್ ಬಾಬು ಆಶಯ ಭಾಷಣ ಮಾಡಿದರು. ಸಂಘದ ಶತಮಾನೋತ್ಸವ ವೇದಿಕೆಯಲ್ಲಿ ಭಾರತವನ್ನು ಜಗತ್ತಿಗೆ ತೋರಿಸಲು ಪಂಚ ಪರಿವರ್ತನೆಯಾಗಬೇಕು ಎಂದರು.