ಶಬರೀಶನ ದರ್ಶನದಲ್ಲಿ ಭಾರೀ ಬದಲಾವಣೆಗೆ ದೇವಸ್ವಂ ಬೋರ್ಡ್ ಚಿಂತನೆ

0 samarasasudhi ಡಿಸೆಂಬರ್ 01, 2024

ಶಬರಿಮಲೆ: ಶಬರೀಶನ ದರ್ಶನದಲ್ಲಿ ತೀವ್ರ ಬದಲಾವಣೆ ಮಾಡಲು ದೇವಸ್ವಂ ಮಂಡಳಿ ತಾತ್ವಿಕವಾಗಿ ನಿರ್ಧರಿಸಿದೆ. ಈ ತೀರ್ಥಯಾತ್ರೆ ಮುಗಿದ ನಂತರ ಮುಂದಿನ ಹಂತಗಳು ಶೀಘ್ರದಲ್ಲೇ ಪ್ರಾರಂಭವಾಗಲಿದೆ.

18ನೇ ಮೆಟ್ಟಿಲು ತಲುಪುವ ಯಾತ್ರಾರ್ಥಿಗಳಿಗೆ ನೇರವಾಗಿ ದೇಗುಲ ದರ್ಶನಕ್ಕೆ ಅವಕಾಶ ಕಲ್ಪಿಸುವ ಚಿಂತನೆ ನಡೆದಿದೆ. ಇದಕ್ಕಾಗಿ ದೇವಸ್ವಂ ಮಂಡಳಿ ವಿಸ್ತೃತ ಚರ್ಚೆ ಆರಂಭಿಸಿದೆ.

ಮೊದಲು ಜಿ. ರಾಮನ್ ನಾಯರ್ ಅಧ್ಯಕ್ಷರಾಗಿದ್ದಾಗ ಆಡಳಿತ ಮಂಡಳಿ ಈ ಬಗ್ಗೆ ಕೆಲವು ಅಧ್ಯಯನ ನಡೆಸಿದ್ದರೂ ಮುಂದಿನ ಕ್ರಮ ಕೈಗೊಂಡಿರಲಿಲ್ಲ. ಕೊಡಿಮರ ಸ್ಥಳದಿಂದ ಬಲಿಕಲ್ಲು ಮೂಲಕ ಪ್ರವೇಶಿಸಿ ಯಾತ್ರಾರ್ಥಿಗಳು ಮೂರು ನಿಮಿಷಕ್ಕೂ ಹೆಚ್ಚು ಕಾಲ ಅಯ್ಯಪ್ಪನ ದರ್ಶನ ಮಾಡಬಹುದು. ಇದು ಪ್ರಸ್ತಾವಿತ ವ್ಯವಸ್ಥೆಯ ಉತ್ತಮ ಪ್ರಯೋಜನವಾಗಿದೆ. ಇದು ಯಾತ್ರಾರ್ಥಿಗಳಿಗೆ ವಿಶೇಷ ಅನುಭವವಾಗಲಿದೆ.

ಪ್ರಸ್ತುತ, ಯಾತ್ರಿಕರು ಹದಿನೆಂಟನೇ ಮೆಟ್ಟಿಲು ಹತ್ತಿದ ನಂತರ ಎಡಕ್ಕೆ ತಿರುಗಿ ಮೇಲ್ಸೇತುವೆಯ ಕೆಳಗೆ ಬಂದ ನಂತರ ದೇಗುಲದ ಬದಿಯಲ್ಲಿ ಮೂರು ಸಾಲುಗಳಲ್ಲಿ ಹಾದು ಹೋಗುತ್ತಾರೆ. ಏತನ್ಮಧ್ಯೆ, ಭಕ್ತರು ಕೆಲವು ಸೆಕೆಂಡುಗಳ ಕಾಲ ಮಾತ್ರ ಗರ್ಭಗುಡಿ ವೀಕ್ಷಿಸಲು ಸಾಧ್ಯವಾಗುತ್ತದೆ. ಸಾಮಾನ್ಯವಾಗಿ ಭಾರೀ ದಟ್ಟಣೆಯಲ್ಲಿ ಅದೂ ಸಾಧ್ಯವಾಗದ ಸ್ಥಿತಿ ಇದೆ.

ಹೊಸ ವಿಧಾನ ಜಾರಿಯಿಂದ ಸ್ವಲ್ಪ ಮಟ್ಟಿಗೆ ಈ ದೂರಿಗೆ ಪರಿಹಾರ ಸಿಗಲಿದೆ.

ಯಾತ್ರಾರ್ಥಿಗಳನ್ನು ಬಲಿಕಲ್ಲಿನ ಎರಡು ಬದಿಗಳ ಮೂಲಕ ಮತ್ತು ಬಲಿಕಲ್ಪುರದ ಎರಡೂ ಬದಿಯಲ್ಲಿರುವ ಸಣ್ಣ ದ್ವಾರಗಳ ಮೂಲಕ ಪ್ರವೇಶಿಸಲು ಸಾಧ್ಯತೆಗಳನ್ನು ಹುಡುಕಲಾಗಿದೆ. ಇದು ಯಶಸ್ವಿಯಾದರೆ ದೇಗುಲದ ಸುತ್ತಲಿನ ಮೇಲ್ಸೇತುವೆ ಹಾದುಹೋಗುವುದನ್ನು ತಪ್ಪಿಸಬಹುದು.

ದರ್ಶನ ಮುಗಿಸಿದ ಯಾತ್ರಾರ್ಥಿಗಳನ್ನು ಮಾಳಿಗಪ್ಪುರಂ ಮೂಲಕ ಚಂದ್ರಾನಂದನ ರಸ್ತೆಗೆ ಕರೆತರಲು ಕಬ್ಬಿಣದ ಸೇತುವೆಯನ್ನೂ ಕಲ್ಪಿಸಲಾಗಿದೆ. ಈಗಿರುವ ಬೈಲಿ ಸೇತುವೆಯನ್ನು ಕಡಿದಾದ ಪ್ರವೇಶ ದ್ವಾರ ಮತ್ತು ಮೆಟ್ಟಿಲುಗಳಿಂದಾಗಿ ಯಾತ್ರಾರ್ಥಿಗಳು ಬಳಸುವುದಿಲ್ಲ.

ಇದನ್ನು ಪರಿಹರಿಸಲು ಶಬರಿಮಲೆ ಮಾಸ್ಟರ್ ಪ್ಲಾನ್ ನಲ್ಲಿ ಸೇರ್ಪಡೆಗೊಂಡಿರುವ ಹೊಸ ಕಬ್ಬಿಣದ ಸೇತುವೆಯನ್ನು ಹೆಚ್ಚಿನ ಎತ್ತರದಲ್ಲಿ ನಿರ್ಮಿಸಲಾಗುವುದು. ಮಾಳಿಗಪ್ಪುರಂನಿಂದ ದೇವಸ್ವಂ ಜಮೀನಿನ ಗಡಿಯಲ್ಲಿ ಚಂದ್ರಾನಂದನ್ ರಸ್ತೆಗೆ ತಲುಪುವ ರೀತಿಯಲ್ಲಿ ಕಬ್ಬಿಣದ ಸೇತುವೆಯನ್ನು ನಿರ್ಮಿಸಲಾಗುವುದು.

ಭಕ್ತರಿಗೆ ತುಪ್ಪದ ದೀಪ ಅರ್ಪಿಸಲು ಅವಕಾಶ:

ಶಬರಿಮಲೆ: ಸನ್ನಿಧಾನಂ ದೇವರ ನೆಚ್ಚಿನ ಸೇವೆಂiÀiÀದ ತುಪ್ಪದ ದೀಪ ಅರ್ಪಣೆ ಸಲ್ಲಿಸಲು ಭಕ್ತರಿಗೆ ಅವಕಾಶ ವಿಸ್ಕøತಗೊಳಿಸಲಾಗಿದೆ. ತಿರುವಾಂಕೂರು ದೇವಸ್ವಂ ಮಂಡಳಿ ಅಧ್ಯಕ್ಷ ನ್ಯಾಯವಾದಿ ಪಿ.ಎಸ್.ಪ್ರಶಾಂತ್ ತುಪ್ಪದ ದೀಪ ಸಮರ್ಪಣೆ ಉದ್ಘಾಟನೆ ನಿರ್ವಹಸಿದರು. ಮತ್ತು ದೇವಸ್ವಂ ಮಂಡಳಿ ಸದಸ್ಯ ನ್ಯಾಯವಾದಿ.ಎ.ಅಜಿಕುಮಾರ್ ಉಪಸ್ಥಿತರಿದ್ದರು.

ಈ ಮಂಡಲ ಅವಧಿಯಲ್ಲಿ ಪ್ರತಿದಿನ ಮಧ್ಯಾಹ್ನ 3 ಗಂಟೆಯಿಂದ ದೀಪಾರಾಧನೆಯವರೆಗೆ ಭಕ್ತರಿಗೆ ತುಪ್ಪ ದೀಪ ಸೇವೆ ಅರ್ಪಿಸಲು ಅವಕಾಶವಿದೆ. ಒಂದು ತುಪ್ಪದ ದೀಪಕ್ಕೆ ಟಿಕೆಟ್ ದರ 1,000 ರೂ. ದೇವಸ್ಥಾನದ ಬಳಿ ಇರುವ ಅಷ್ಟಾಭಿಷೇಕ ಕೌಂಟರ್‍ನಿಂದ ಟಿಕೆಟ್ ಖರೀದಿಸಬಹುದು. ನಂತರ ದೇವಸ್ವಂ ಮಂಡಳಿ ತುಪ್ಪದ ದೀಪ ಅರ್ಪಿಸಲು ವ್ಯವಸ್ಥೆ ಮಾಡುತ್ತದೆ.

ಉದ್ಘಾಟನಾ ಸಮಾರಂಭದಲ್ಲಿ ಕಾರ್ಯನಿರ್ವಹಣಾಧಿಕಾರಿ ಬಿ. ಮುರಾರಿ ಬಾಬು, ಆಡಳಿತಾಧಿಕಾರಿ ಬಿಜು ವಿ ನಾಥ್, ಎಇಒ ಶ್ರೀನಿವಾಸನ್ ಮತ್ತು ಸೋಪಾನಂ ವಿಶೇಷಾಧಿಕಾರಿ ಜಯಕುಮಾರ್ ಉಪಸ್ಥಿತರಿದ್ದರು.