ಕಾಸರಗೋಡು ಕೋಟೆ ಶ್ರೀ ಧೂಮಾವತಿ ದೀಪಾವಳಿ ನೇಮೋತ್ಸವ ಸಂಪನ್ನ

ಕಾಸರಗೋಡು :ಕಾಸರಗೋಡು ಕೋಟೆ ಚಾವಡಿ ಶ್ರೀ ಧೂಮಾವತಿ, "ದೀಪಾವಳಿ ನೇಮೋತ್ಸವ "ವಿಜೃಂಭಣೆಯಿಂದ ನಡೆಯಿತು. ನೆಲ್ಲಿಕುಂಜೆ ಪಳ್ಳದಕೊಟ್ಯ ಶ್ರೀ ಧೂಮಾವತಿ ದೈವಸ್ಥಾನದಿಂದ ಭಂಡಾರ ಭವ್ಯ ಮೆರವಣಿಗೆಯ ಮೂಲಕ ಆಗಮಿಸಿ, ಕೋಟೆ ಚಾವಡಿಯಲ್ಲಿ ದೈವ ನೇಮ ನಡೆಯಿತು.

ಕಾಸರಗೋಡು ಕೋಟೆ ರಾಮರಾಜ ಕ್ಷತ್ರಿಯ ಪರಂಪರೆಯ ನಾಯಕರ ಮನೆ ವಂಶಸ್ಥರ ಮುಂದಾಳತ್ವದಲ್ಲಿ, ಕೋಟೆ ಚಾವಡಿ ಶ್ರೀ ಧೂಮಾವತಿ ಉತ್ಸವ ಸಮಿತಿಯ ನೇತೃತ್ವದಲ್ಲಿ ದೈವಕೋಲ, ಅನ್ನಸಂತರ್ಪಣೆ, ಪ್ರಸಾದವಿತರಣೆ ನಡೆಯಿತು. ನೂರಾರು ಸಂಖ್ಯೆಯಲ್ಲಿ ಭಕ್ತಾದಿಗಳು ಭಾಗವಹಿಸಿದ್ದರು. ಸಮಿತಿ ಅಧ್ಯಕ್ಷ ನವೀನ್ ನಾಯಕ್ ನಾಗರಕಟ್ಟೆ, ಕಾರ್ಯದರ್ಶಿ ಮೋಹನ್ ದಾಸ್, ಮೋನ, ಕೋಶಾಧಿಕಾರಿ ವಾಮನ್ ರಾವ್ ಬೇಕಲ್, ಪ್ರದೀಪ್ ನಾಯ್ಕ್ ನಾಗರಕಟ್ಟೆ,ಮುಂತಾದವರು ನೇತೃತ್ವ ವಹಿಸಿದ್ದರು.