ಇಂದಿನಿಂದ ಕಡಂಬಾರು ಮಖಾಂ ಉರೂಸ್

ಕುಂಬಳೆ: ಕಡಂಬಾರು ವಲಿಯುಲ್ಲಾಹಿ ಹಾಜಿಯಾರ್ ಉಪ್ಪಾಪ ಮಖಾಂ ಉರೂಸ್ ಹಾಗೂ 11 ದಿನದ ಧಾರ್ಮಿಕ ಪ್ರವಚನ ಇಂದಿನಿಂದ (ಜ.1) 12ರವರೆಗೆ ವಿವಿಧ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ ಎಂದು ಸಂಬಂಧಪಟ್ಟವರು ಕುಂಬಳೆಯಲ್ಲಿ ನಡೆಸಿದ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಇಂದು ಸಂಜೆ 4 ಕ್ಕೆ ಅತ್ತಾವುಲ್ಲ- ತಂಙಳ್ ಧ್ವಜಾರೋಹಣ ಮಾಡುವರು. ಕುಂಬೋಳ್ ಕೆ.ಎಸ್. ಆಟಕೋಯ ತಂಙಳ್ ಮಖಾಂ ಸಿಯಾರತ್ ಗೆ ನೇತೃತ್ವ ನೀಡುವರು. ರಾತ್ರಿ ಕೆ.ಜೆ. ಜಾಫರ್ ಸಾದಿಕ್ ತಂಙಳ್ ಧಾರ್ಮಿಕ ಪ್ರವಚನ ಉದ್ಘಾಟಿಸುವರು. ಜಮಾಅತ್ ಅಧ್ಯಕ್ಷ ಅಬೂಬಕ್ಕರ್ ಹೊಸಮನೆ ಅಧ್ಯಕ್ಷತೆ ವಹಿಸುವರು. ಅಬ್ಬಾಸ್ ದಾರಿಮಿ ಪ್ರಾಸ್ತಾವಿಕವಾಗಿ ಮಾತನಾಡುವರು. ಹಾಫೀಲ್ ಮಸೂದ್ ಸಖಾಫಿ ಪ್ರಧಾನ ಭಾಷಣ ಮಾಡುವರು. ಬಳಿಕದ ದಿನಗಳಲ್ಲಿ ಅಬ್ದುಲ್ ರಹಿಮಾನ್ ಅಲ್‍ಬುಖಾರಿ, ಹಂಸ ಮಿಸ್‍ಬಾಹಿ, ಇಬ್ರಾಹಿಂ ಬಾತಿಷ, ಸುಹೈಬುಲ್ ಹೈತಮಿ, ಸಂಶುದ್ದೀನ್ ತಂಙಳ್ ಪ್ರವಚನ ನೀಡುವರು. 4ರಂದು ಸಂಜೆ 6.30ಕ್ಕೆ ಮದನೀಯಂ ಮಜ್ಜಿಸ್‍ಗೆ ಲತೀಫ್ ಸಖಾಫಿ ಕಾಂತಪುರಂ, 7ರಂದು ರಾತ್ರಿ 8.30ಕ್ಕೆ ನೂರ್‍ಅಜ್ ಮಿರ್ ಮಜ್ಜಿಸ್ ಗೆ ವಲಿಯುದ್ದೀನ್ ಫೈಸಿ ನೇತೃತ್ವ ನೀಡುವರು. 10ರಂದು ಮಧ್ಯಾಹ್ನ 2.30ಕ್ಕೆ ಮಾನವ ಸೌಹರ್ಧ ಸಂಗಮ ನಡೆಯಲಿದೆ. ಶಾಸಕ ಎ.ಕೆ.ಎಂ. ಅಶ್ರಫ್ ಸಹಿತ ಹಲವರು ಭಾಗವಹಿಸುವರು. 11ರಂದು ರಾತ್ರಿ 7.30ಕ್ಕೆ ಸಮಾರೋಪ ಸಮಾರಂಭ ಜರಗಲಿದ್ದು, ಸಮಸ್ತ ಅಧ್ಯಕ್ಷ ಮೊಹಮ್ಮದ್ ಜಿಫ್ರಿ ಮುತ್ತುಕೋಯ ತಂಙಳ್ ಉದ್ಘಾಟಿಸುವರು. ಮುದರಿಸ್ ಎಂ.ಪಿ. ಮುಹಮ್ಮದ್ ಸಅದಿ ಅಧ್ಯಕ್ಷತೆ ವಹಿಸುವರು.

ಕರ್ನಾಟಕದ ಸ್ಪೀಕರ್ ಯು.ಟಿ. ಖಾದರ್, ಸಂಸದ ರಾಜ್ ಮೋಹನ್ ಉಣ್ಣಿತ್ತಾನ್ ಭಾಗವಹಿಸುವರು. ಸುದ್ದಿಗೋಷ್ಠಿಯಲ್ಲಿ ಪದಾಧಿಕಾರಿಗಳಾದ ಖತೀಬ್ ಅಬ್ಬಾಸ್ ದಾರಿಮಿ ಅಲ್ ಮುರ್ಷಿದಿ, ಜಮಾತ್ ಅಧ್ಯಕ್ಷ ಅಬೂಬಕರ್ ಹೊಸಮನೆ, ಪ್ರಧಾನ ಕಾರ್ಯದರ್ಶಿ ಹಮೀದ್ ಕೆ.ಕೆ, ಉರೂಸ್ ಸಮಿತಿ ಅಧ್ಯಕ್ಷ ಕರೀಂ ಅಲ್ಬರಕ, ಉರೂಸ್ ಸಮಿತಿ ಪ್ರಧಾನ ಕಾರ್ಯದರ್ಶಿ ಮಾಮು ಕಲ್ಕಟ್ಟ, ಕೋಶಾಧಿಕಾರಿ ರಹೀಮ್, ಉಪಾಧ್ಯಕ್ಷ ಅಬ್ದುಲ್ ಖಾದರ್, ಯುಆರ್‍ಎಸ್ ಸಮಿತಿಯ ಕಾರ್ಯದರ್ಶಿ ಜಾಸಿಂ ಕಡಂಬಾರ್ ಉಪಸ್ಥಿತರಿದ್ದರು.