ನಿಮ್ಮ ​ಫೋನಲ್ಲಿ ಈ ಆಧಾರ್ ಅಪ್ಲಿಕೇಶನ್ ಇದ್ದರೆ ಏನೇಲ್ಲ ಪ್ರಯೋಜನಗಳಿವೆ ನಿಮಗೊತ್ತಾ?

 ಜನರು ತಮ್ಮ ಆಧಾರ್ ಕಾರ್ಡ್ ವಿವರಗಳನ್ನು ಸ್ಮಾರ್ಟ್‌ಫೋನ್‌ಗಳಲ್ಲಿ ಸಂಗ್ರಹಿಸಲು ಅನುಮತಿಸುತ್ತದೆ. ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರದ (UIDAI) ಪರಿಚಯಿಸಿರುವ ಈ ಅತ್ಯುತ್ತಮ mAadhaar ಅಪ್ಲಿಕೇಶನ್ ಬಗ್ಗೆ ಹೆಚ್ಚಾಗಿ ಜನರಿಗೆ ಮಾಹಿತಿ ಇಲ್ಲ. ಆದರೆ ಇದೊಂದು ಉತ್ತಮ ಅಪ್ಲಿಕೇಶನ್ ಆಗಿದ್ದು ಜನರು ತಮ್ಮ ಆಧಾರ್ ಕಾರ್ಡ್ (Aadhaar Card) ವಿವರಗಳನ್ನು ಸ್ಮಾರ್ಟ್‌ಫೋನ್‌ಗಳಲ್ಲಿ ಸ್ಟೋರ್ ಮಾಡಿಡಲು ಅನುಮತಿಸುತ್ತದೆ. ವಿವಿಧ ಉದ್ದೇಶಗಳಿಗಾಗಿ ಅವರ ಜನಸಂಖ್ಯಾ ವಿವರಗಳು, ವಿಳಾಸ ಮತ್ತು QR ಕೋಡ್‌ನಂತಹ ಮಾಹಿತಿಯನ್ನು ತ್ವರಿತವಾಗಿ ಮತ್ತು ಸುಲಭವಾಗಿ ಪ್ರವೇಶಿಸಲು ಅನುವು ಮಾಡಿಕೊಡುತ್ತದೆ.

mAadhaar ಅಪ್ಲಿಕೇಶನ್‌ನಲ್ಲಿ ಯಾರು ಪ್ರೊಫೈಲ್ ರಚಿಸಬಹುದು?

ಈ ಅಪ್ಲಿಕೇಶನ್ ಬಳಸಲು ಮೊದಲಿಗೆ UIDAI ಪ್ರಕಾರ ಆಧಾರ್ ಕಾರ್ಡ್ ಜೊತೆಗೆ ನೋಂದಾಯಿತವಾಗಿರುವ ಮೊಬೈಲ್ ಸಂಖ್ಯೆಗೆ ತಮ್ಮ ಆಧಾರ್ ಅನ್ನು ಲಿಂಕ್ ಮಾಡಿದ ವ್ಯಕ್ತಿಗಳು ಮಾತ್ರ ಇದನ್ನು ಮಾಡಬಹುದು. ಯಾವುದೇ ಸ್ಮಾರ್ಟ್‌ಫೋನ್‌ನಲ್ಲಿ ಸ್ಥಾಪಿಸಲಾದ mAadhaar ಅಪ್ಲಿಕೇಶನ್‌ನಲ್ಲಿ ಪ್ರೊಫೈಲ್ ಅನ್ನು ನೋಂದಾಯಿಸಬಹುದಾದರೂ ಇದಕ್ಕಾಗಿ OTP (ಒಂದು ಬಾರಿಯ ಪಾಸ್‌ವರ್ಡ್) ಅನ್ನು ನೋಂದಾಯಿತ ಫೋನ್ ಸಂಖ್ಯೆಗೆ ಮಾತ್ರ ಕಳುಹಿಸಲಾಗುತ್ತದೆ.

ನೀವು mAadhaar ಅಪ್ಲಿಕೇಶನ್‌ನಲ್ಲಿ ಪ್ರೊಫೈಲ್ ರಚಿಸುವುದು ಹೇಗೆ?

1. ಯಾವುದೇ Android ಅಥವಾ iOS ಸಾಧನದಲ್ಲಿ ಅಪ್ಲಿಕೇಶನ್ ತೆರೆಯಿರಿ ಮತ್ತು ಮೇಲ್ಭಾಗದಲ್ಲಿ ‘ರಿಜಿಸ್ಟರ್ ಆಧಾರ್’ ಆಯ್ಕೆಮಾಡಿ.
2. ಪ್ರೊಫೈಲ್ ಅನ್ನು ಪ್ರವೇಶಿಸಲು 4 ಅಂಕಿಯ ಪಿನ್ ಅಥವಾ ಪಾಸ್‌ವರ್ಡ್ ರಚಿಸಬೇಕಾಗುತ್ತದೆ.
3. ನಂತರ ನಿಮ್ಮ ಆಧಾರ್ ಸಂಖ್ಯೆ ಹಾಗೆಯೇ ಕ್ಯಾಪ್ಚಾ ಕೋಡ್ ಅನ್ನು ನಮೂದಿಸಿದ ನಂತರ OTP ನಮೂದಿಸಿ ಮತ್ತು ‘ಸಲ್ಲಿಸು’ ಮೇಲೆ ಕ್ಲಿಕ್ ಮಾಡಬೇಕು.
4. ಯಶಸ್ವಿಯಾಗಿ ಪೂರ್ಣಗೊಂಡ ನಂತರ ಪ್ರೊಫೈಲ್ ನೋಂದಣಿಯಾಗುತ್ತದೆ (‘ನೋಂದಾಯಿತ’ ಟ್ಯಾಬ್ ಆಧಾರ್‌ಗೆ ಸಂಬಂಧಿಸಿದ ಹೆಸರನ್ನು ಪ್ರದರ್ಶಿಸುತ್ತದೆ).
5. ಅಂತಿಮವಾಗಿ ಕೆಳಗಿನ ಮೆನುವಿನಲ್ಲಿ ‘ನನ್ನ ಆಧಾರ್’ ಗೆ ನ್ಯಾವಿಗೇಟ್ ಮಾಡಿ ಮತ್ತು ಡ್ಯಾಶ್‌ಬೋರ್ಡ್ ಅನ್ನು ಪ್ರವೇಶಿಸಲು ಪಿನ್/ಪಾಸ್‌ವರ್ಡ್ ಅನ್ನು ನಮೂದಿಸಿ.

ಈ mAadhaar ಅಪ್ಲಿಕೇಶನ್‌ನ ಪ್ರಯೋಜನಗಳೇನು?

• ಆಧಾರ್ ವಿವರಗಳನ್ನು ಆಫ್‌ಲೈನ್ ಮೋಡ್‌ನಲ್ಲಿಯೂ ವೀಕ್ಷಿಸಬಹುದು.
• ಒಂದೇ ಸ್ಮಾರ್ಟ್‌ಫೋನ್‌ನಲ್ಲಿ ಐದು ಕುಟುಂಬದ ಸದಸ್ಯರ ಆಧಾರ್ ಕಾರ್ಡ್ ಮಾಹಿತಿಯನ್ನು ಸಂಗ್ರಹಿಸಬಹುದು.
• ನಿಮಗಿಷ್ಟ ಬಂದಾಗ ಉಚಿತವಾಗಿ ಐದು ಕುಟುಂಬದ ಸದಸ್ಯರ ಆಧಾರ್ ಕಾರ್ಡ್ ಡೌನ್ಲೋಡ್ ಮಾಡಿಕೊಳ್ಳಬಹುದು.
• ಗುರುತಿನ ಪರಿಶೀಲನೆಯ ದಕ್ಷತೆಯನ್ನು ಹೆಚ್ಚಿಸಲು ಬಳಕೆದಾರರು eKYC (ನಿಮ್ಮ ಗ್ರಾಹಕರನ್ನು ತಿಳಿದುಕೊಳ್ಳಿ) ಅಥವಾ QR ಕೋಡ್‌ಗಳನ್ನು ಸೇವಾ ಪೂರೈಕೆದಾರರೊಂದಿಗೆ ಹಂಚಿಕೊಳ್ಳಬಹುದು.
• ಈ ಅಪ್ಲಿಕೇಶನ್ ಕೇಂದ್ರ ಸರ್ಕಾರದ ಅಡಿಯಲ್ಲಿ ಇರುವುದರಿಂದ ಹೆಚ್ಚುವರಿ ರಕ್ಷಣೆಗಾಗಿ ಭದ್ರತಾ ಕ್ರಮಗಳು/ಬಯೋಮೆಟ್ರಿಕ್ಸ್ ಇವೆ.
• ಆಧಾರ್ ಕಾರ್ಡ್‌ನಲ್ಲಿ ಏನೇ ಅಪ್ಡೇಟ್ ಅಥವಾ ಮಾಹಿತಿ ಸರಿಪಡಿಸ ಬಯಸಿದರೆ ಇಲ್ಲಿಂದ ಅರ್ಜಿ ಸಲ್ಲಿಸಬಹುದು.