ವಯನಾಡ್ ಭೂಕುಸಿತವನ್ನು ತೀವ್ರ ವಿಪತ್ತೆಂದು ಘೋಷಿಸಿದ ಕೇಂದ್ರ ಸರ್ಕಾರ

ತಿರುವನಂತಪುರಂ: ವಯನಾಡ್ ಭೂಕುಸಿತವನ್ನು ತೀವ್ರ ವಿಪತ್ತು ಎಂದು ಕೇಂದ್ರ ಸರ್ಕಾರ ಘೋಷಿಸಿದ್ದು, ಕೇರಳದ ಬೇಡಿಕೆಯನ್ನು ಅಂಗೀಕರಿಸಿ ವಯನಾಡ್ ಭೂಕುಸಿತವನ್ನು ತೀವ್ರ ದುರಂತ ಎಂದು ಪರಿಗಣಿಸಲಾಗಿದೆ.

ಗೃಹ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಅವರು ರಾಜ್ಯ ಕಂದಾಯ ಕಾರ್ಯದರ್ಶಿಗೆ ಈ ಬಗ್ಗೆ ಪತ್ರ ರವಾನಿಸಿದ್ದಾರೆ. ಇದರೊಂದಿಗೆ ರಾಜ್ಯಕ್ಕೆ ಅನುಗುಣವಾಗಿ ಆರ್ಥಿಕ ನೆರವು ದೊರೆಯಲಿದೆ.

ತೀವ್ರ ವಿಪತ್ತಿನ ಘೋಷಣೆಯೊಂದಿಗೆ, ರಾಜ್ಯವು ವಿವಿಧ ಸಚಿವಾಲಯಗಳಿಂದ ಹೆಚ್ಚುವರಿ ಹಣವನ್ನು ಪಡೆಯಲಿದೆ. ಸಂಸದರ ನಿಧಿ ಬಳಸಬಹುದಾಗಿದೆ.

ರಾಷ್ಟ್ರೀಯ ವಿಪತ್ತು ಪರಿಹಾರ ನಿಧಿಗೆ ಹೆಚ್ಚುವರಿಯಾಗಿ ಹೆಚ್ಚಿನ ಹಣವನ್ನು ಪಡೆಯಲು, ತೀವ್ರ ದುರಂತವನ್ನು ಘೋಷಿಸಬೇಕಿತ್ತು.  ಈ ಹಿಂದೆ ರಾಜ್ಯವು ಹಲವು ಬಾರಿ ಮನವಿ ಮಾಡಿದ್ದು, ವಯನಾಡು ದುರಂತದ ತೀವ್ರತೆಯ ಬಗ್ಗೆ ಕೇಂದ್ರಕ್ಕೆ ಸಂಪೂರ್ಣ ಅರಿವಿದೆ ಎಂದು ಗೃಹ ಖಾತೆ ರಾಜ್ಯ ಸಚಿವ ನಿತ್ಯಾನಂದ ರೈ ಲೋಕಸಭೆಯಲ್ಲಿ ಹೇಳಿಕೆ ನೀಡಿದ್ದರು.

ಇದನ್ನು ತೀವ್ರ ವಿಪತ್ತು ಎಂದು ಘೋಷಿಸಿ, ಪರಿಹಾರ ಕಾರ್ಯಗಳಿಗೆ ಹೆಚ್ಚಿನ ಹಣ ನೀಡಬೇಕು, ದುರಂತ ಸಂತ್ರಸ್ತರ ಸಾಲ ಮನ್ನಾ ಮಾಡಬೇಕು ಮತ್ತು ಪುನರ್ ನಿರ್ಮಾಣಕ್ಕೆ ವಿಶೇಷ ಆರ್ಥಿಕ ನೆರವು ಪ್ಯಾಕೇಜ್ ನೀಡಬೇಕು ಎಂಬ ನಾಲ್ಕು ಬೇಡಿಕೆಗಳನ್ನು ಕೇರಳ ಕೇಂದ್ರಕ್ಕೆ ಮನವಿಮಾಡಿತ್ತು.  ಸಾಲ ಮನ್ನಾ ಮಾಡುವಲ್ಲಿ ಯಾವುದೇ ಸ್ಪಂದನೆ ಇಲ್ಲ.ಪಿಡಿಎಂಎ ಅನ್ನು ಪರಿಶೀಲಿಸಿದ ನಂತರ ಪುನರ್ನಿರ್ಮಾಣಕ್ಕಾಗಿ ವಿಶೇಷ ಪ್ಯಾಕೇಜ್ ಅನ್ನು ಘೋಷಿಸಲು ಕೇರಳ ಈಗ ಆಶಿಸುತ್ತಿದೆ.