ಸಂಸ್ಕøತದ ನಿರ್ಲಕ್ಷ್ಯ; ವಿದ್ಯಾರ್ಥಿವೇತನ ಪರೀಕ್ಷೆ ಬಾಕಿ

ತಿರುವನಂತಪುರಂ:  ರಾಜ್ಯ ಸರ್ಕಾರ ಸಂಸ್ಕೃತವನ್ನು ನಿರ್ಲಕ್ಷಿಸಿರುವುದು ಖಚಿತಗೊಂಡಂತಿದೆ. ಈ ತಿಂಗಳು ನಡೆಯಬೇಕಿರುವ ವಿದ್ಯಾರ್ಥಿವೇತನ ಪರೀಕ್ಷೆ ಅತಂತ್ರತೆಯಲ್ಲಿದೆ. 

ಪರೀಕ್ಷೆ ವಿಳಂಬವಾದರೆ ವಿದ್ಯಾರ್ಥಿವೇತನದ ಮೊತ್ತ ಮುಟ್ಟುಗೋಲುಗೊಳ್ಳುವುದು. ಸಂಸ್ಕೃತ ವಿಶೇಷಾಧಿಕಾರಿ ಹುದ್ದೆ ಖಾಲಿ ಇದೆ. ಪ್ರಸ್ತುತ ಅರೇಬಿಕ್ ವಿಶೇಷ ಅಧಿಕಾರಿ ಹೆಚ್ಚುವರಿಯಾಗಿದ್ದಾರೆ.

ರಾಜ್ಯದಲ್ಲಿ ಅರ್ಧ ಲಕ್ಷಕ್ಕೂ ಹೆಚ್ಚು ಮಕ್ಕಳು ಸಂಸ್ಕೃತ ವಿದ್ಯಾರ್ಥಿ ವೇತನಕ್ಕೆ ದಾಖಲಿಸಿದ್ದಾರೆ. ಕಳೆದ ವರ್ಷ ಡಿಸೆಂಬರ್‍ನಲ್ಲಿ ಪರೀಕ್ಷೆ ನಡೆಸಲಾಗಿತ್ತು. ಈ ಬಾರಿ ಶಿಕ್ಷಕರಿಗೆ ಪ್ರಶ್ನೆ ಪತ್ರಿಕೆ ಸಿದ್ಧಪಡಿಸಲು ಯಾವುದೇ ಕಾರ್ಯಾಗಾರ ನಡೆಸಿಲ್ಲ ಅಥವಾ ಪರೀಕ್ಷೆಯ ಸುತ್ತೋಲೆಯನ್ನು ಬಿಡುಗಡೆ ಮಾಡಿಲ್ಲ.

ಪರೀಕ್ಷೆ ವಿಳಂಬವಾದರೆ, ಪ್ರಮಾಣಪತ್ರ ಮತ್ತು ವಿದ್ಯಾರ್ಥಿವೇತನದ ಮೊತ್ತವನ್ನು ಮಾರ್ಚ್ ಮೊದಲು ವಿತರಿಸಲಾಗದು. ಈ ಹಿಂದೆ ಒಟ್ಟಪಾಲಂ ಶಿಕ್ಷಣ ಜಿಲ್ಲೆ, ಚೆರ್ಪುಲಸ್ಸೆರಿ, ಕುಜಲಮಂದಂ ಮತ್ತು ಚಿತ್ತೂರು ಉಪಜಿಲ್ಲೆಗಳು ಹಣ ಪೋಲು ಮಾಡುತ್ತಿದ್ದವು. ಒಂದು ಶಾಲೆಯಲ್ಲಿ ಪ್ರತಿ ತರಗತಿಯಿಂದ ಇಬ್ಬರು ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಬಹುದು. ಎಲ್ ಪಿ ವಿಭಾಗದಲ್ಲಿ ಉಪಜಿಲ್ಲೆಯಲ್ಲಿ ನಾಲ್ಕು ತರಗತಿಗಳವರೆಗಿನ 40 ವಿದ್ಯಾರ್ಥಿಗಳಿಗೆ ತಲಾ 100 ರೂ. ಯುಪಿಯಲ್ಲಿ ಮೂರು ವರ್ಗದ 45 ವಿದ್ಯಾರ್ಥಿಗಳಿಗೆ ತಲಾ 400 ರೂ. ಪ್ರೌಢಶಾಲೆಯ 90 ಮಕ್ಕಳಿಗೆ ತಲಾ 600 ರೂ.ಗಳಂತೆ  ವಿದ್ಯಾರ್ಥಿಗಳಿಗೆ ನೀಡಲಾಗುತ್ತದೆ. ಪರೀಕ್ಷೆಯನ್ನು ಶೈಕ್ಷಣಿಕ ಜಿಲ್ಲಾ ಮಟ್ಟದಲ್ಲಿ ನಡೆಸಲಾಗುತ್ತದೆ. ರಾಜ್ಯವು 163 ಉಪ-ಜಿಲ್ಲೆಗಳು ಮತ್ತು 41 ಶೈಕ್ಷಣಿಕ ಜಿಲ್ಲೆಗಳನ್ನು ಹೊಂದಿದೆ. ವಿದ್ಯಾರ್ಥಿವೇತನ ಪರೀಕ್ಷೆಯ ಮೂಲಕ 17545 ವಿದ್ಯಾರ್ಥಿಗಳಿಗೆ 58 ಲಕ್ಷ ರೂ.ನೀಡಬೇಕಾಗುತ್ತದೆ. ಈ ಮೊತ್ತ ಸಂಸ್ಕೃತ ಚಟುವಟಿಕೆಗಳ ಯೋಜನಾ ನಿಧಿಯಿಂದ ವಿನಿಯೋಗಿಸಲಾಗುತ್ತದೆ. 96 ಲಕ್ಷದವರೆಗೆ ಇದ್ದ ನಿಧಿಯನ್ನು ಎರಡು ಹಂತಗಳಲ್ಲಿ 60 ಲಕ್ಷಕ್ಕೆ ಇಳಿಸಲಾಯಿತು.

ಪ್ರಸ್ತುತ, ವಿವಿಧ ಸಾಹಿತ್ಯ ಸ್ಪರ್ಧೆಗಳು, ರಾಷ್ಟ್ರೀಯ ಸಂಸ್ಕೃತ ವಿಚಾರ ಸಂಕಿರಣ ಮತ್ತು ಸಂಸ್ಕೃತ ದಿನಾಚರಣೆಗೆ ಸಂಬಂಧಿಸಿದ ಕಾರ್ಯಾಗಾರಗಳಿಗೆ ಹಣ ಸಹಿತ ವಿದ್ಯಾರ್ಥಿವೇತನವನ್ನು ನೀಡಲು ಮಾತ್ರ ಸಾಕಾಗತ್ತಿದೆ.

ಸಂಸ್ಕೃತ ವಿಶೇಷ ಅಧಿಕಾರಿ ಹುದ್ದೆಯು ಜೂನ್ 2022 ರಿಂದ ಖಾಲಿಯಾಗಿದೆ. ಮೊದಲಿಗೆ ಉರ್ದು ವಿಶೇಷ ಅಧಿಕಾರಿಗೆ ಹೆಚ್ಚುವರಿ ಪ್ರಭಾರ ಹುದ್ದೆ ನೀಡಲಾಗಿತ್ತು. ಪ್ರಸ್ತುತ, ಅರೇಬಿಕ್ ವಿಶೇಷ ಅಧಿಕಾರಿ ಪ್ರಭಾರಿಯಾಗಿದ್ದಾರೆ. ಸಂಸ್ಕೃತ ವಿಶೇμÁಧಿಕಾರಿಗಳ ಶ್ರೇಣಿ ಪಟ್ಟಿ ಇನ್ನೂ ಪ್ರಕಟವಾಗದಿರುವುದು ನಿಗೂಢವಾಗಿದೆ.

ವಿಶೇಷ ಅಧಿಕಾರಿ ಗೈರುಹಾಜರಿಯಲ್ಲಿ ಸಂಸ್ಕೃತ ಅಕಾಡೆಮಿಕ್ ಕೌನ್ಸಿಲ್ ರಚನೆಯಾಗಿಲ್ಲ, ಕಾರ್ಯದರ್ಶಿ ಆಯ್ಕೆಯೂ ಆಗಿಲ್ಲ. ರಾಜ್ಯಮಟ್ಟದ ಸಂಸ್ಕೃತ ದಿನಾಚರಣೆಯೂ ನಡೆದಿಲ್ಲ ಎಂದು ಕೇರಳ ಸಂಸ್ಕೃತ ಶಿಕ್ಷಕರ ಒಕ್ಕೂಟ ಕೆಎಸ್‍ಟಿಎಫ್ ರಾಜ್ಯ ಸಮಿತಿ ಸದಸ್ಯ ಎಚ್. ರಮೇಶ್ ಶಿಕ್ಷಣ ಇಲಾಖೆಯು ವಿದ್ಯಾರ್ಥಿ ವೇತನ ಪರೀಕ್ಷೆಯಲ್ಲಿ ರಾಜಿ ಮಾಡಿಕೊಂಡಿರುವುದು ಆಕ್ಷೇಪಾರ್ಹ ಎಂದು ಆರೋಪಿಸಿದ್ದಾರೆ.