ವಿಶ್ವ ಏಡ್ಸ್ ವಿರುದ್ಧ ದಿನಾಚರಣೆ-ಜನರಲ್ ಆಸ್ಪತ್ರೆಯಲ್ಲಿ ರೆಡ್‍ರಿಬ್ಬನ್ ಪ್ರದರ್ಶನ, ರ್ಯಾಲಿ

ಕಾಸರಗೋಡು: ವಿಶ್ವ ಏಡ್ಸ್ ವಿರುದ್ಧ ದಿನಾಚರಣೆಯ ಅಂಗವಾಗಿ ಕಾಸರಗೋಡು ಜನರಲ್ ಆಸ್ಪತ್ರೆಯಲ್ಲಿ ಕಾರ್ಯಾಚರಿಸುತ್ತಿರುವ ಎಆರ್‍ಟಿ ಸೆಂಟರ್ ಹಾಗೂ ಜನರಲ್ ಆಸ್ಪತ್ರೆಯ ಸಂಯುಕ್ತ ಆಶ್ರಯದಲ್ಲಿ ಕೆಂಪು ರಿಬ್ಬನ್ ಮಾದರಿಯಲ್ಲಿ ದೀಪ ಬೆಳಗಿಸಲಾಯಿತು. 'ಕತ್ತಲೆಯಿಂದ ಬೆಳಕಿನೆಡೆಗೆ' ಎಂಬ ಸಂದೇಶ ಸಾರುವ ಕ್ಯಾಂಡಲ್ ಬೆಳಗಿಸಿ ಮೆರವಣಿಗೆ ನಡೆಸಿದರು.  

ಜನರಲ್ ಆಸ್ಪತ್ರೆ ಉಪ ಅಧೀಕ್ಷಕ ಡಾ. ಜಮಾಲ್ ಅಹಮದ್ ಮೆರವಣಿಗೆ ಉದ್ಘಾಟಿಸಿದರು. ರೋಟರಿ ಕ್ಲಬ್ ಅಧ್ಯಕ್ಷ ಡಾ. ಬಿ.ನಾರಾಯಣನಾಯ್ಕ್ ರೆಡ್ ರಿಬ್ಬನ್ ದೀಪ ಬೆಳಗಿಸಿದರು.  ಐಎಂಎ ಕಾರ್ಯದರ್ಶಿ ಅಣ್ಣಪ್ಪ ಕಾಮತ್, ಎಆರ್‍ಟಿ ಕೇಂದ್ರದ ವೈದ್ಯಾಧಿಕಾರಿ ಡಾ.ಫಾತಿಮಾ ಮುಬೀನಾ, ಕೆ.ಡಿ.ಎನ್.ಪಿ ಪ್ಲಸ್ ಯೋಜನಾ ನಿರ್ದೇಶಕ ಕುಞÂಕೃಷ್ಣನ್ ಮತ್ತು ಸಂಯೋಜಕಿ ಕೆ.ಪೂರ್ಣಿಮಾ ಉಪಸ್ಥಿತರಿದ್ದರು. 

ಫಾರ್ಮಾಸಿಸ್ಟ್ ಸಿಎ ಯೂಸುಫ್, ಎಆರ್ ಟಿ ಕೌನ್ಸಿಲರ್ ವಿ ಅನಿಲ್ ಕುಮಾರ್, ಸ್ಟಾಫ್ ನರ್ಸ್ ಪ್ರಬಿತಾ, ಡಾಟಾ ಮ್ಯಾನೇಜರ್‍ಪಿ.ಕೆ.ಸಿಂಧು, ಕಮ್ಯುನಿಟಿ ಕೇರ್ ಸಂಯೋಜಕಿ ಕೆ.ನಿಶಾ ಹಾಗೂ ಐಸಿಟಿಸಿ ಕೌನ್ಸಿಲರ್ ವೇದಾವತಿ ಕಾರ್ಯಕ್ರಮದ ನೇತೃತ್ವ ವಹಿಸಿದ್ದರು.