ಪೆರುಂಕಳಿಯಾಟ ಮಹೋತ್ಸವ-ಉತ್ಸವಂ-25 ಎಕ್ಸ್ ಪೋದ ಕರಪತ್ರ ಬಿಡುಗಡೆ

ಮುಳ್ಳೇರಿಯ: ಆದೂರು  ಶ್ರೀ ಭಗವತಿ ದೇವಸ್ಥಾನದಲ್ಲಿ ನಡೆಯಲಿರುವ ಪೆರುಂಕಳಿಯಾಟ ಮಹೋತ್ಸವ ಹಿನ್ನೆಲೆಯಲ್ಲಿ ನಡೆಯಲಿರುವ ಉತ್ಸವಂ-25 ಎಕ್ಸ್ ಪೋದ ಮಲಯಾಳಂ ಬ್ರೋಷರ್  ಬಿಡುಗಡೆ ನಿನ್ನೆ ನಡೆಯಿತು. ಕಾರಡ್ಕ ಗ್ರಾಮ ಪಂಚಾಯತಿ ಉಪಾಧ್ಯಕ್ಷೆ ಮತ್ತು ಮಾತೃ ಸಮಿತಿಯ ಸಂಚಾಲಕಿ ಜನನಿ ಅವರು ಖ್ಯಾತ ಕೈಗಾರಿಕೋದ್ಯಮಿ ಗಣೇಶ್ ಶೆಟ್ಟಿ ಅವರಿಂದ ಬ್ರೋಷರ್ ಸ್ವೀಕರಿಸಿದರು.

ಇದೇ ವೇಳೆ, ಕನ್ನಡ ಕರಪತ್ರ ಬಿಡುಗಡೆಯನ್ನು ಪೆರುಂಕಳಿಯಾಟ ಮಹೋತ್ಸವ ಸಮಿತಿ ಅಧ್ಯಕ್ಷ ವಿಪಿನ್ ದಾಸ್ ರೈ ಅವರಿಂದ ಕಾರಡ್ಕ ಗ್ರಾಮ ಪಂಚಾಯತಿ ಸ್ಥಾಯಿ ಸಮಿತಿ ಅಧ್ಯಕ್ಷ ನಾಸರ್ ಕೆ. ಸ್ವೀಕರಿಸಿದರು. ಕಾರಡ್ಕ ಗ್ರಾಮ ಪಂಚಾಯತಿ ಅಧ್ಯಕ್ಷ ನ್ಯಾಯವಾದಿ ಗೋಪಾಲಕೃಷ್ಣ ಕೆ ಅವರು ಗಣ್ಯರ ಸಮ್ಮುಖದಲ್ಲಿ ಉತ್ಸವಂ-25 ರ ಚಪ್ಪರ ಕಂಬ ಮುಹೂರ್ತವನ್ನು ನಿರ್ವಹಿಸಿದರು. ಅಡೂರು ಶ್ರೀ ಭಗವತಿ ದೇವಸ್ಥಾನದ ಆವರಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಅಪಾರ ಸಂಖ್ಯೆಯಲ್ಲಿ ಜನರು ಪಾಲ್ಗೊಂಡಿದ್ದರು.