Russia-Ukraine War: ಕೀವ್ ಮೇಲೆ ಕ್ಷಿಪಣಿ ದಾಳಿ ನಡೆಸಿದ ರಷ್ಯಾ

 ಕೀವ್‌: ಅತ್ಯಾಧುನಿಕ ಕ್ಷಿಪಣಿ ಹಾಗೂ ಡ್ರೋನ್‌ಗಳ ಮೂಲಕ ನಗರದ ಮೇಲೆ ರಷ್ಯಾವು ಬುಧವಾರ ನಸುಕಿನಲ್ಲೇ ದಾಳಿ ನಡೆಸಿದೆ.

73 ದಿನಗಳ ನಂತರ ಕೀವ್‌ ಮೇಲೆ ದಾಳಿ ನಡೆದಿದ್ದು, ಹಾನಿಯ ಮೌಲ್ಯಮಾಪನ ನಡೆದಿದೆ ಎಂದು ಉಕ್ರೇನ್‌ನ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ವಾಯುದಾಳಿಯ ಮುನ್ನೆಚ್ಚರಿಕೆಯ ಕರೆಗಂಟೆಗಳು ತಾಸುಗಟ್ಟಲೇ ಮೊಳಗಿದವು.

ರಕ್ಷಣಾ ಪಡೆಗಳು ಹಲವಾರು ಕ್ಷಿಪಣಿಗಳನ್ನು ಹಾಗೂ ಡ್ರೋನ್‌ಗಳನ್ನು ನಾಶಪಡಿಸಿದವು ಎಂದು ಕೀವ್‌ನ ಮಿಲಿಟರಿ ಆಡಳಿತದ ಮುಖ್ಯಸ್ಥ ಸೆರ್ಹಿ ಪಾಪ್ಕೊ ಹೇಳಿದ್ದಾರೆ.

ದಾಳಿಯಿಂದ ಬ್ರೋವರಿ ಜಿಲ್ಲೆಯಲ್ಲಿ 48 ವರ್ಷದ ವ್ಯಕ್ತಿಯ ತಲೆಗೆ ಗಾಯಗಳಾಗಿವೆ. ಗೋದಾಮೊಂದರಲ್ಲಿ ಬೆಂಕಿ ಹೊತ್ತಿಕೊಂಡಿದೆ ಎಂದು ಕೀವ್‌ ಗವರ್ನರ್‌ ರುಸ್ಲಾನ್‌ ಕ್ರಾವ್ಚೆಂಕೊ ತಿಳಿಸಿದ್ದಾರೆ.