ಶಾಲಾ ಕ್ರೀಡಾ ಮೇಳದ ಸಮಾರೋಪ ಸಮಾರಂಭದಲ್ಲಿ ಪ್ರತಿಭಟನೆ,ಸಂಘರ್ಷ- ಪೋಲೀಸರ ಲಾಠಿ ಪ್ರಹಾರ

ಕೊಚ್ಚಿ: ರಾಜ್ಯ ಶಾಲಾ ಕ್ರೀಡಾ ಮೇಳದ ಸಮಾರೋಪ ಸಮಾರಂಭದ ವೇಳೆ ಪ್ರತಿಭಟನೆ ನಡೆದಿದೆ. ಪ್ರತಿಭಟನೆ ಬಳಿಕ ಸಂಘರ್ಷಕ್ಕೆ ಕಾರಣವಾಯಿತು. ಎರಡನೇ ಸ್ಥಾನ ನೀಡಿದ ವಿವಾದ ಘರ್ಷಣೆಗೆ ತಿರುಗಿಕೊಂಡಿತು.

ನವಾಮುಕುಂದ ಹಾಗೂ ಮಾರ್ ಬೆಸಿಲ್ ಶಾಲೆಗಳು ಕ್ರೀಡಾಶಾಲೆಯಾದ ಜಿ.ವಿ.ರಾಜ ಶಾಲೆಗೆ ಎರಡನೇ ಸ್ಥಾನ ನೀಡುವಲ್ಲಿ ಅಧಿಕಾರಿಗಳು ಕೈವಾಡ ನಡೆಸಿದ್ದಾರೆ ಎಂದು ದೂರುವುದರೊಂದಿಗೆ ಗದ್ದಲಕ್ಕೆ ಕಾರಣವಾಯಿತು. 

ಘರ್ಷಣೆಯ ನಂತರ ಪೋಲೀಸರು ಮತ್ತು ವಿದ್ಯಾರ್ಥಿನಿಯರ ನಡುವೆ ಮಾತಿನ ಚಕಮಕಿ ನಡೆದಿದ್ದು, ಪೋಲೀಸರು ಥಳಿಸಿದ್ದಾರೆ. ಸಮಾರೋಪ ಸಮಾರಂಭದಲ್ಲಿ ಶಿಕ್ಷಣ ಸಚಿವ ವಿ.ಶಿವನ್ ಕುಟ್ಟಿ ವೇದಿಕೆಯಲ್ಲಿ ಕುಳಿತಿದ್ದಾಗ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿ ಸಚಿವರನ್ನು ಸ್ಥಳದಿಂದ ಕೆಳಗಿಳಿಸಿದರು. ಪ್ರತಿಭಟನೆಯ ನಂತರ ಸಮಾರೋಪ ಸಮಾರಂಭವನ್ನು ತ್ವರಿತವಾಗಿ ರದ್ದುಗೊಳಿಸಲಾಯಿತು.

ಕಳೆದ ಬಾರಿಯವರೆಗೂ ಕ್ರೀಡಾ ಶಾಲೆಯನ್ನು ಬೇರೆ ಪಟ್ಟಿಗೆ ಸೇರಿಸಲಾಗಿತ್ತು. ಈ ಬಾರಿ ಎಚ್ಚರಿಕೆ ನೀಡದೆ ಜಿ.ವಿ.ರಾಜಾ ಕ್ರೀಡಾ ಶಾಲೆಯನ್ನು ಸಾಮಾನ್ಯ ಸಾರ್ವಜನಿಕ ಶಾಲೆಗಳೊಂದಿಗೆ ಸೇರಿಸಿ  ಅವರಿಗೆ ಎರಡನೇ ಸ್ಥಾನ ನೀಡಲಾಗಿದೆ. ವಿಶೇಷ ಸೌಲಭ್ಯಗಳಿಲ್ಲದ ಸಾಮಾನ್ಯ ಶಾಲೆಗಳ ಜತೆಗೆ ಕ್ರೀಡಾ ತರಬೇತಿಗೆ ಎಲ್ಲ ಸೌಲಭ್ಯಗಳಿರುವ ಕ್ರೀಡಾ ಶಾಲೆಯನ್ನು ಪರಿಗಣಿಸಿರುವುದು ತೀವ್ರ ಭಿನ್ನಾಭಿಪ್ರಾಯ, ರೋಷಕ್ಕೆ ಕಾರಣವಾಯಿತು. 

ಜಿ.ವಿ.ರಾಜ ಶಾಲೆಯ ಹೆಸರನ್ನು ಕೂಗುತ್ತಿರುವಂತೆ ಆ ಶಾಲೆಯ ಅಧಿಕೃತರು ವೇದಿಕೆಗೆ ಆಗಮಿಸಿ ಪ್ರಶಸ್ತಿ ಸ್ವೀಕರಿಸಿದಾಗಷ್ಟೇ ಎರಡನೇ ಸ್ಥಾನ ಪಡೆದಿರುವುದು ಗಮನಕ್ಕೆ ಬಂತು.  ದೂರು ಇದ್ದರೆ, ಟ್ರೋಫಿಯನ್ನು ಹಿಂತಿರುಗಿಸಬೇಕಾಗಬಹುದು ಎಂದು ತಿಳಿದುಬಂದಿದೆ. 

ಸಮಾರೋಪ ಸಮಾರಂಭದ ನಂತರವೂ ಮಕ್ಕಳು, ಪೋಷಕರು ಮತ್ತು ಶಿಕ್ಷಕರು ಸ್ಥಳದಲ್ಲಿ ಪ್ರತಿಭಟನೆ ನಡೆಸಿದರು.