ಕಾಸರಗೋಡು: ಪೆರಿಯ ಜೋಡಿ ಕೊಲೆ ಪ್ರಕರಣದ ತನಿಖೆಗಾಗಿ ಸಿಪಿಎಂ ವಿಶೇಷ ಸಮಿತಿಯನ್ನು ರಚಿಸಿದೆ. ಪಕ್ಷದ ಪ್ರತಿಯೊಬ್ಬ ಸದಸ್ಯರು 500 ರೂ.ಗಳನ್ನು ದೇಣಿಗೆ ನೀಡುವಂತೆ ಮತ್ತು ಉದ್ಯೋಗದಲ್ಲಿರುವವರು ಒಂದು ದಿನದ ವೇತನವನ್ನು ನೀಡಬೇಕೆಂದು ಜಿಲ್ಲಾ ಸಮಿತಿ ಶಿಫಾರಸು ಮಾಡಿದೆ. ಈ ತಿಂಗಳ 20 ರೊಳಗೆ ಹಣವನ್ನು ಪ್ರದೇಶ ಸಮಿತಿಗಳಿಗೆ ಸಲ್ಲಿಸಲು ಸೂಚಿಸಲಾಗಿದೆ.
ಕಾಸರಗೋಡು ಜಿಲ್ಲೆಯಲ್ಲಿ ಸಿಪಿಎಂ 28,000 ಸದಸ್ಯರನ್ನು ಹೊಂದಿದೆ ಎಂದು ಅಂದಾಜಿಸಲಾಗಿದೆ. ಇವರಲ್ಲದೆ, ಪಕ್ಷ ನಿಯಂತ್ರಿತ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ಅನೇಕ ಜನರಿದ್ದಾರೆ. ಈ ಜನರಿಂದ ಹಣ ಸಂಗ್ರಹಿಸಿ ಪ್ರಕರಣದ ಮುಂದಿನ ವೆಚ್ಚ ಸರಿದೂಗಿಸಲು ಪಕ್ಷ ನಿರ್ಧರಿಸಿದೆ.
ಮಾಜಿ ಶಾಸಕ ಕೆ.ವಿ. ಕುಂಞÂ್ಞ ರಾಮನ್ ಮತ್ತು ಸಿಪಿಎಂ ಜಿಲ್ಲಾ ಸಮಿತಿ ಸದಸ್ಯ ಕೆ. ಮಣಿಕಂಠನ್ ಸೇರಿದಂತೆ ಶಿಕ್ಷೆಗೊಳಗಾದ ಅಪರಾಧಿಗಳ ಕಾನೂನು ಹೋರಾಟ ನಡೆಸಲು ಈ ನಿಧಿಯನ್ನು ಸಂಗ್ರಹಿಸಲಾಗುತ್ತಿದೆ. ಪ್ರತಿಯೊಂದು ಶಾಖೆಗೆ ನಿಗದಿಪಡಿಸಿದ ಕೋಟಾವನ್ನು ಆಧರಿಸಿ ಸಂಗ್ರಹವಾಗುತ್ತದೆ. ನಿಧಿಸಂಗ್ರಹಣೆ ಈ ತಿಂಗಳು ಪೂರ್ಣಗೊಳ್ಳಲು ನಿರ್ಧರಿಸಲಾಗಿದೆ.
ಪೆರಿಯ ಪ್ರಕರಣಕ್ಕಾಗಿ ಸಿಪಿಎಂ ಹಣ ಸಂಗ್ರಹಿಸುತ್ತಿರುವುದು ಇದು ಎರಡನೇ ಬಾರಿ. 2021 ರಲ್ಲಿ ಜಿಲ್ಲಾ ಸಮಿತಿ ಕಚೇರಿಯಲ್ಲಿ ಅಂತಿಮ ಸುತ್ತಿನ ಕೆಲಸಕ್ಕಾಗಿ ಹಣವನ್ನು ಸಂಗ್ರಹಿಸಲಾಗಿತ್ತು.
ಯುವ ಕಾಂಗ್ರೆಸ್ ಕಾರ್ಯಕರ್ತರಾದ ಶರತ್ ಲಾಲ್ ಮತ್ತು ಕೃಪೇಶ್ ಅವರ ಕೊಲೆ ಪ್ರಕರಣದಲ್ಲಿ ಹತ್ತು ಆರೋಪಿಗಳಿಗೆ ಜೀವಾವಧಿ ಶಿಕ್ಷೆ ವಿಧಿಸಿದ ಸಿಬಿಐ ನ್ಯಾಯಾಲಯ, ಎರಡನೇ ಆರೋಪಿ ಸಾಜಿ ಜಾರ್ಜ್ ಅವರನ್ನು ಪೋಲೀಸ್ ಕಸ್ಟಡಿಯಿಂದ ಬಿಡುಗಡೆ ಮಾಡಿದ್ದಕ್ಕಾಗಿ ಮಾಜಿ ಶಾಸಕ ಕುಂಞÂ್ಞ ರಾಮನ್ ಮತ್ತು ಇತರರಿಗೆ ಐದು ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ.
ಈ ಮಧ್ಯೆ ಪಕ್ಷ ಹಣ ಸಂಗ್ರಹಿಸುವ ಆದೇಶದ ವಿರುದ್ದ ಒಂದು ವಿಭಾಗ ಅತೃಪ್ತಿ ವ್ಯಕ್ತಪಡಿಸಿದ್ದು, ಹಣ ನೀಡಲು ಸಿದ್ದರಿಲ್ಲವೆಂದು ತಿಳಿಸಿರುವುದಾಗಿ ತಿಳಿದುಬಂದಿದೆ.
DOCTYPE html>
