ಜಮ್ಮು-ಕಾಶ್ಮೀರ: ಪೊಲೀಸ್‌ ಸಿಬ್ಬಂದಿ ಮೃತದೇಹಗಳು ಪತ್ತೆ

Top Post Ad

Click to join Samarasasudhi Official Whatsapp Group

ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಉಧಮ್‌ಪುರ ಜಿಲ್ಲೆಯಲ್ಲಿ ಇಬ್ಬರು ಪೊಲೀಸ್‌ ಸಿಬ್ಬಂದಿ ಗುಂಡೇಟಿನ ಗಾಯಗಳಿಂದ ಭಾನುವಾರ ಬೆಳಿಗ್ಗೆ ಮೃತಪಟ್ಟಿದ್ದಾರೆ.

ಮೃತ ಸಿಬ್ಬಂದಿ ಉತ್ತರ ಕಾಶ್ಮೀರದ ಸೋಪೋರದಿಂದ ತಲವಾರದತ್ತ ಅನುದಾನಿತ ತರಬೇತಿ ಕೇಂದ್ರಕ್ಕೆ ಇಲಾಖೆ ವಾಹನದಲ್ಲಿ ತೆರಳುತ್ತಿದ್ದರು ಎಂದು ಅಧಿಕಾರಿಗಳು ತಿಳಿಸಿದರು.

ಉಧಮ್‌ಪುರದ ಕಾಳಿ ಮಠ ದೇಗುಲದ ಸಮೀಪ ನಿಲ್ಲಿಸಿದ್ದ ಪೊಲೀಸ್‌ ವ್ಯಾನ್‌ ಒಳಗೆ ಗುಂಡೇಟಿನಿಂದ ಜರ್ಜರಿತವಾದ ಮೃತದೇಹಗಳು ಪತ್ತೆಯಾಗಿವೆ ಎಂದು ಹೇಳಿದರು.

ಮೃತರಲ್ಲಿ ಒಬ್ಬರು ಸಹೋದ್ಯೋಗಿಯನ್ನು ಕೊಂದು ಬಳಿಕ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಪ್ರಾಥಮಿಕ ತನಿಖೆ ವೇಳೆ ಗೊತ್ತಾಗಿದೆ. ಹಿರಿಯ ಪೊಲೀಸ್‌ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ ಎಂದು ಪೊಲೀಸ್ ಹೇಳಿಕೆಯಲ್ಲಿ ತಿಳಿಸಲಾಗಿದೆ.