ನಟಿ ಹನಿ ರೋಸ್ ವಿರುದ್ಧ ಅಸಭ್ಯ ಕಾಮೆಂಟ್; ಮೊದಲ ಬಂಧನ ದಾಖಲು

ಕೊಚ್ಚಿ: ಫೇಸ್‍ಬುಕ್‍ನಲ್ಲಿ ಅಶ್ಲೀಲ ಕಾಮೆಂಟ್ ಮಾಡಿದ್ದಾರೆ ಎಂದು ನಟಿ ಹನಿ ರೋಸ್ ದೂರಿನ ಮೇರೆಗೆ ಎರ್ನಾಕುಳಂ ಸೆಂಟ್ರಲ್ ಪೋಲೀಸರು 27 ಜನರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.

ಪ್ರಕರಣದಲ್ಲಿ ಮೊದಲ ಬಂಧನವಾಗಿದೆ. ಆರೋಪಿಯನ್ನು ಪಣಂಗಾಡ್ ನಲ್ಲಿ ಬಂಧಿಸಲಾಗಿದೆ. ಶೀಘ್ರದಲ್ಲೇ ಅವರನ್ನು ಠಾಣೆಗೆ ಕರೆತರಲಾಗುವುದು.

ಫೇಸ್‍ಬುಕ್ ಪೋಸ್ಟ್‍ನಲ್ಲಿ ಮಹಿಳೆಯರ ಬಗ್ಗೆ ಅವಹೇಳನಕಾರಿ ಕಾಮೆಂಟ್ ಮಾಡಿದ್ದಾರೆ ಎಂದು ನಟಿ ಹನಿ ರೋಸ್ ದೂರು ನೀಡಿದ್ದರು. ಅದರಂತೆ ಪೋಲೀಸರು 27 ಜನರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಎರ್ನಾಕುಳಂ ಸೆಂಟ್ರಲ್ ಪೋಲೀಸರು 30 ಜನರ ವಿರುದ್ಧ ಎಫ್‍ಐಆರ್ ದಾಖಲಿಸಿದ್ದಾರೆ. ಕಾನೂನು ಪ್ರಕ್ರಿಯೆಗಳನ್ನು ಮುಂದುವರಿಸಲು ನಿರ್ಧರಿಸಲಾಗಿದೆ ಎಂದು ಹನಿ ರೋಸ್ ಹೇಳಿದ್ದಾರೆ. ಪೋಲೀಸರು ಲೈಂಗಿಕ ಕಿರುಕುಳದ ಸೆಕ್ಷನ್ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಸ್ತ್ರೀತ್ವವನ್ನು ಅವಮಾನಿಸುವ ದ್ವಂದ್ವಾರ್ಥದ ಅಭಿವ್ಯಕ್ತಿಗಳನ್ನು ಮಾಡುವ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ತನ್ನನ್ನು ಗೇಲಿ ಮಾಡುವವರಿಗೆ ಎಚ್ಚರಿಕೆಯೊಂದಿಗೆ ನಟಿ ನಿನ್ನೆ ಫೇಸ್‍ಬುಕ್‍ನಲ್ಲಿ ಪೋಸ್ಟ್ ಮಾಡಿದ್ದರು.  ಮಾನಸಿಕ ಅಸ್ವಸ್ಥರ ಇಂತಹ ಹೇಳಿಕೆಗಳನ್ನು ಹೀನಾಯವಾಗಿ ಮತ್ತು ಅನುಕಂಪದಿಂದ ನಿರ್ಲಕ್ಷಿಸುವುದು ವಾಡಿಕೆ, ಆದರೆ ಈಗ ಈ ವಿಚಾರದಲ್ಲಿ ಕಾನೂನಾತ್ಮಕವಾಗಿ ಮುಂದುವರಿಯಲು ನಿರ್ಧರಿಸಲಾಗಿದೆ ಎಂದು ಹನಿ ರೋಸ್ ಫೇಸ್‍ಬುಕ್ ಪೋಸ್ಟ್‍ನಲ್ಲಿ ತಿಳಿಸಿದ್ದಾರೆ. ಇದಾದ ಬಳಿಕ ನಟಿ ಪೋಲೀಸರಿಗೆ ದೂರು ನೀಡಿದ್ದರು.