ಸಾರ್ವಜನಿಕವಾಗಿ ವಿದ್ಯಾರ್ಥಿಗಳಿಂದ ಶುಲ್ಕ ಕೇಳುವಂತಿಲ್ಲ- ಬಾಡಿ ಶೇಮಿಂಗ್ ಮಾಡುವಂತಿಲ್ಲ-: ಶಿಕ್ಷಣ ಸಚಿವ

ತಿರುವನಂತಪುರಂ: ಶಾಲೆಯಲ್ಲಿ ಇತರರ ಸಮ್ಮುಖದಲ್ಲಿ ಬಹಿರಂಗವಾಗಿ ಶುಲ್ಕ ಕೇ¼ಕೂಡದು  ಎಂದು ಶಿಕ್ಷಣ ಸಚಿವ ವಿ. ಶಿವನ್‍ಕುಟ್ಟಿ ತಿಳಿಸಿದ್ದಾರೆ.

ಶಿಕ್ಷಕರು ಅಥವಾ ಶಾಲಾ ಅಧಿಕಾರಿಗಳು ಇತರ ಮಕ್ಕಳ ಸಮ್ಮುಖದಲ್ಲಿ ತರಗತಿಗಳಲ್ಲಿ ವಾಹನ ಬಾಡಿಗೆ ಸೇರಿದಂತೆ ಶುಲ್ಕದ ಬಗ್ಗೆ ವಿದ್ಯಾರ್ಥಿಗಳನ್ನು ಕೇಳಬಾರದು. ಈಗ ಪ್ರತಿಯೊಬ್ಬ ಪೋಷಕರ ಬಳಿ ಮೊಬೈಲ್ ಪೋನ್ ಇದೆ. ಇಂತಹ ವಿಷಯಗಳನ್ನು ನೇರವಾಗಿ ಅವರೊಂದಿಗೆ ಪ್ರಸ್ತಾಪಿಸಬೇಕು ಎಂದು ಸಚಿವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ತರಗತಿಗಳಲ್ಲಿ ದೇಹ ಶೇಮಿಂಗ್ ಸೇರಿದಂತೆ ವಿದ್ಯಾರ್ಥಿಗಳ ದೈಹಿಕ ಮತ್ತು ಮಾನಸಿಕ ಸ್ಥಿತಿಯನ್ನು ಋಣಾತ್ಮಕವಾಗಿ ಪರಿಣಾಮ ಬೀರುವ ಯಾವುದೇ ಕ್ರಮಗಳನ್ನು ಶಿಕ್ಷಕರು ಅಥವಾ ಶಾಲಾ ಅಧಿಕಾರಿಗಳು ಮಾಡಬಾರದು. ಅದೇ ರೀತಿ, ಅಧ್ಯಯನ ಪ್ರವಾಸಕ್ಕೆ ಹಣದ ಕೊರತೆಯ ಕಾರಣ ಶಾಲಾ ಮಗುವನ್ನು ಸಹ ಪ್ರವಾಸದಿಂದ ಹೊರಗಿಡಬಾರದು. ಶಾಲೆಗಳಲ್ಲಿ ಅಧ್ಯಯನ ಪ್ರವಾಸ ಮತ್ತು ಶಾಲೆಗಳಲ್ಲಿ ವೈಯಕ್ತಿಕ ಆಚರಣೆಗಳ ಕುರಿತು ಶಿಫಾರಸುಗಳನ್ನು ತಕ್ಷಣದ ಅನುಷ್ಠಾನಕ್ಕೆ ಕೈಗೊಂಡಿರುವ ಕ್ರಮಗಳ ಕುರಿತು ವಾರದೊಳಗೆ ವರದಿ ಸಲ್ಲಿಸುವಂತೆ ಸಾರ್ವಜನಿಕ ಶಿಕ್ಷಣ ನಿರ್ದೇಶಕರಿಗೆ ಸೂಚಿಸಲಾಗಿದೆ.

ಶಾಲೆಗಳು ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳ ಹುಟ್ಟುಹಬ್ಬದಂತಹ ವೈಯಕ್ತಿಕ ಆಚರಣೆಗಳನ್ನು ಆಯೋಜಿಸುತ್ತವೆ. ಈ ಘಟನೆಗಳಿಗೆ ಉಡುಗೊರೆಗಳನ್ನು ನೀಡಲು ಮಕ್ಕಳನ್ನು ಒತ್ತಾಯಿಸಲಾಗುತ್ತದೆ. ಉಡುಗೊರೆಗಳೊಂದಿಗೆ ಬಾರದ ಮಕ್ಕಳನ್ನು ಬಯ್ಯುವ, ತೆಗಳುವ  ಪ್ರವೃತ್ತಿಯೂ ಗಮನಕ್ಕೆ ಬಂದಿದೆ. ಹೀಗಾಗಿ ಆರ್ಥಿಕ ಹೊಣೆಗಾರಿಕೆ ಉಂಟು ಮಾಡುವ ಇಂತಹ ಆಚರಣೆಗಳನ್ನು ತಪ್ಪಿಸಲು ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವಂತೆ ಸಚಿವರು ಶಾಲಾ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

ಮಾನ್ಯತೆ ಪಡೆಯದ ಶಾಲೆಗಳ ಗಣತಿ ಕಾರ್ಯ ಪೂರ್ಣಗೊಂಡಿದೆ ಎಂದು ಸಾರ್ವಜನಿಕ ಶಿಕ್ಷಣ ಮತ್ತು ಉದ್ಯೋಗ ಇಲಾಖೆ ಸಚಿವ ವಿ.ಶಿವನ್ ಕುಟ್ಟಿ ಹೇಳಿದರು. ಪ್ರಾಥಮಿಕ ಮಾಹಿತಿ ಪ್ರಕಾರ 827 ಮಾನ್ಯತೆ ಇಲ್ಲದ ಸಂಸ್ಥೆಗಳು ಇರುವುದು ಕಂಡು ಬಂದಿದೆ. ಈ ಬಗ್ಗೆ ಶೀಘ್ರವೇ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಸಚಿವರು ತಿಳಿಸಿದರು. ಈ ಸಂಬಂಧ ಚರ್ಚೆ ನಡೆಸಲು ಮುಖ್ಯಮಂತ್ರಿ ಸಭೆ ಕರೆದಿದ್ದಾರೆ. ಶಾಲೆಗಳ ಪಟ್ಟಿ ಹಾಗೂ ಲಭ್ಯವಿರುವ ಮಾಹಿತಿಯನ್ನು ಮುಖ್ಯಮಂತ್ರಿಗಳಿಗೆ ರವಾನಿಸಲಾಗುವುದು ಎಂದು ಸಚಿವ ವಿ.ಶಿವನ್ ಕುಟ್ಟಿ ತಿಳಿಸಿದರು.