ಪಾಲಕ್ಕಾಡ್‍ನಿಂದ ತಿರುವನಂತಪುರಂವರೆಗಿನ ರೈಲುಗಳಿಗೆ ಬಾಂಬ್ ಬೆದರಿಕೆ, ರಾಜ್ಯದಾದ್ಯಂತ ರೈಲುಗಳಲ್ಲಿ ತಪಾಸಣೆ

ತಿರುವನಂತಪುರಂ: ಪಾಲಕ್ಕಾಡ್‍ನಿಂದ ತಿರುವನಂತಪುರಂ ರೈಲುಗಳಿಗೆ ಬಾಂಬ್ ಬೆದರಿಕೆ ಬಂದಿದ್ದು ಆತಂಕಮೂಡಿಸಿತು. ಬೆದರಿಕೆ ಹಿನ್ನೆಲೆಯಲ್ಲಿ ರೈಲುಗಳನ್ನು ತಪಾಸಣೆ ನಡೆಸಲಾಗುತ್ತಿದೆ.

ಪೋಲೀಸ್ ಕೇಂದ್ರ ಕಚೇರಿಗೆ ಅಪರಿಚಿತ ಬೆದರಿಕೆ ಸಂದೇಶ ಬಂದಿದೆ. ನಂತರ ಎಲ್ಲಾ ರೈಲು ನಿಲ್ದಾಣಗಳಲ್ಲಿ ಎಚ್ಚರಿಕೆ ನೀಡಲಾಗಿದೆ. ರಾಜ್ಯಾದ್ಯಂತ ರೈಲುಗಳ ತಪಾಸಣೆ ನಡೆಸಲಾಗುತ್ತಿದೆ.

ರೈಲ್ವೇ ರಕ್ಷಣಾ ಪಡೆ ರೈಲುಗಳ ಒಳಗೆ ತಪಾಸಣೆ ನಡೆಸುತ್ತಿದೆ.ಪೋಲೀಸರು ಕೂಡ ಎಲ್ಲೆಡೆ ರೈಲು ನಿಲ್ದಾಣಗಳನ್ನು  ತಪಾಸಣೆ ನಡೆಸಿದರು. ಆದರೆ ರೈಲನ್ನು ತಡೆಹಿಡಿದು ಪರಿಶೀಲನೆ ನಡೆಸಿಲ್ಲ ಎಂದು ಪೋಲೀಸರು ಮಾಹಿತಿ ನೀಡಿದ್ದಾರೆ.