ಕೇರಳದ ಆತಿಥ್ಯವನ್ನು ಆನಂದಿಸಿ ತೆರಳಿದ ಕಾಶ್ಮೀರಿ ಯುವಕರು; ಮೇರಾ ಯುವ ಭಾರತ್-ಕಾಶ್ಮೀರ ಯುವ ವಿನಿಮಯ ಕಾರ್ಯಕ್ರಮ ಮುಕ್ತಾಯ

ನವದೆಹಲಿ: ನೆಹರು ಯುವ ಕೇಂದ್ರ ಕೇರಳ ಸಂಘಟನೆಯು ಕೇಂದ್ರ ಯುವ ವ್ಯವಹಾರಗಳ ಸಚಿವಾಲಯದ ಮೇರಾ ಯುವ ಭಾರತ್ ಅಂಗವಾಗಿ ನವೆಂಬರ್ 1 ರಿಂದ 6 ರವರೆಗೆ ತಿರುವನಂತಪುರಂನಲ್ಲಿ ಆಯೋಜಿಸಿದ್ದ ಈ ವರ್ಷದ ಕಾಶ್ಮೀರ ಯುವ ವಿನಿಮಯ ಕಾರ್ಯಕ್ರಮ  ಮುಕ್ತಾಯಗೊಂಡಿತು. 

ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಅವರು ಸಿದ್ಧಪಡಿಸಿದ್ದ ಕೇರಳದ ಔತಣವನ್ನು ಸವಿದು ಯುವತಿಯರು ಕಾಶ್ಮೀರಕ್ಕೆ ಮರಳಿದರು.

ರಾಜಭವನದಲ್ಲಿ ಆಯೋಜಿಸಿದ್ದ ಔತಣ ಕೂಟದಲ್ಲೂ ರಾಜ್ಯಪಾಲರು ಪಾಲ್ಗೊಂಡಿದ್ದರು. ರಾಜ್ಯಪಾಲರು ಯುವಕರಿಗೆ ಸ್ಮರಣಿಕೆ ಮತ್ತು ಉಡುಗೊರೆ ನೀಡಿ ಗುಂಪನ್ನು ಬೀಳ್ಕೊಟ್ಟರು.  ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ದೇವೇಂದ್ರ ಕುಮಾರ್ ಧೋಡಾವತ್, ನೆಹರು ಯುವ ಕೇಂದ್ರ ಸಂಘಟನೆ ರಾಜ್ಯ ಸಂಚಾಲಕ ಎಂ.ಅನಿಲ್ ಕುಮಾರ್, ಕೇಂದ್ರ ಸಂವಹನ ವಿಭಾಗದ ನಿರ್ದೇಶಕ ವಿ. ಪಾರ್ವತಿ ಮತ್ತಿತರರು ಭಾಗವಹಿಸಿದ್ದರು. 

ನಿನ್ನೆ ಸಂಜೆ ನಡೆದ ಸಮಾರೋಪ ಸಮಾರಂಭವನ್ನು ಕೇರಳದ ಆದಾಯ ತೆರಿಗೆ ಇಲಾಖೆಯ ಪ್ರಧಾನ ಮುಖ್ಯ ಆಯುಕ್ತ ಅಸಿತ್ ಸಿಂಗ್ ಉದ್ಘಾಟಿಸಿದರು. ಭಾಗವಹಿಸಿದವರಿಗೆ ಪ್ರಮಾಣ ಪತ್ರವನ್ನೂ ವಿತರಿಸಿ ಹಾರೈಸಿದರು. ನೆಹರು ಯುವ ಕೇಂದ್ರ ಸಂಘಟನೆ ರಾಜ್ಯ ಸಂಚಾಲಕ ಎಂ.ಅನಿಲ್ ಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಜಿಲ್ಲಾ ಯುವ ಅಧಿಕಾರಿಗಳಾದ ಪಿ.ಸಂದೀಪ್ ಕೃಷ್ಣನ್, ಡಿ.ಉಣ್ಣಿಕೃಷ್ಣನ್, ಸಿ.ಸನೂಪ್ ಮತ್ತು ಬಿನ್ಸಿ ಮಾತನಾಡಿದರು. ಸಾಂಸ್ಕøತಿಕ ವಿನಿಮಯ ಕಾರ್ಯಕ್ರಮವು ಕೇರಳದ ಸಂಸ್ಕೃತಿ ಮತ್ತು ಸಂಪ್ರದಾಯವನ್ನು ಬಿಂಬಿಸಿತ್ತು. 

ಅತಿಥಿಗಳು ಕಾಶ್ಮೀರದ ವಿಶಿಷ್ಟ ಕಲೆಗಳನ್ನು ಸಹ ಹಂಚಿಕೊಂಡರು. ಆರು ದಿನಗಳ ಭೇಟಿಗಾಗಿ 126 ಯುವಕರು ತಿರುವನಂತಪುರಕ್ಕೆ ಬಂದಿದ್ದರು. ನಲಂಚಿರ ಗಿರಿದೀಪಂ ಕನ್ವೆನ್ಷನ್ ಸೆಂಟರ್‍ನಲ್ಲಿ ನವೆಂಬರ್ 1 ರಂದು ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಕಾರ್ಯಕ್ರಮವನ್ನು ಉದ್ಘಾಟಿಸಿದ್ದರು. ಮುಂದಿನ ದಿನಗಳಲ್ಲಿ ನಡೆದ ಕಾಶ್ಮೀರಿ ಉತ್ಪನ್ನಗಳ ಪ್ರದರ್ಶನವನ್ನು ಕೇಂದ್ರದ ಮಾಜಿ ರಾಜ್ಯ ಸಚಿವ ವಿ. ಮುರಳೀಧರನ್ ಉದ್ಘಾಟಿಸಿದರು. ಪತ್ರಿಕಾ ಮಾಹಿತಿ ಬ್ಯೂರೋ ಹೆಚ್ಚುವರಿ ಮಹಾನಿರ್ದೇಶಕ ವಿ. ಪಳನಿಚಾಮಿ, ಕ್ಯಾಲಿಕಟ್ ವಿಶ್ವವಿದ್ಯಾಲಯದ ಗಾಂಧಿವಾದಿ ಪೀಠದ ಸಂದರ್ಶಕ ಪ್ರಾಧ್ಯಾಪಕ ಡಾ. ಆರ್ ಸುರೇಂದ್ರನ್, ಡಾ ರಘು ಮತ್ತು ಡಾ ಗೋಪಕುಮಾರ್ ವಿವಿಧ ವಿಷಯಗಳ ಕುರಿತು ತರಗತಿಗಳನ್ನು ನಡೆಸಿದರು. 

ಕಾಶ್ಮೀರಿ ನಿಯೋಗವು ಕೇರಳ ವಿಧಾನಸಭೆ, ದೂರದರ್ಶನ ಕೇಂದ್ರ, ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರ-ತುಂಬಾ, ಭಾರತೀಯ ಕ್ರೀಡಾ ಪ್ರಾಧಿಕಾರ-ಲಕ್ಷ್ಮೀಬಾಯಿ ರಾಷ್ಟ್ರೀಯ ದೈಹಿಕ ಶಿಕ್ಷಣ ಕಾಲೇಜು, ಮ್ಯೂಸಿಯಂ ಮತ್ತು ಕೋವಳಂ ಬೀಚ್‍ಗೆ ಭೇಟಿ ನೀಡಿತು. ಯುವಕರು ಸ್ವಚ್ಛತಾ ಹಿ ಸೇವಾ ಮತ್ತು ಏಕ್ ಪೇದೆ ಮಾ ಕೆ ನಾಮ್ ಅಭಿಯಾನಗಳಲ್ಲಿ ಭಾಗವಹಿಸಿದ್ದರು. ನಾಡಿನ ಶ್ರೇಷ್ಠ ಪರಂಪರೆ ಹಾಗೂ ವೈವಿಧ್ಯಮಯ ಸಾಂಸ್ಕೃತಿಕ ಪರಂಪರೆಯನ್ನು ಅರಿಯಲು ಹಾಗೂ ದೇಶದ ವಿವಿಧೆಡೆ ನಡೆಯುತ್ತಿರುವ ಅಭಿವೃದ್ಧಿ ಚಟುವಟಿಕೆಗಳನ್ನು ಪ್ರತ್ಯಕ್ಷವಾಗಿ ತಿಳಿದುಕೊಳ್ಳಲು ನೆಹರು ಯುವ ಕೇಂದ್ರದ ಆಶ್ರಯದಲ್ಲಿ ಯುವ ವಿನಿಮಯ ಕಾರ್ಯಕ್ರಮ ಆಯೋಜಿಸಲಾಗಿತ್ತು.