ಕಾಡಾನೆ ದಾಳಿಯಲ್ಲಿ ಮೃತಪಟ್ಟ ಅಮರ್ ಇಲಾಹಿ ಮನೆಗೆ ಸಚಿವ ರೋಶಿ ಆಗಸ್ಟಿನ್ ಭೇಟಿ: ಇಡುಕ್ಕಿ ಪ್ಯಾಕೇಜ್‍ನಲ್ಲಿ ಬೇಲಿಗಳನ್ನು ನಿರ್ಮಿಸಲಾಗುವುದು ಎಂದು ಸಚಿವರ ಭರವಸೆ

ಇಡುಕ್ಕಿ: ಮುಳ್ಳರಿಂಗಾಡ್ ಕಾಡಾನೆ ದಾಳಿಯಲ್ಲಿ ಮೃತಪಟ್ಟ ಅಮರ್ ಇಲಾಹಿ ಅವರ ಸಂಬಂಧಿಕರಿಗೆ ಸಚಿವ ರೋಶಿ ಆಗಸ್ಟಿನ್ ಸಾಂತ್ವನ ಹೇಳಿದರು.

ಇಂತಹ ಸಮಸ್ಯೆಗಳ ವಿರುದ್ಧ ಕ್ರಮಕೈಗೊಳ್ಳಲಾಗುವುದು ಮತ್ತು ಇಡುಕ್ಕಿ ಪ್ಯಾಕೇಜ್‍ನಿಂದ ಬೇಲಿಗಳನ್ನು ನಿರ್ಮಿಸಲಾಗುವುದು ಎಂದು ಅವರು ಮಾಧ್ಯಮಗಳಿಗೆ ತಿಳಿಸಿದರು.

ಇನ್ನು ಮುಂದೆ ಇಂತಹ ಘಟನೆ ಮರುಕಳಿಸಬಾರದು ಎಂಬುದು ಸರ್ಕಾರದ ಆಶಯವಾಗಿದೆ. ಅರಣ್ಯ ಇಲಾಖೆಯ ಪರಿಣಾಮಕಾರಿ ಮಧ್ಯಸ್ಥಿಕೆಗಳನ್ನು ಗಂಭೀರವಾಗಿ ಪರಿಗಣಿಸಲಾಗುವುದು. ಬೇಲಿ ಹಾಕುವುದು ಸೇರಿದಂತೆ ಅಗತ್ಯ ಕ್ರಮಗಳನ್ನು ತರಲಾಗುವುದು ಎಂದು ಸಚಿವರು ತಿಳಿಸಿದರು.

ನಿನ್ನೆ ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಕಾಡಾನೆ ದಾಳಿಗೆ ಅಮರ್ ಇಲಾಹಿ (23) ಮೃತಪಟ್ಟಿದ್ದರು. ತೆಂಗಿನ ತೋಟದಲ್ಲಿ  ಹಸು ಬಿಡಿಸಲು ಹೋದಾಗ ದಾಳಿ ನಡೆದಿದೆ. ಜೊತೆಗಿದ್ದ ವ್ಯಕ್ತಿ ಓಡಿ ತಪ್ಪಿಸಿಕೊಂಡಿರುವರು. ಅಮರ್ ಇಲಾಹಿ ಅವರನ್ನು ತೊಡುಪುಳ ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಮೃತಪಟ್ಟಿದ್ದಾರೆ.