ಸೆಕ್ರೆಟರಿಯೇಟ್ ಪ್ರವೇಶಿಸಿದ ಹಾವು; ಆತಂಕ ಸೃಷ್ಟಿ

ತಿರುವನಂತಪುರಂ: ಆಡಳಿತ ಕೇಂದ್ರವಾಗಿರುವ ಸೆಕ್ರೆಟರಿಯೇಟ್‍ನಲ್ಲಿ ಹಾವೊಂದು ಕಾಣಿಸಿಕೊಂಡು ಆತಂಕ ಸೃಷ್ಟಿಸಿದ ಘಟನೆ ನಿನ್ನೆ ನಡೆದಿದೆ. ಜಲಸಂಪನ್ಮೂಲ ಇಲಾಖೆ ಹಾಗೂ ಸಹಕಾರ ಇಲಾಖೆ ನಡುವಿನ ಸೆಕ್ರೆಟರಿಯೇಟ್‍ನ ಮುಖ್ಯ ಬ್ಲಾಕ್‍ನಲ್ಲಿ ಹಾವು ಕಾಣಿಸಿಕೊಂಡಿದೆ.

ಸಿಬ್ಬಂದಿ ಬಳಸುತ್ತಿದ್ದ ವಾಶ್ ಬೇಸಿನ್ ಬಳಿ ಹಾವು ಮೆಟ್ಟಿಲುಗಳ ಮೇಲಿತ್ತು. ಸಿಬ್ಬಂದಿ ಹಾವು ಹಿಡಿಯಲು ಯತ್ನಿಸಿದರೂ ಸಾಧ್ಯವಾಗಲಿಲ್ಲ. ವಿರಾಮದ ವೇಳೆ ಅಧಿಕಾರಿಗಳು ಹೊರಬಂದಾಗ ಮೆಟ್ಟಿಲುಗಳ ಮೇಲೆ ಹಾವು ಕಾಣಿಸಿಕೊಂಡಿತ್ತು.

ಗೃಹರಕ್ಷಕ ಇಲಾಖೆ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದೆ. ಅಧಿಕಾರಿಗಳ ಪ್ರಕಾರ, ಹಾವು ಮೆಟ್ಟಿಲುಗಳಿಂದ ಕೆಳಗಿಳಿದು ರಟ್ಟಿನ ಪೆಟ್ಟಿಗೆಗಳ ನಡುವೆ ಚಲಿಸಿದೆ. ಅರಣ್ಯ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ, ಹಾವಿನ ಪತ್ತೆಗೆ ಪ್ರಯತ್ನ ಮುಂದುವರಿಸಿ ಕೊನೆಗೂ ಸೆರೆಹಿಡಿದಿರುವರು.