ಕ್ರೀಡಾ ಶಾಲೆಗಳಲ್ಲಿ ಪ್ರವೇಶ ಪಡೆಯಲು ಅವಕಾಶ: ಜನವರಿ 18 ರಿಂದ ಕ್ರೀಡಾ ಮಂಡಳಿ ಆಯ್ಕೆ

ತಿರುವನಂತಪುರಂ: ರಾಜ್ಯ ಕ್ರೀಡಾ ಇಲಾಖೆಯಡಿಯಲ್ಲಿ ಕ್ರೀಡಾ ನಿರ್ದೇಶನಾಲಯದ ನಿಯಂತ್ರಣದಲ್ಲಿ ಕಾರ್ಯನಿರ್ವಹಿಸುವ ತಿರುವನಂತಪುರಂ ಜಿ.ವಿ. ರಾಜಾ ಕ್ರೀಡಾ ಶಾಲೆ, ಕಣ್ಣೂರು ಕ್ರೀಡಾ ಶಾಲೆ, ತ್ರಿಶೂರ್ ಕ್ರೀಡಾ ವಿಭಾಗಕ್ಕೆ 2025-26ನೇ ಶೈಕ್ಷಣಿಕ ವರ್ಷಕ್ಕೆ ಮೊದಲ ಹಂತದ ಆಯ್ಕೆ ಮತ್ತು ಕ್ರೀಡೆಗಳಿಗೆ ಕೇರಳ ರಾಜ್ಯ ಕ್ರೀಡಾ ಮಂಡಳಿಯ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಹಾಸ್ಟೆಲ್‍ಗಳು ಮತ್ತು ಶಾಲಾ ಅಕಾಡೆಮಿಗಳು ಜನವರಿ 18 ರಿಂದ ನಡೆಯಲಿವೆ.

6, 7, 8 ಮತ್ತು ಪ್ಲಸ್ ಒನ್ ತರಗತಿಗಳಿಗೆ ನೇರವಾಗಿ ಆಯ್ಕೆ ಮಾಡಲಾಗುವುದು ಮತ್ತು 9 ಮತ್ತು 10 ನೇ ತರಗತಿಗಳಿಗೆ ಖಾಲಿ ಇರುವ ಸೀಟುಗಳಿಗೆ ಲ್ಯಾಟರಲ್ ಎಂಟ್ರಿ ಮೂಲಕ ಆಯ್ಕೆ ಮಾಡಲಾಗುವುದು. ಬ್ಯಾಸ್ಕೆಟ್‍ಬಾಲ್, ಬಾಕ್ಸಿಂಗ್, ಹಾಕಿ, ಜೂಡೋ, ವಾಲಿಬಾಲ್ ಮತ್ತು ಕುಸ್ತಿಯಲ್ಲಿ ಬಾಲಕ ಮತ್ತು ಬಾಲಕಿಯರಿಗೆ ಆಯ್ಕೆ ಮುಕ್ತವಾಗಿದೆ ಮತ್ತು  ಪುಟ್‍ಬಾಲ್ ಮತ್ತು ಟೇಕ್ವಾಂಡೋದಲ್ಲಿ ಹುಡುಗಿಯರಿಗೆ ಮಾತ್ರ ಅವಕಾಶವಿದೆ.

ಬಾಲಕರ ಪುಟ್ಬಾಲ್ ಆಯ್ಕೆ ನಂತರ ನಡೆಯಲಿದೆ. 6 ಮತ್ತು 7 ನೇ ತರಗತಿಗಳಿಗೆ ಆಯ್ಕೆಯು ಅಥ್ಲೆಟಿಕ್ ಸಾಮಥ್ರ್ಯ ಪರೀಕ್ಷೆಯನ್ನು ಆಧರಿಸಿದೆ, ಆದರೆ 8 ನೇ ತರಗತಿ ಮತ್ತು ಪ್ಲಸ್ ಒನ್ ತರಗತಿಗಳಿಗೆ ಆಯ್ಕೆಯು ಅಥ್ಲೆಟಿಕ್ ಸಾಮಥ್ರ್ಯ ಮತ್ತು ಆಯಾ ಕ್ರೀಡೆಯಲ್ಲಿನ ಸಾಧನೆಯನ್ನು ಆಧರಿಸಿದೆ. 9 ಮತ್ತು 10 ನೇ ತರಗತಿಗಳಿಗೆ ಲ್ಯಾಟರಲ್ ಎಂಟ್ರಿ ಪಡೆಯಲು, ಅಭ್ಯರ್ಥಿಗಳು ರಾಜ್ಯ ಮಟ್ಟದಲ್ಲಿ ಪದಕ ಗೆದ್ದಿರಬೇಕು ಅಥವಾ ಸಮಾನವಾದ ಸಾಧನೆಯನ್ನು ಪ್ರದರ್ಶಿಸಿರಬೇಕು. ಮೊದಲ ಸುತ್ತಿನ ಆಯ್ಕೆಯಲ್ಲಿ ಉತ್ತಮ ಸಾಧನೆ ಮಾಡಿದವರು ಏಪ್ರಿಲ್ 2025 ರಲ್ಲಿ ಆಯೋಜಿಸಲಾಗುವ ವಾರದ ಮೌಲ್ಯಮಾಪನ ಶಿಬಿರದಲ್ಲಿ ಭಾಗವಹಿಸಬೇಕು. ಅಂತಿಮ ಆಯ್ಕೆಯು ಶಿಬಿರದಲ್ಲಿನ ಸಾಧನೆ ಮತ್ತು ಪರೀಕ್ಷೆಗಳನ್ನು ಆಧರಿಸಿರುತ್ತದೆ.

ಪ್ರಾಥಮಿಕ ಆಯ್ಕೆಯನ್ನು ಈ ಕೆಳಗಿನ ಕೇಂದ್ರಗಳಲ್ಲಿ ನಡೆಸಲಾಗುವುದು:

18/01/2025 ಮುನ್ಸಿಪಲ್ ಕ್ರೀಡಾಂಗಣ, ತಲಶ್ಶೇರಿ

19/01/2025 ಇಎಂಎಸ್ ಕ್ರೀಡಾಂಗಣ ನೀಲೇಶ್ವರ

21/01/2025 ಎಸ್.ಎಸ್.ಕೆ.ಎಂ.ಜೆ.ಎಚ್.ಎಸ್. ಎಸ್.ಎಸ್. ಕ್ರೀಡಾಂಗಣ, ಕಲ್ಪೆಟ್ಟ

22/01/2025 ಕ್ಯಾಲಿಕಟ್ ವಿಶ್ವವಿದ್ಯಾಲಯ ಕ್ರೀಡಾಂಗಣ, ತೆಂಜಿಪಾಲಂ

23/01/2025 ಮುನ್ಸಿಪಲ್ ಕ್ರೀಡಾಂಗಣ, ಪಾಲಕ್ಕಾಡ್

24/01/2025 ಜಿ.ವಿ.ಎಚ್.ಎಸ್.ಎಸ್. ಕುನ್ನಂಕುಳಂ, ತ್ರಿಶೂರ್

25/01/2025 ಯುಸಿ ಕಾಲೇಜು ಮೈದಾನ, ಅಲುವಾ

28/01/2025 ಕಲವೂರು ಗೋಪಿನಾಥ್ ಕ್ರೀಡಾಂಗಣ, ಕಲವೂರು, ಆಲಪ್ಪುಳ

30/01/2025 ಮುನ್ಸಿಪಲ್ ಕ್ರೀಡಾಂಗಣ, ನೆಡುಂಕಂಡಂ, ಇಡುಕ್ಕಿ

31/01/2025 ಮುನ್ಸಿಪಲ್ ಕ್ರೀಡಾಂಗಣ, ಪಾಲಾ

01/02/2025 ಕೊಡುಮನ್ ಕ್ರೀಡಾಂಗಣ, ಪತ್ತನಂತಿಟ್ಟ

02/02/2025 ಶ್ರೀಪಾದಂ ಕ್ರೀಡಾಂಗಣ, ಅಟ್ಟಿಂಗಲ್

03/02/2025 ಜಿವಿ ರಾಜಾ ಕ್ರೀಡಾ ಶಾಲೆ, ಮೈಲಂ, ತಿರುವನಂತಪುರಂ

ಆಯ್ಕೆಯಲ್ಲಿ ಭಾಗವಹಿಸುವ ವಿದ್ಯಾರ್ಥಿಗಳು ಆಯಾ ದಿನ ಬೆಳಿಗ್ಗೆ 9 ಗಂಟೆಗೆ ವಯಸ್ಸು ಸಾಬೀತುಪಡಿಸುವ ಪ್ರಮಾಣಪತ್ರ, ಆಧಾರ್ ಕಾರ್ಡ್, ಎರಡು ಪಾಸ್ ಪೋರ್ಟ್ ಗಾತ್ರದ ಛಾಯಾಚಿತ್ರಗಳು ಮತ್ತು ಕ್ರೀಡಾ ಉಡುಪಿನೊಂದಿಗೆ ಆಗಮಿಸಬೇಕು. ವಿದ್ಯಾರ್ಥಿಗಳು ತಮ್ಮ ಅನುಕೂಲಕ್ಕೆ ತಕ್ಕಂತೆ ಮೇಲೆ ತಿಳಿಸಿದ ಯಾವುದೇ ಕೇಂದ್ರಗಳಲ್ಲಿ ಆಯ್ಕೆ ಪರೀಕ್ಷೆಗೆ ಹಾಜರಾಗಬಹುದು. ಅವರು ಯಾವುದೇ ಕೇಂದ್ರದಲ್ಲಿ ಒಮ್ಮೆ ಮಾತ್ರ ಹಾಜರಾಗಬಹುದು. ಹೆಚ್ಚಿನ ಮಾಹಿತಿಗಾಗಿ, ಜsಥಿಚಿ.ಞeಡಿಚಿಟಚಿ.gov.iಟಿ ವೆಬ್‍ಸೈಟ್‍ಗೆ ಭೇಟಿ ನೀಡಬಹುದು.