ಸಿಪಿಎಂ ನಾಶಮಾಡಲು ಅಮೆರಿಕದಿಂದ ವಿಶೇಷ ತರಬೇತಿ ಪಡೆದವರು, ಭಾರತದ ಹಲವೆಡೆ ಕಾರ್ಯಾಚರಣೆ ನಡೆಸುತ್ತಿದ್ದಾರೆ - ಜಯರಾಜನ್

ಕಣ್ಣೂರು: ಸಿಪಿಎಂ ಅನ್ನು ನಾಶ ಮಾಡಲು ಅಮೆರಿಕದಲ್ಲಿ ವಿಶೇಷ ತರಬೇತಿ ಪಡೆದವರನ್ನು ಭಾರತಕ್ಕೆ ಕಳುಹಿಸಲಾಗುತ್ತಿದೆ ಎಂದು ಸಿಪಿಎಂ ಕೇಂದ್ರ ಸಮಿತಿ ಸದಸ್ಯ ಇ.ಪಿ.ಜಯರಾಜನ್ ಹೇಳಿದ್ದಾರೆ. 

ಜಯರಾಜನ್ ಕಣ್ಣಪುರಂನಲ್ಲಿ ಸಿಪಿಎಂ ಪಾಪಿನಿಸ್ಸೇರಿ ಕ್ಷೇತ್ರ ಸಮ್ಮೇಳನವನ್ನುನಿನ್ನೆ  ಉದ್ಘಾಟಿಸಿ ಮಾತನಾಡಿ, ಅಮೆರಿಕದ ವಿಶ್ವವಿದ್ಯಾನಿಲಯದಿಂದ ಆಧುನಿಕೋತ್ತರ ಹೆಸರಿನಲ್ಲಿ ವಿಶೇಷ ತರಬೇತಿ ಪಡೆದವರು ಭಾರತಕ್ಕೆ ಬಂದು ಸಿಪಿಎಂ ಅನ್ನು ನಾಶಪಡಿಸುವ ಚಟುವಟಿಕೆ ನಡೆಸುತ್ತಿದ್ದಾರೆ ಎಂದಿರುವರು.

ಇಂತಹ ತರಬೇತಿ ಪಡೆದವರು ದೇಶದ ಹಲವು ಕ್ಷೇತ್ರಗಳಲ್ಲಿ ತಮ್ಮ ಚಟುವಟಿಕೆಗಳನ್ನು ವಿಸ್ತರಿಸುತ್ತಿದ್ದಾರೆ ಎಂದು ತಿಳಿಸಿದರು. ಸಿಪಿಎಂ ಕೇಂದ್ರ ಸಮಿತಿ ಸದಸ್ಯ ಇ.ಪಿ.ಜಯರಾಜನ್ ಮಾತನಾಡಿ, ಸಿಪಿಎಂ ಅನ್ನು ನಾಶಪಡಿಸಲು ಅಮೆರಿಕದ ವಿಶ್ವವಿದ್ಯಾನಿಲಯಗಳಿಂದ ಆಧುನಿಕೋತ್ತರ ಹೆಸರಿನಲ್ಲಿ ವಿಶೇಷ ತರಬೇತಿ ನೀಡಿ ಜನರನ್ನು ಭಾರತಕ್ಕೆ ಕಳುಹಿಸಲಾಗುತ್ತಿದೆ. ಅವರು ದೇಶದ ಹಲವು ಕ್ಷೇತ್ರಗಳಲ್ಲಿ ತಮ್ಮ ಚಟುವಟಿಕೆಗಳನ್ನು ವಿಸ್ತರಿಸುತ್ತಿದ್ದಾರೆ.

ಅದರ ಭಾಗವಾಗಿ ಬಲಪಂಥೀಯ ಶಕ್ತಿಗಳು ಮಾಧ್ಯಮಗಳ ನೆರವಿನಿಂದ ಸುಳ್ಳು ಪ್ರಚಾರ ನಡೆಸುತ್ತಿವೆ. ನಾಯಕತ್ವದ ಮೇಲೆ ದಾಳಿ ಮಾಡುವ ಮೂಲಕ ಪಕ್ಷವನ್ನು ನಾಶ ಮಾಡುವ ವ್ಯವಸ್ಥಿತ ಪ್ರಯತ್ನ ನಡೆಯುತ್ತಿದೆ. ನಮ್ಮ ಕಾರ್ಯಕರ್ತರು ಇದನ್ನು ಅರಿತುಕೊಳ್ಳುವಲ್ಲಿ ವಿಫಲರಾಗಿದ್ದಾರೆ. ಜಗತ್ತಿನ ಅನೇಕ ಕಮ್ಯುನಿಸ್ಟ್ ಪಕ್ಷಗಳು ಒಂದೇ ರೀತಿಯ ದಾಳಿಯಿಂದ ನಾಶವಾದವು ಎಂದು ಅವರು ತಿಳಿಸಿದರು.

ಮಾಧ್ಯಮಗಳಿಗೆ ಹಣ ಕೊಟ್ಟು ವ್ಯವಸ್ಥಿತವಾಗಿ ಬಳಸಿಕೊಳ್ಳಲಾಗುತ್ತಿದೆ. ಪಕ್ಷದ ಕಾರ್ಯಕರ್ತರು ಎಚ್ಚೆತ್ತುಕೊಂಡು ಇದನ್ನು ಎದುರಿಸುವ ಕೆಲಸ ಮಾಡಬೇಕು. ಪಕ್ಷದೊಳಗೆ ಟೀಕೆಗಳು ಬರಬಹುದು. ಆದರೆ ತಪ್ಪುಗಳನ್ನು ಎತ್ತಿ ತೋರಿಸುವ ಹೆಸರಿನಲ್ಲಿ ಸುದ್ದಿ ಮಾಡಲಾಗುತ್ತಿದೆ ಮತ್ತು ಹಬ್ಬಿಸಲಾಗುತ್ತಿದೆ. ಸಹೃದಯರಲ್ಲಿ ಮಾನಸಿಕ ಒಗ್ಗಟ್ಟು, ಸೌಹಾರ್ದತೆ ಇದ್ದರೆ ಮಾತ್ರ ಈ ಬಿಕ್ಕಟ್ಟನ್ನು ಹೋಗಲಾಡಿಸಲು ಸಾಧ್ಯ ಎಂದು ಜಯರಾಜನ್ ಹೇಳಿದರು.

Disclaimer: This story is auto-aggregated by a computer program and has not been created or edited by Dailyhunt. Publisher: SAMARASASUDHI.COM