ನವದೆಹಲಿ: ಪ್ರಯಾಗ್‌ರಾಜ್‌ನಲ್ಲಿ ನಡೆಯಲಿರುವ 'ಮಹಾ ಕುಂಭಮೇಳ'ಕ್ಕೆ ರೈಲಿನಲ್ಲಿ ಸಾಗುವವರಿಗೆ ಯಾವುದೇ ರೀತಿಯ ಉಚಿತ ಪ್ರಯಾಣ ಸೌಲಭ್ಯ ಇರುವುದಿಲ್ಲ ಎಂದು ರೈಲ್ವೆ ಇಲಾಖೆ ಬುಧವಾರ ತಿಳಿಸಿದೆ.
ಉಚಿತ ಪ್ರಯಾಣಕ್ಕೆ ಸಂಬಂಧಿಸಿದಂತೆ ಕೆಲ ಸುಳ್ಳು ಸುದ್ದಿಗಳು ಹರಿದಾಡುತ್ತಿದ್ದು, ಅವೆಲ್ಲ ಆಧಾರರಹಿತವಾಗಿದ್ದು, ಜನರ ದಾರಿತಪ್ಪಿಸುವಂತಿವೆ.
ಈ ರೀತಿಯ ಯಾವುದೇ ಉಚಿತ ಪ್ರಯಾಣವನ್ನು ರೈಲ್ವೆ ಒದಗಿಸುತ್ತಿಲ್ಲ ಎಂದು ಇಲಾಖೆಯ ಪ್ರಕಟಣೆ ಹೇಳಿದೆ.
'ಟಿಕೆಟ್‌ ಇಲ್ಲದೆ ಪ್ರಯಾಣಿಸುವುದು ನಿಷೇಧವಾಗಿದ್ದು, ರೈಲ್ವೆ ಕಾಯ್ದೆ ಮತ್ತು ನಿಯಮಗಳ ಪ್ರಕಾರ ಶಿಕ್ಷಾರ್ಹ ಅಪರಾಧವಾಗಿದೆ' ಎಂದು ಅದು ತಿಳಿಸಿದೆ.
DOCTYPE html>
