ಶಾಸಕಿ ಪ್ರತಿಭಾ ಪುತ್ರನ ವಿರುದ್ಧ ಪ್ರಕರಣ ದಾಖಲಿಸಿದ ಅಲಪ್ಪುಳ ಉಪ ಅಬಕಾರಿ ಆಯುಕ್ತರ ವರ್ಗಾವಣೆ-ನಿವೃತ್ತಿಗೆ ಐದು ತಿಂಗಳು ಮಾತ್ರ ಬಾಕಿ ಉಳಿದಿರುತ್ತಾ ಕ್ರಮ

ಆಲಪ್ಪುಳ: ಶಾಸಕಿ ಯು. ಪ್ರತಿಭಾ ಅವರ ಪುತ್ರನ ವಿರುದ್ಧದ ಪ್ರಕರಣದ ಹಿನ್ನೆಲೆಯಲ್ಲಿ ಆಲಪ್ಪುಳ ಅಬಕಾರಿ ಉಪ ಆಯುಕ್ತ ಪಿಕೆ ಜಯರಾಜ್ ಅವರನ್ನು ವರ್ಗಾವಣೆ ಮಾಡಲಾಗಿದೆ.  ಕೊಲ್ಲಂ ಮೂಲದವರಾದ ಅವರು ಸೇವೆಯಿಂದ ನಿವೃತ್ತಿಯಾಗಲು ಕೇವಲ ಐದು ತಿಂಗಳಷ್ಟೇ ಬಾಕಿ ಇತ್ತು.
ಕೊಲ್ಲಂ ಮೂಲದ ಅವರು ಕೇವಲ ಐದು ತಿಂಗಳ ಸೇವಾವಧಿಯಿರುವಾಗ ಇದೀಗ  ಮಲಪ್ಪುರಂಗೆ ವರ್ಗಾವಣೆಗೊಂಡರು.  ಪಿ.ಕೆ.ಜಯರಾಜ್ ಜಿಲ್ಲೆಯಲ್ಲಿ ಲಿಕ್ಕರ್ ಮಾಫಿಯಾ ವಿರುದ್ಧ ಕಠಿಣ ಕ್ರಮ ಕೈಗೊಂಡ ದಕ್ಷ ಅಧಿಕಾರಿಯಾಗಿದ್ದಾರೆ.
ಮೂರು ತಿಂಗಳ ಹಿಂದೆ ಅಲಪ್ಪುಳ ಜಿಲ್ಲೆಯ ಪ್ರಧಾನ ಅಧಿಕಾರಿಯಾಗಿ ಅಧಿಕಾರ ವಹಿಸಿಕೊಂಡಿದ್ದರು. ಭಾನುವಾರ ಅಬಕಾರಿ ತಂಡ ಪ್ರತಿಭಾ ಅವರ ಪುತ್ರ ಕಣಿವ್ ಸೇರಿದಂತೆ ತಂಡವನ್ನು ಹಿಡಿದಿತ್ತು.  ತಂಡದಿಂದ ಮೂರು ಗ್ರಾಂ ಗಾಂಜಾ ವಶಪಡಿಸಿಕೊಳ್ಳಲಾಗಿದೆ.  ಇದಾದ ಬಳಿಕ ಅಬಕಾರಿ ಪ್ರಕರಣ ದಾಖಲಾಗಿತ್ತು.  ಶಾಸಕಿಯ ಪುತ್ರ ಪ್ರಕರಣದಲ್ಲಿ ಒಂಬತ್ತನೇ ಆರೋಪಿಯಾಗಿದ್ದಾನೆ.  ಆದರೆ ತನ್ನ ಮಗ ನಿರಪರಾಧಿ ಎಂದು ಫೇಸ್ ಬುಕ್ ಲೈವ್ ಮೂಲಕ ಹೇಳಿಕೊಂಡಿದ್ದಾರೆ.  
ಇದೇ ವೇಳೆ ಸ್ಥಳ ಬದಲಾವಣೆಗೆ ಮೊದಲೇ ನಿರ್ಧರಿಸಲಾಗಿತ್ತು ಎಂದು ಅಬಕಾರಿ ಇಲಾಖೆ ವಿವರಿಸಿದೆ.