ರಾಜ್ಯ ಕಲೋತ್ಸವ-ಮಂಗಳಂ ಕಳಿಯಲ್ಲಿ ಇತಿಹಾಸ ನಿರ್ಮಿಸಿದ ಕಾಸರಗೋಡು

ಕಾಸರಗೋಡು: ತಿರುವನಂತಪುರಂನಲ್ಲಿ ಶನಿವಾರ ರಾಜ್ಯಮಟ್ಟದ ಶಾಲಾ ಕಲೋತ್ಸವ ಆರಂಭಗೊಂಡಿದ್ದು, ಕಾಸರಗೋಡು ಬಾನಂ ಸರ್ಕಾರಿ ಪ್ರೌಢಶಾಲೆ ಮಂಗಳಂ ಕಳಿಯಲ್ಲಿ ಎ ಗ್ರೇಡ್ ಪಡೆಯುವ ಮೂಲಕ ಐತಿಹಾಸಿಕ ಸಾಧನೆ ಮಾಡಿದೆ. 

ಕಾಸರಗೋಡು ಮತ್ತು ಕಣ್ಣೂರು ಜಿಲ್ಲೆಗಳ ಮಾವಿಲನ್ ಮತ್ತು ಮಲವೇತುವನ್ ಸಮುದಾಯದ ವಿಶಿಷ್ಟ ರೂಪವಾದ ಮಂಗಳಂಕಳಿ ಈ ವರ್ಷವಷ್ಟೇ ಕಲೋತ್ಸವದಲ್ಲಿ ಸ್ಥಾನಪಡೆದಿದ್ದು, ಮೊದಲ ವರ್ಷದಲ್ಲೇ ಬಾನಂ ಶಾಲೆ ಈ ಸಾಧನೆ ದಾಖಲಿಸಿ ಜಿಲ್ಲೆಗೆ ಹೆಮ್ಮೆತಂದಿದೆ.

ಬಾನಂನ ಮಕ್ಕಳು ರಾಜ್ಯದಲ್ಲೇ ಅತಿ ಹೆಚ್ಚು ಅಂಕ ಗಳಿಸಿ ಈ ಸಾಧನೆ ಮಾಡಿದರು. ವ್ಯವಸ್ಥಿತ ವಿಧಾನವೇ ಅವರನ್ನು ಪ್ರಥಮ ಎ ಗ್ರೇಡಿಗೇರಲು ಕಾರಣವಾಯಿತು. 250ಕ್ಕಿಂತ ಕಡಿಮೆ ವಿದ್ಯಾರ್ಥಿಗಳಿರುವ ಶಾಲೆಯಿಂದಲೇ ಈ ಸಾಧನೆ ಮಾಡಿರುವುದು ಯಶಸ್ಸಿಗೆ ಪೂರಕವಾಗಿದೆ. ತರಬೇತುದಾರರು ಸುನೀಲ್ ಬಾನಂ ಮತ್ತು ಸುನೀತಾ ಸುನಿಲ್ ದಂಪತಿಗಳು. ವಿಜಯಿ ತಂಡಕ್ಕೆ ನೀಲೇಶ್ವರ ರೈಲು ನಿಲ್ದಾಣದಲ್ಲಿ ಅದ್ದೂರಿ ಸ್ವಾಗತ ನೀಡಲಾಯಿತು. ಹೂಮಾಲೆ ಮತ್ತು ಪುಷ್ಪಗುಚ್ಚದೊಂದಿಗೆ ನಿನ್ನೆ ಸ್ವಾಗತಿಸಲಾಯಿತು. ಶಾಲಾ ಪಿಟಿಎ ಅಧ್ಯಕ್ಷ ಪಿ.ಮನೋಜ್ ಕುಮಾರ್, ಉಪಾಧ್ಯಕ್ಷ ಪಿ.ರಾಜೀವನ್, ಎಸ್ ಎಂಸಿ ಅಧ್ಯಕ್ಷ ಬಾನಂ ಕೃಷ್ಣನ್, ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಕೆ.ಎನ್.ಭಾಸ್ಕರನ್, ಮುಖ್ಯಶಿಕ್ಷಕಿ ಸಿ.ಕೋಮಲವಳ್ಳಿ, ಹಿರಿಯ ಸಹಾಯಕ ಪಿ.ಕೆ.ಬಾಲಚಂದ್ರನ್, ತಂಡದ ವ್ಯವಸ್ಥಾಪಕ ಅನೂಪ್ ಪೆರಿಯಾಲ್ ಜೊತೆಗಿದ್ದರು.