ಏಕಕಾಲಕ್ಕೆ ಚುನಾವಣೆ: ಮಸೂದೆ ಅಂಗೀಕಾರ ಅನುಮಾನ; ದಿಗ್ವಿಜಯ್‌ ಸಿಂಗ್‌

 ಆಗರ್‌ ಮಾಲ್ವಾ : 'ಒಂದು ರಾಷ್ಟ್ರ, ಒಂದು ಚುನಾವಣೆ'ಗೆ ಸಂಬಂಧಿಸಿದ ಮಸೂದೆಯು ಸಂಸತ್ತಿನಲ್ಲಿ ಅಂಗೀಕಾರವಾಗುವುದು ಅನುಮಾನ' ಎಂದು ರಾಜ್ಯಸಭೆಯ ಕಾಂಗ್ರೆಸ್‌ ಸದಸ್ಯ ದಿಗ್ವಿಜಯ್‌ ಸಿಂಗ್‌ ತಿಳಿಸಿದರು.

'ಜಂಟಿ ಸಂಸದೀಯ ಸಮಿತಿ ರಚನೆಯಾಗಿದೆ. ಆದರೆ, ಮಸೂದೆಯನ್ನು ಅಂಗೀಕರಿಸಲಾಗುತ್ತದೆ ಎಂದು ನಾನು ಭಾವಿಸುವುದಿಲ್ಲ' ಎಂದು ಪತ್ರಕರ್ತರ ಪ್ರಶ್ನೆಗೆ ಪ್ರತಿಕ್ರಿಯಿಸಿದರು.

'ಸಂಸತ್‌ ಆವರಣದಲ್ಲಿ ಬಿಜೆಪಿ ಸದಸ್ಯರನ್ನು ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್‌ ಗಾಂಧಿ ಅವರು ತಳ್ಳಿದರು' ಎಂಬ ಆರೋಪವನ್ನು ನಿರಾಕರಿಸಿದ ದಿಗ್ವಿಜಯ್‌ ಸಿಂಗ್‌, 'ಇದು ಸಂಪೂರ್ಣ ಸುಳ್ಳು. ಬಿಜೆಪಿ ನಾಯಕರ ನಡುವೆಯೇ ತಳ್ಳಾಟ ನಡೆದಿದೆ' ಎಂದು ಹೇಳಿದರು.