ಮಾನಂತವಾಡಿಯಲ್ಲಿ ಆದಿವಾಸಿ ಯುವಕನನ್ನು ಕಾರಿನಲ್ಲಿ ಎಳೆದೊಯ್ದ ದೌರ್ಜನ್ಯ-ತೀವ್ರ ಗಾಯಗೊಂಡ ಮತ್ತನ್

ಕಲ್ಪಟ್ಟ: ಮಾನಂತವಾಡಿಯಲ್ಲಿ ಆದಿವಾಸಿ ಯುವಕನೊಬ್ಬನನ್ನು ಕಾರಿನ ಡೋರ್ ಒಳಗೆ ಕೈ ಕಟ್ಟಿ ರಸ್ತೆಯಲ್ಲಿ ಎಳೆದೊಯ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೋಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಕೂಡಲ್ಕಡವ್ ಚೆಮ್ಮಾಡ್ ನಗರದ ಮತ್ತನ್ ನನ್ನು ಅರ್ಧ ಕಿಲೋಮೀಟರ್ ದೂರದವರೆಗೆ ರಸ್ತೆಯಲ್ಲಿ ಎಳೆದೊಯ್ದಿದ್ದಾರೆ. ಕೊಲೆ ಯತ್ನ ಪ್ರಕರಣ ದಾಖಲಾಗಿದೆ.

ಕೂಡಲ್ಕಡವ್ ಚೆಕ್ ಡ್ಯಾಂ ನೋಡಲು ಬಂದಿದ್ದ ಪ್ರವಾಸಿಗರ ನಡುವೆ ವಾದ ವಿವಾದದಲ್ಲಿ ಮತ್ತನ್ ಭಾಗಿಯಾಗಿದ್ದೇ ಹಲ್ಲೆಗೆ ಕಾರಣ. ಘಟನೆಯಲ್ಲಿ ಆರ್‍ಸಿ ಮಾಲೀಕರನ್ನು ಗುರುತಿಸಲಾಗಿದೆ. ವಾಹನದ ಆರ್‍ಸಿ ಮಾಲೀಕ ಕುಟಿಪ್ಪುರಂ ನಿವಾಸಿ ಮೊಹಮ್ಮದ್ ರಿಯಾಜ್ ಎಂಬುದು ದಾಖಲೆಗಳಿಂದ ಪತ್ತೆಯಾಗಿದೆ. ಆದರೆ ಘಟನೆ ನಡೆದಾಗ ರಿಯಾಜ್ ವಾಹನ ಚಲಾಯಿಸುತ್ತಿದ್ದರೇ ಎಂಬುದು ಸ್ಪಷ್ಟ್ಟವಾಗಿಲ್ಲ.

ಭಾನುವಾರ ಸಂಜೆ ಈ ಘಟನೆ ನಡೆದಿದೆ. ಕಾರಲ್ಲಿ ಪ್ರಯಾಣಿಸುತ್ತಿದ್ದ ತಂಡ ಆ ಭಾಗದ ಅಂಗಡಿಯೊಂದರ ಮುಂದೆ ನಿಲ್ಲಿಸಿ ಅವಾಚ್ಯ ಶಬ್ದಗಳಿಂದ ಬೈಯುತ್ತಿದ್ದರು ಎಂದು ಸ್ಥಳೀಯರು ಹೇಳುತ್ತಾರೆ. ಹಿಂದೆ ಬರುತ್ತಿದ್ದ ಮತ್ತೊಂದು ಕಾರಿನಲ್ಲಿ ಬಂದವರ ಮೇಲೆ ಕಲ್ಲು ತೂರಾಟ ನಡೆಸಲು ಯತ್ನಿಸಿದ್ದಾರೆ. ಇದನ್ನು ತಡೆಯಲು ಮುಂದಾದಾಗ ಮತ್ತನ್ ಅವರ ಮೇಲೆ ಗುಂಪು ಹಲ್ಲೆ ನಡೆಸಿದೆ.

ಕಾರಿನ ಬಾಗಿಲಿನೊಳಗೆ ಕೈ ಸಿಕ್ಕಿಹಾಕಿಕೊಂಡು ಅರ್ಧ ಕಿಲೋಮೀಟರ್ ರಸ್ತೆಯುದ್ದಕ್ಕೂ ಎಳೆದೊಯ್ದರು. ಮತ್ತನ್ ಅವರು ಕೈಕಾಲು ಹಾಗೂ ಸೊಂಟಕ್ಕೆ ತೀವ್ರವಾಗಿ ಗಾಯಗೊಂಡು ಮಾನಂತವಾಡಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕಾರು ಮಲಪ್ಪುರಂನಲ್ಲಿ ನೋಂದಣಿಯಾಗಿದೆ. ಸೆಲೆರಿಯೊ ಕಾರು ಸಂಖ್ಯೆ ಕೆಎಲ್ 52 ಎಚ್ 8733 ರ ಮಾಲೀಕರು ಕುಟ್ಟಿಪುರಂಗೆ ಸೇರಿದವರಾಗಿರುವುದರಿಂದ ಪೋಲೀಸರು ತನಿಖೆಯನ್ನು ಮಲಪ್ಪುರಂಗೂ ವಿಸ್ತರಿಸಿದ್ದಾರೆ.