ಲೈಂಗಿಕ ಕಿರುಕುಳ ದೂರಿನಲ್ಲಿ ಬಾಬಿ ಚೆಮ್ಮನ್ನೂರ್ ಗೆ 14 ದಿನಗಳ ಬಂಧನ; ತೀರ್ಪಿನ ನಂತರ ದೈಹಿಕ ಅಸ್ವಸ್ಥತೆ

ಕೊಚ್ಚಿ: ನಟಿ ಹನಿ ರೋಸ್ ದಾಖಲಿಸಿದ್ದ ಲೈಂಗಿಕ ಕಿರುಕುಳ ದೂರಿನಲ್ಲಿ ಕೈಗಾರಿಕೋದ್ಯಮಿ ಬಾಬಿ ಚೆಮ್ಮನ್ನೂರ್ ಅವರನ್ನು ನ್ಯಾಯಾಲಯ 14 ದಿನಗಳ ಕಾಲ ವಶಕ್ಕೆ ನೀಡಿದೆ.

ಎರ್ನಾಕುಳಂ ಪ್ರಥಮ ದರ್ಜೆ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಬಾಬಿ ಅವರ ಜಾಮೀನು ಅರ್ಜಿಯನ್ನು ತಿರಸ್ಕರಿಸಿತು.

ಆರೋಪಿ ಪರವಾಗಿ ಅಡ್ವ.ಬಿ. ರಾಮನ್ ಪಿಳ್ಳೈ ವಾದ ಮಂಡಿಸಿದರು. ಇದನ್ನು ಜಾಮೀನು ನೀಡಬಹುದಾದ ಅಪರಾಧವೆಂದು ಪರಿಗಣಿಸಬೇಕೆಂದು ಪ್ರತಿವಾದಿ ಕೋರಿದರು. ಆದರೆ ನ್ಯಾಯಾಲಯ ಅದನ್ನು ತಿರಸ್ಕರಿಸಿತು.

ಅದು ಮಹಾಭಾರತದ ಒಂದು ಪಾತ್ರದ ಬಗ್ಗೆಯಷ್ಟೇ ಹೇಳಿದ್ದು.  ಹನಿ ರೋಸ್ ಅವರ ಎಲ್ಲಾ ಆರೋಪಗಳು ಸುಳ್ಳು. ಇದಲ್ಲದೆ, ನಟಿ ದೂರು ದಾಖಲಿಸಲು ಏಕೆ ತಡವಾಯಿತು ಎಂಬುದರ ಬಗ್ಗೆ ಪೋಲೀಸರು ತನಿಖೆ ನಡೆಸಲಿಲ್ಲ ಎಂದು ಬಾಬಿ ಚೆಮ್ಮನೂರು ಪರ ವಕೀಲ ಬಿ. ರಾಮನ್ ಪಿಳ್ಳೈ ನ್ಯಾಯಾಲಯದಲ್ಲಿ ವಾದಿಸಿದರು.

ತೀರ್ಪು ಪ್ರಕಟವಾದ ನಂತರ, ಬಾಬಿ ಚೆಮ್ಮನ್ನೂರ್ ಅಸ್ವಸ್ಥರಾದರು ಮತ್ತು ಅವರ ರಕ್ತದೊತ್ತಡ ಹೆಚ್ಚಾಯಿತು. ಇದಾದ ನಂತರ, ಬಾಬಿಗೆ ನ್ಯಾಯಾಲಯದ ಒಳಗೆ ವಿಶ್ರಾಂತಿ ಪಡೆಯಲು ಅವಕಾಶ ನೀಡಲಾಯಿತು. ತನ್ನ ವಿರುದ್ಧದ ಆರೋಪಗಳು ಸುಳ್ಳು ಎಂದು ಬಾಬಿ ನ್ಯಾಯಾಲಯದಲ್ಲಿ ಪುನರುಚ್ಚರಿಸಿದರು. ದೇಹವನ್ನು ಮುಟ್ಟಲಾಯಿತು ಎಂದು ಹೇಳುವುದು ತಪ್ಪು. ಅವರು 30 ಗಂಟೆಗಳ ಕಾಲ ಪೆÇಲೀಸ್ ಕಸ್ಟಡಿಯಲ್ಲಿದ್ದರು ಮತ್ತು ಅವರ ಪೋನ್‍ಗಳನ್ನು ವಶಪಡಿಸಿಕೊಂಡು ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಅವರು ಹೇಳಿದರು.

ಡಿಜಿಟಲ್ ಸಾಕ್ಷ್ಯಗಳನ್ನು ಪ್ರಸ್ತುತಪಡಿಸಬಹುದು ಎಂದು ಪ್ರತಿವಾದಿ ವಕೀಲರು ಸೂಚಿಸಿದಾಗ, ಈ ಹಂತದಲ್ಲಿ ವೀಡಿಯೊವನ್ನು ವೀಕ್ಷಿಸುವ ಅಗತ್ಯವಿಲ್ಲ ಎಂದು ನ್ಯಾಯಾಲಯವು ಗಮನಿಸಿತು. ದೂರುದಾರರೇ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ ಮತ್ತು ವಿವಾದಾತ್ಮಕ ಹೇಳಿಕೆಯ ನಂತರವೂ ಇಬ್ಬರೂ ಸ್ನೇಹಿತರಾಗಿ ಉಳಿದಿದ್ದಾರೆ ಎಂದು ಪ್ರತಿವಾದಿಯು ವಾದಿಸಿದರು.

ಏತನ್ಮಧ್ಯೆ, ಪ್ರಾಸಿಕ್ಯೂಷನ್ ಜಾಮೀನು ನೀಡುವುದನ್ನು ವಿರೋಧಿಸಿತು, ಬಾಬಿ ಗಂಭೀರ ಅಪರಾಧ ಮಾಡಿದ್ದಾರೆ ಎಂದು ಎತ್ತಿ ತೋರಿಸಿತು. ನಂತರ ಹನಿ ರೋಸ್ ಅವರ ದೂರನ್ನು ನ್ಯಾಯಾಲಯಕ್ಕೆ ಓದಲಾಯಿತು. ಪ್ರಕರಣದ ಅರ್ಹತೆಯನ್ನು ಪರಿಶೀಲಿಸುತ್ತಿಲ್ಲ ಎಂದು ಗಮನಿಸಿದ ನ್ಯಾಯಾಲಯ, ಮಧ್ಯಾಹ್ನದ ನಂತರ ಪ್ರಕರಣದ ತೀರ್ಪನ್ನು ನೀಡುವುದಾಗಿ ಘೋಷಿಸಿತು.