ಕಾಟುಕುಕ್ಕೆ-ಅಟ್ಟೆ ಪ್ರಭಾವಳಿ ನಿರ್ಮಾಣ-ಅಧಿಕೃತರಿಂದ ಪರಿಶೀಲನೆ

ಪೆರ್ಲ: ಕಾಟುಕುಕ್ಕೆ ಶ್ರೀಸುಬ್ರಾಯ ಕ್ಷೇತ್ರದಲ್ಲಿ ಶ್ರೀ ದೇವರ ಉತ್ಸವ ಮೂರ್ತಿಯ ಅಟ್ಟೆ ಪ್ರಭಾವಳಿಯು ಕ್ಷೇತ್ರ ತಂತ್ರಿವರ್ಯ ಶ್ರೀ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಗಳ ನಿರ್ದೇಶನ ಪ್ರಕಾರ, ಆಸ್ತಿಕ ಬಂಧುಗಳ ಸಹಕಾರದೊಂದಿಗೆ ಹೊಸತಾಗಿ ನಿರ್ಮಾಣಗೊಳ್ಳುತ್ತಿದೆ. ದೇವಸ್ವಂ ಬೋರ್ಡ್ ಆಯುಕ್ತರ ನಿರ್ದೇಶನ ಪ್ರಕಾರ ಮಲಬಾರ್ ದೇವಸ್ವಂ ಬೋರ್ಡ್ ನ ತನಿಖಾಧಿಕಾರಿಗಳು ನಿನ್ನೆ ಶ್ರೀಕ್ಷೇತ್ರಕ್ಕೆ ಆಗಮಿಸಿ ಆಭರಣಗಳನ್ನು ಪರಿಶೀಲನೆ ನಡೆಸಿದರು. ಅಧ್ಯಕ್ಷರು, ಆಡಳಿತ ಮಂಡಳಿ ಸದಸ್ಯರು, ಉತ್ಸವ ಆಚರಣಾ ಸಮಿತಿ ಅಧ್ಯಕ್ಷರು, ಹಾಲಿ ಮತ್ತು ಮಾಜಿ ಪ್ರಧಾನ ಅರ್ಚಕರು, ರಥ ನಿರ್ಮಾಣ ಸಮಿತಿಯ ಕಾರ್ಯದರ್ಶಿಗಳು ಮತ್ತಿತರರು ಉಪಸ್ಥಿತರಿದ್ದರು.