ಗೋಡೆಗೆ ಡಿಕ್ಕಿಯಾಗಿ ರಸ್ತೆಗೆ ಬಿದ್ದ ಸ್ಕೂಟರ್ ಸವಾರ ದಾರುಣ ಮೃತ್ಯು

ಕಾಸರಗೋಡು: ಮೊಗ್ರಾಲ್ ರಾಷ್ಟ್ರೀಯ ಹೆದ್ದಾರಿಯ ಸರ್ವೀಸ್ ರಸ್ತೆಯಲ್ಲಿ ಸ್ಕೂಟರ್ ರಸ್ತೆ ಅಂಚಿನ ಗೋಡೆಗೆ  ಡಿಕ್ಕಿಯಾಗಿ ಸ್ಕೂಟರ್ ಸವಾರ ಕಲ್ಲಂಗೈ ಬಳ್ಳೂರು"ಐಶ್ವರ್ಯ ನಿಲಯ'ದ ದಿನೇಶ್ ಚಂದ್ರ(55)ಮೃತಪಟ್ಟಿದ್ದಾರೆ. ಕಾಸರಗೋಡಿನಿಂದ ಕುಂಬಳೆ ಭಾಗಕ್ಕೆ ಸಂಚರಿಸುತ್ತಿದ್ದ ಸ್ಕೂಟರ್ ಧರೆಗೆ ಡಿಕ್ಕಿಯಾಗಿ ರಸ್ತೆಗೆ ಬಿದ್ದ ದಿನೇಶ್‍ಚಂದ್ರ ಅವರ ಶರೀರದ ಮೇಲಿಂದ ಲಾರಿ  ಸಂಚರಿಸಿದ ಪರಿಣಾಮ ಸ್ಥಳದಲ್ಲೇ ಮೃತಪಟ್ಟಿದ್ದರು. ದಿನೇಶ್‍ಚಂದ್ರ ಅವರು ಎರಿಯಾಕೋಟ ಶ್ರೀ ಭಗವತೀಕ್ಷೇತ್ರ ಆಡಳಿತ ಸಮಿತಿ ಕೋಶಾಧಿಕಾರಿಯಾಗಿದ್ದರು. ನಗರಠಾಣೆ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದಾರೆ.