ಜೀವನಶೈಲಿ ರೋಗಗಳ ವಿರುದ್ಧ ಹೋರಾಡಲು ಬರಲಿದೆ ಭಾರತೀಯ ಶೈಲಿಯ ಆಹಾರಗಳು- ಸಾಂಪ್ರದಾಯಿಕ ಆಯುರ್ವೇದ ಆಹಾರಗಳು ಮಾರುಕಟ್ಟೆಗೆ

ವಿಶ್ವ ಆಯುರ್ವೇದ ಕಾಂಗ್ರೆಸ್ ಜೀವನಶೈಲಿ ರೋಗಗಳನ್ನು ಎದುರಿಸಲು ಮತ್ತು ಸಾಂಪ್ರದಾಯಿಕ ಆಹಾರ ಪದ್ಧತಿಗಳನ್ನು ಪುನರುಜ್ಜೀವನಗೊಳಿಸುವ ಲಕ್ಷ್ಯ ಮುಂದಿರಿಸಿದೆ. 

ಸಾಂಪ್ರದಾಯಿಕ ಆಯುರ್ವೇದ ಆಹಾರ ಶೀಘ್ರದಲ್ಲೇ ಮಾರುಕಟ್ಟೆಗೆ ಬರಲಿದೆ. ಇದು ಅಪೌಷ್ಠಿಕತೆ, ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡದಂತಹ ಜೀವನಶೈಲಿಯ ಕಾಯಿಲೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದು ನಂಬಲಾಗಿದೆ. ಡೆಹ್ರಾಡೂನ್‍ನಲ್ಲಿ ನಡೆದ 10ನೇ ವಿಶ್ವ ಆಯುರ್ವೇದಿಕ್ ಕಾಂಗ್ರೆಸ್‍ನಲ್ಲಿ ಆಯುರ್ವೇದ ಆಹಾರ ಮತ್ತು ತಿಂಡಿಗಳ ಉತ್ಪಾದನೆ ಮತ್ತು ಮಾರುಕಟ್ಟೆಗೆ ಮಾರ್ಗದರ್ಶಿ ಸೂತ್ರಗಳಿಗಾಗಿ ರಚಿಸಲಾದ ಉನ್ನತ ಮಟ್ಟದ ಸಮಿತಿಯ ಸದಸ್ಯರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. 

ಸಾಹಸೋದ್ಯಮವು ಆಯುರ್ವೇದ ಪಠ್ಯಗಳನ್ನು ಅನುಸರಿಸಿ 700 ಪಾಕವಿಧಾನಗಳನ್ನು ಹೊಂದಿರುತ್ತದೆ. ಆಯುರ್ವೇದ ವಲಯದಲ್ಲಿ ಆಹಾರದ ವೈವಿಧ್ಯವನ್ನು ಹೊರತರುವ ಯೋಜನೆಯು ಆಹಾರ ವಲಯದಲ್ಲಿ ಕೋಟ್ಯಂತರ ರೂಪಾಯಿಗಳ ವ್ಯವಹಾರಕ್ಕೆ ಅವಕಾಶವನ್ನು ಒದಗಿಸಲಿದೆ. ಆಯುರ್ವೇದ ಆಹಾರ್ ನಿಯಮಗಳು-2022 ರ ಪ್ರಕಾರ ಯೋಜನೆಯನ್ನು ಪ್ರಾರಂಭಿಸಲಾಗುತ್ತ. 

ಯೋಜನೆಯು ಪೌಷ್ಠಿಕಾಂಶ ಮತ್ತು ಆಯುರ್ವೇದ ತಜ್ಞರಿಂದ ಇನ್ಪುಟ್ ತೆಗೆದುಕೊಂಡು  ಅತ್ಯಾಧುನಿಕ ಆಹಾರ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಿದೆ. ಈ ಯೋಜನೆಯಡಿಯಲ್ಲಿ ತಯಾರಿಸಲಾದ ಮತ್ತು ಮಾರಾಟ ಮಾಡುವ ಆಹಾರ ಉತ್ಪನ್ನಗಳು ಆಯುರ್ವೇದ ಸಂಪ್ರದಾಯದ ಮೂಲ ತತ್ವಗಳನ್ನು ನಿರ್ವಹಿಸುತ್ತವೆ ಎಂದು ಖಚಿತಪಡಿಸುತ್ತದೆ. ಮಾರ್ಕೆಟಿಂಗ್ ಫಾಸ್ಟ್ ಮೂವಿಂಗ್ ಕನ್ಸ್ಯೂಮರ್ ಗೂಡ್ಸ್ (ಎಫ್‍ಎಂಸಿಜಿ) ಮೋಡ್‍ನಲ್ಲಿರುತ್ತದೆ. ಡೋರ್ ಡೆಲಿವರಿ ಆಹಾರ ಪೂರೈಕೆದಾರರನ್ನು ಬಳಸಿಕೊಳ್ಳಲಾಗುವುದು ಮತ್ತು ಈ ಆಹಾರ ಪದಾರ್ಥಗಳನ್ನು ಸ್ಟಾರ್ ಹೋಟೆಲ್‍ಗಳು ಸೇರಿದಂತೆ ಎಲ್ಲಾ ರೆಸ್ಟೋರೆಂಟ್‍ಗಳಲ್ಲಿ ಲಭ್ಯವಾಗುವಂತೆ ಮಾಡಲಾಗುವುದು.

ಜೈಪುರದ ರಾಷ್ಟ್ರೀಯ ಆಯುರ್ವೇದ ಡೀಮ್ಡ್ ವಿಶ್ವವಿದ್ಯಾಲಯದ ಮಾಜಿ ಉಪಕುಲಪತಿ ಪ್ರೊ. ಮಿತಾ ಕೊಟೆಚಾ, ದೆಹಲಿಯ ಅಖಿಲ ಭಾರತ ಆಯುರ್ವೇದ ಸಂಸ್ಥೆಯ ನಿರ್ದೇಶಕಿ ಪ್ರೊ. ತನುಜಾ ನೇಸರಿ, ರಾಷ್ಟ್ರೀಯ ಆಯುರ್ವೇದ ಸಂಸ್ಥೆ, ಜೈಪುರದ ಪ್ರೊ. ಅನುಪಮ್ ಶ್ರೀವಾಸ್ತವ ಮತ್ತಿತರರನ್ನು ಸಮಿತಿಯಲ್ಲಿ ಸೇರಿಸಲಾಗಿದೆ. ಸಮಿತಿಯು ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ ಮತ್ತು ಇತರ ಏಜೆನ್ಸಿಗಳೊಂದಿಗೆ ನಿಕಟ ಸಂಪರ್ಕದಲ್ಲಿ ಕಾರ್ಯನಿರ್ವಹಿಸುತ್ತದೆ.

ವಿಶ್ವಸಂಸ್ಥೆ ಮತ್ತು ವಿಶ್ವ ಆರೋಗ್ಯ ಸಂಸ್ಥೆ ನಿಗದಿಪಡಿಸಿರುವ ಸುಸ್ಥಿರ ಅಭಿವೃದ್ಧಿ ಗುರಿಗಳನ್ನು ಸಾಧಿಸಲು ಸರ್ಕಾರಕ್ಕೆ ಸಹಾಯ ಮಾಡುವಲ್ಲಿ ಮತ್ತು ಬಡತನ, ಅಪೌಷ್ಠಿಕತೆ ಮತ್ತು ಬೊಜ್ಜು ಮುಂತಾದ ಸಮಸ್ಯೆಗಳನ್ನು ಪರಿಣಾಮಕಾರಿಯಾಗಿ ನಿಭಾಯಿಸುವಲ್ಲಿ ಈ ಉಪಕ್ರಮವು ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಪ್ರೊ ಮಿತಾ ಕೋಟೆಚಾ ಹೇಳಿದರು. ಈ ಉಪಕ್ರಮವು ಮಾರುಕಟ್ಟೆಯಲ್ಲಿ ಅನಾರೋಗ್ಯಕರ ಜಂಕ್ ಫುಡ್ ಉತ್ಪನ್ನಗಳಿಗೆ ಪರ್ಯಾಯವಾಗಿ ಸಾಂಪ್ರದಾಯಿಕ ಭಾರತೀಯ ಆಹಾರ ಉತ್ಪನ್ನಗಳನ್ನು ಪುನರುಜ್ಜೀವನಗೊಳಿಸಲಿದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹೆಚ್ಚಿನ ಆಯುರ್ವೇದ ಆಹಾರ ಉತ್ಪನ್ನಗಳು ಪ್ರಕ್ರಿಯೆ, ಗುಣಮಟ್ಟ ಮತ್ತು ಪದಾರ್ಥಗಳ ಪ್ರಮಾಣದಲ್ಲಿ ಸತ್ಯಾಸತ್ಯತೆಯನ್ನು ಪರಿಶೀಲಿಸುವಲ್ಲಿ ವಿಫಲವಾಗಿವೆ ಎಂದು ಪ್ಯಾನೆಲಿಸ್ಟ್‍ಗಳು ಗಮನಸೆಳೆದರು.